गएराति सम्पन्न खेलमा बायर्न म्युनिखले माइन्जविरुद्ध ८-१ गोल अन्तरको फराकिलो जित हात पार्दा केनले ह्याट्रिक गर्दै यो उपलब्धि हासिल गरेका हुन् । यस जितसँगै जर्मन बुन्डेसलिगाको दोस्रो स्थानमा रहेको बायर्न म्युनिखले लिग लिडर बायर लेभरकुसेनसँगको दूरी घटाउँदै ७ अंक कायम गरेको छ ।

इंग्ल्यान्डका ३० वर्षीय कप्तान केनले बुन्डेसलिगाका २५ खेलमा ३० गोल गरेका छन् । बायर्न लगातार १२ औं उपाधि जित्ने लक्ष्यमा छ । केनले १३ औं, पहिलो हाफको अतिरिक्त समय र ७० औं मिनेटमा गोल गर्दै ह्याट्रिक पूरा गरेका थिए । यस बाहेक लियोन गोरेट्जकाले २, तथा थोमस मुलर, मुसियाला र सर्ज गनाब्रीले १-१ गोल गरे । माइन्जका नदिम अमिरीले १ गोल फर्काए ।

यस जितसँगै बायर्न म्युनिखले २५ खेलमा १८ जितसहित ५७ अंक जोडेको छ । बायर्नभन्दा एक खेल कम खेलेको लेभरकुसेनको ६४ अंक छ । पराजित माइन्ज रेलिगेसन जोनमा छ ।