स्थानीय तह
सुन्दरहरैँचा नगरपालिकाद्वारा विद्यार्थी, शिक्षक, कर्मचारीलगायतलाई सम्मान
विराटचोकः लोपोन्मुख किसान जातिको डाँटा नृत्य प्रस्तुत गरी राष्ट्रिय लोक नृत्य प्रतियोगितामा प्रथम भएको विद्यालयलाई सुन्दरहरैंचा नगरपालिकाले सम्मान गरेको छ । राष्ट्रिय लोकनृत्य प्रतियोगिताको उपाधी जित्न सफल मोरङको सुन्दरहरैँचा नगरपालिका वडा नम्बर १० मा रहेको सिद्धार्थ सेकेण्डरी स्कुललाई सुन्दरहरैँचा नगरपालिकाको बाह्रौ नगरसभाको अवसरमा सम्मान गरिएको हो ।
प्रतियोगिताको प्रमुख अतिथि भएर गत भदौमा पोखरा पुगेका नगर प्रमुख केदारप्रसाद गुरागाईले सुन्दरहरैंचाको विद्यालय प्रथम भएमा २ लाख नगदसहित सम्मान गर्ने घोषणा गरेका थिए । आइतबार नगरसभाको अवसर पारेर विद्यालयलाई सम्मानपत्रद्वारा सम्मान गरिएको हो । सो अवसरमा नृत्यमा सहभागी भएका १६ जना विद्यार्थीले सोे नृत्य समेत प्रस्तुत गरेका थिए ।
नगरसभामा नगरप्रमुख गुरागाई, उपप्रमुख अकली चौधरी, प्रमुख प्रशासकीय अधिकृत अम्बिकाप्रसाद चौलागाईले सो विद्यालयका प्रिन्सिपल अर्जुन बस्नेतलाई सम्मानपत्र हस्तान्तरण गरेका थिए ।
विद्यालयको सो नृत्य नगरस्तरीय प्याब्सन लोकनृत्य प्रतियोगितामा प्रथम, जिल्लास्तरीय प्याब्सन लोकनृत्य प्रतियोगितामा प्रथम, प्रदेश नं. १ स्तरीय प्याब्सन लोकनृत्य प्रतियोगितामा प्रथम हुँदै पोखरामा भएको प्याब्सन राष्ट्रिय लोक नृत्य प्रतियोगितामा भाग लिएको थियो । सो प्रतियोगितामा पनि सो नृत्य पहिलो भएको थियो ।
यस्तै, नगरसभाको अवसरमा विभिन्न पदकबाट कर्मचारीलाई समेत सम्मान गरिएको थियो । दीर्घ सेवा पदकबाट स्वास्थ्य शाखा प्रमुख मचिन्द्र बस्नेत, सामुदायिक विद्यालयतर्फ उत्कृष्ट भएको शिक्षा निकेतन माविका प्रधानाध्यापक ठाकुर सुवेदी, नगर अस्पतालमा कार्यरत नर्सिङ स्टाफ ममता सुवेदी, प्राविधिक कर्मचारी सुनिल तिम्सिना, वडा नम्बर ३ राजस्व शाखामा कार्यरत कर्मचारी तिलक खनाल, वडा नम्बर ९ की कार्यालय सहयोगी एलिसा बोहोरा थापा, वडा नम्बर ५ की वडा सचिव लक्ष्मी भट्टराईलाई सम्मान गरिएको थियो ।
यस्तै सबैभन्दा धेरै राजस्व सङ्कलन गर्ने वडा नम्बर ४ लाई पनि सम्मान गरिने बताइएको छ । नगरसभाको दोस्रो बैठक असार १५ गते बस्ने भएको छ । सो बैठकमा वडा नम्बर ४ लाई बढी कर सङ्कलन गर्ने वडाको रुपमा सम्मान गरिने भएको हो ।
Facebook Comment
Banner
नोवेल मेडिकल कलेज टिचिङ्ग हस्पिटलका चिकित्सक, कर्मचारी, विद्यार्थीहरुले रक्तदान गरे
Banner
नोवेल मेडिकल कलेज टिचिङ्ग हस्पिल बिरटनगरको प्राबिधिक सहयोग र सुनसरी जिल्लाको बराहाक्षेत्र नगरपालिकाको आयोजनामा महेन्द्र मा. बि., भरौल, वार्ड –३ मा एक दिवसिय निःशुल्क स्वास्थ्य सिविरको आयोजना गरियो ।
Banner
नोबेलको निःशुल्क आँखा शिविरमा आँखा पाकेका बिरामीको भीड
आँखा पाक्ने समस्या बढिरहेका बेला विराटनगरस्थित नोबेल शिक्षण अस्पतालले बुधबार मोरङको पथरीशनिश्चरे–४ सिरिसेडाँडामा निःशुल्क आँखा शिविर सञ्चालन गरेको छ ।
पथरीशनिश्चरे ४ नं. वडा कार्यालयसँग सहकार्य गरेर एक दिने शिविर आयोजना गरिएको हो । शिविरमा २ सय ६० जना बिरामीको निःशुल्क आँखा जाँच गरी औषधि प्रदान गरिएको नोबेल शिक्षण अस्पतालका मार्केटिङ अफिसर नविन दाहालले जानकारी दिए ।
शिविरमा आएका बिरामीहरूलाई नोबेल अस्पतालको आँखा विभागका डाक्टरहरूको टोलीले परीक्षण गरेको थियो ।
सिरिसेडाँडास्थित आधारभूत स्वास्थ्य केन्द्रमा आयोजना गरिएको शिविरमा आँखा पाकेका बिरामीहरू गाउँ–गाउँबाट आएका थिए ।
गाउँमा आँखा पाक्ने रोग फैलिँदै गएकाले रोकथामका लागि शिविर सञ्चालन गरिएको नोबेल शिक्षण अस्पतालले जनाएको छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login