Banner
वर्षदिनको कमाइ बाटोमै लुटियो
दैलेख दुल्लुका रेशम खत्री एक वर्षअघि कामको खोजीमा भारत पसेका थिए । भारतको उत्तराखण्डमा काम गर्ने ३९ वर्षीय खत्री माघी मनाउन घर फर्किरहेका बेला वर्षभरिको सबै कमाइ बाटोमै लुटिएको छ ।
अल्मोडामा ज्यालादारीको काम गर्ने उनी शनिबार त्यहाँबाट हिँडेका थिए । हल्द्वानीबाट बनबासासम्म आउने बस खोजी गर्दा ४/५ जना आएर लुटपाट गरेर भागेको उनले बताए । १ लाख २० हजार भारु, दुई वटा मोबाइल र घरका लागि ल्याएका लुगाफाटो लुटेर लगेको उनले सनाए ।
‘बसले बसपार्क भन्दा अलि परै छाडिदियो, हिंडेर आउँदा चार/पाँच जनाले घेरेर कुटपिट गर्न थाले,’ उनले भने, ‘जे जे छ सबै देउ भने, पैसा, मोबाइल र नयाँ कपडा सबै लगेर भागे ।’
हल्द्वानी बसपार्कमा अलपत्र परेर बसेका बेला जिल्लाकै बासिन्दा भेटिएपछि बनबासासम्मको टिकट दिएको खत्रीले बताए । सीमावर्ती बजार बनबासाबाट पैदल हिँडेर आइतबार दिउँसो गड्डाचौकी पुगेका उनलाई नागरिक सहायता कक्षले घरसम्म पुग्ने व्यवस्था गरेको छ ।
सुदूरपश्चिम प्रदेश सरकारले स्थापना गरेको सहायता कक्षले लुटिएर वा विभिन्न कारणले अलपत्र परेकालाई घरसम्म पुर्याउने व्यवस्थापन गर्दै आएको छ । खत्री सुरुमा उत्तराखण्डको बागेश्वरमा काम गर्थे । खानीबाट बाटोसम्म चुनढुंगाको बोरा बोक्नुपर्ने काम थियो । दिनमा ६ सय भारु ज्याला पाउँथे ।
भदौ अन्तिमतिर पहिरोमा पुरिएर एक कामदारको मृत्यु भएपछि काम बन्द भयो । बागेश्वरबाट काम खोज्दै खत्री अल्मोडा पुगे । त्यहाँ घरनिर्माणका लागि गिट्टीबालुवा बोक्ने काम गर्न थाले । अल्मोडामा पनि ६ सय नै ज्याला पाउँथे । शनिबार माघीका लागि घर आउने क्रममा वर्षभरिको कमाइसँगै साथीभाइले घरका लागि पठाएको रकमसमेत लुटिएको उनले बताए ।
खत्रीको गाउँमा सामान्य किराना पसल पनि छ । अल्मोडामा रहेका गाउँले किरानाको उधारो समेत दिएका थिए । काम गरेको ज्याला र पसलको असुली सबै लुटिएको उनले बताए । भारतमा ज्यालादारी गरेर घर फर्किने नेपाली कामदारलाई बाटोमै नशालु पदार्थ खुवाइ बेहोस बनाएर वा कुटपिट गरेर डराइ धम्काइ लुटपाट गर्ने गरिएको छ ।
अहिले पनि सातामा दुई/तीन जनासम्म लुटिएर अलपत्र परेकाहरू आउने गरेको नागरिक सहायता कक्षका नासु दानसिंह बोहराले बताए । उनका अनुसार अलपत्र परेर आएकालाई सहायता कक्षाले घरसम्म यातायात खर्च दिएर पठाउने गरेको छ ।
(kantipur)
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login