समाचार
३० करोड रुपैयाँ लगानीमा श्री पशुपतिनाथ जुट मिल्स कटहरीमा खुलेको छ
विराटचाेक मोरङमा ३० करोड रुपैयाँ लगानीमा श्री पशुपतिनाथ जुट मिल्स खुलेको छ। व्यवसायी अमित जैन र मलिका रिजालले उद्योग स्थापना गरेका हुन्। उद्योग स्थापनाका लागि ८० करोड रुपैयाँ लाग्ने अनुमान गरिएकामा उनीहरुले ५० करोड कम लागतमा नयाँ जुट उद्योग कटहरी गाउँपालिकामा स्थापना गरेका हुन्।
७ वर्षदेखि बन्द अवस्थामा रहेको सीएम जुट मिल्सका संरचना भाडामा लिएकाले लागत कम परेको जैनले बताए। नयाँ मेसिन खरिद् गर्नुपरेको भए ५० करोड खर्च हुन्थ्यो’, उनी भन्छन्। उद्योगले परीक्षण उत्पादन सुरु गरेको छ। आगामी अगस्ट १ देखि व्यावसायिक उत्पादन गर्ने उद्योगले जनाएको छ। पूर्वमा जुट उद्योगको संख्या ६ पुगेको छ। श्री पशुपतिनाथ जुट मिल्सका लगानीकर्ता चार्टर्ड एकाउन्टेन्ड जैन २५ वर्षदेखि गोल्छा अर्गनाइजेसनको जुट उद्योग अरिहन्त मल्टिफाइबर्समा कार्यरत थिए।
मोरङमा उनको दाल उद्योगसमेत छ। यस्तै रिजालसँग दुई दशक जुट उद्योग सञ्चालन गरेको अनुभव छ। उनको लगानी रहेको मोरङको बुढीगंगास्थित नेपाल जुट उद्योग भने हाल बन्द छ। उनीसँग प्लास्टिकको त्रिपाल अर्थात् ओभन स्याक्स उद्योग सञ्चालन गरेको अनुभवसमेत छ। नयाँ जुट मिल्ससँग एक दिनमा ३० टन सामग्री उत्पादन गर्ने क्षमता छ। व्यावसायिकरुपमा सञ्चालनमा आएपछि ७ सय जनाभन्दा बढीले रोजगारी पाउनेछन्।
मिल्सले कच्चा जुटबाट हैसियन, बोरा र सुतली उत्पादन गर्ने छ। ती उत्पादनको ९५ प्रतिशत बजार भारत हो। भारतमा उद्योगबाट उत्पादित खाद्यान्न, दलहन, तोरी लगायत खाद्यसामग्रीको प्याकेजिङ अनिवार्यरुपमा जुटकै बोरा वा झोलामा गर्नुपर्ने व्यवस्था छ।
Facebook Comment
Banner
नेपालको दशरथ रंगशालाले अन्तर्राष्ट्रिय मान्यता गुमाउने भएको छ ।
नेपालको दशरथ रंगशालाले अन्तर्राष्ट्रिय मान्यता गुमाउने भएको छ । एसियाली फुटबल महासंघ (एएफसी) ले मैदान, फ्लडलाइट र सुरक्षामा प्रश्न उठाउँदै रंगशालाको मान्यता खारेज गर्ने भएको हो ।
Banner
भोजपुरमा ७ वर्षीया बालिकालाई जबरजस्ती करणी
भोजपुरमा ७ वर्षीया बालिकालाई जबरजस्ती करणी गरेको आरोपमा प्रहरीले एक जनालाई पक्राउ गरेको छ ।
भोजपुरको षडानन्द नगरपालिका १ खोवाचा बस्ने ३० वर्षीय अमृत मंग्रातीलाई शनिबार बिहान प्रहरीले पक्राउ गरेको हो । मंग्रातीले ती बालिकालाई वैशाख ११ गते दिउँसो सोही ठाउँस्थित झाडीमा लगेर ललाई फकाई जबरजस्ती करणी गरेको भन्ने उजुरीको आधारमा प्रहरी चौकी कुदाकाउलेबाट खटिएको प्रहरीले उनलाई पक्राउ गरेको हो । घटना सम्बन्धमा थप अनुसन्धान भइरहेको प्रहरीले जनाएको छ ।
Banner
आजको मौसम : कोशी र गण्डकी प्रदेशका केही स्थानमा वर्षा हुनसक्ने
अहिले देशका पहाडी भू–भागमा आंशिक देखि साधरणतया बदली रही बाँकी भू-भागमा मुख्यतया मौसम सफा रहेको जल तथा मौसम विज्ञान विभाग,मौसम पूर्वानुमान महाशाखाले जनाएको छ ।
महाशाखाका अनुसार कोशी र गण्डकी प्रदेशको पहाडी भू-भागका एक-दुई स्थानमा मेघ गर्जन र चट्याङ्गसहित हल्का वर्षा भई रहेको छ भने देशमा पश्चिमी वायु र स्थानीय वायुको आंशिक प्रभाव रहेको छ ।
आज दिउसो भने कोशी, गण्डकी र कर्णाली प्रदेश लगायत देशका पहाडी भू–भागमा आंशिक देखि साधरणतया बदली भई बाँकी भू–भागमा आंशिक बदली देखि मौसम मुख्यतया सफा रहने छ ।
त्यस्तै कोशी र गण्डकी प्रदेशका थोरै स्थानहरूमा मेघ गर्जन र चट्याङ्गसहित हल्का देखि मध्यम वर्षाको साथै बाँकी पहाडी भू–भागका एक–दुई स्थानमा मेघ गर्जन र चट्याङ्ग सहित हल्का वर्षाको सम्भावना रहेको छ।
राती कोशी र मधेश प्रदेश लगायत देशका पहाडी भू–भागमा आंशिक देखि साधरणतया बदली भई बाँकी भू–भागमा आंशिक बदली देखि मौसम मुख्यतया सफा रहने छ ।
कोशी, बागमती र गण्डकी प्रदेशका पहाडी भू-भागका थोरै स्थानहरूमा मेघ गर्जन र चट्याङ्ग सहित हल्का देखि मध्यम वर्षाको साथै देशका बाँकी भू–भागका एक–दुई स्थानमा मेघ गर्जन र चट्याङ्गसहित हल्का वर्षा हुनसक्ने महाशाखाको पूर्वानुमान छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login