Banner
युरो फाइनल : निर्णायक हुन सक्ने पाँच मोड
स्पेन र इंग्ल्यान्डबीच हुने युरो २०२४ को फाइनलका त्यस्ता पाँच मोड छन्, जसले नतिजा निर्धारण गर्नेछ । यसलाई फाइनलमा पाँच ‘ब्याटल ग्राउन्ड’ भन्दा पनि हुन्छ । यसमा जुन टिमले आफ्नो बलियो पेस गर्न सक्नेछ, त्यही टिमको पक्षमा जित जानेछ । यी सबै मोडका अलग विशेषता र महत्त्व पनि छ ।
केनविरुद्ध लापोर्टे
ह्यारी केनले केही ठूलो उपाधि जित्न गरिरहेको प्रतीक्षा असाध्यै पीडादायी छ । उत्तिकै लामो पनि । यही प्रतीक्षालाई आफ्नै ढंगले समाप्त पार्न सक्छन्, यदि उनले आफ्नो टिमलाई जितसम्म नेतृत्व गर्छन् भने । बायर्न म्युनिखका फरवार्ड केनले क्लबका लागि ४५ खेलमा ४४ गोल गरे । जर्मन भूमिमा यो उनको पहिलो सिजन थियो । उनले यही लय प्रतियोगितामा भने ठ्याक्कै देखाएका छैनन् ।
फेरि उनी अलिकति सुस्त देखिएका छन्, पूर्णतः फिट पनि छैनन् । तर उनले ३ गोल गरेका छन् । अझै गोल्डेन बुट अवार्डको प्रत्याशी रहेका छन् । इंग्लिस प्रिमियर लिगमा छँदा केनले स्पेनका आयमेरिक लापोर्टेको सामना गरेकै हुन् । टोटेनहमका लागि अहिलेसम्मकै उच्च प्रदर्शनकर्ता केनले सन् २०२२ म्यानचेस्टर सिटीविरुद्ध उत्कृष्ट खेलेका थिए । त्यतिबेला लापोर्टे सिटीमा थिए । अहिले लापोर्टे साउदी अरेबियातिर खेल्छन् । केनको उद्देश्य हुनेछ, रक्षापंक्तिमा लापोर्टेको चुनौती काट्ने ।
‘विंग्स’विरुद्ध रक्षापंक्ति
स्पेनसँग ‘विंग्स’ बाट खेल्ने दुई माहिर खेलाडी छन् । दुवै युवा छन् । एक भए शनिबार १७ वर्ष लागेका लामिन यमल अनि अर्का निको विलियम्स । दुवैले स्पेनी आक्रमणलाई धारिलो बनाएका छन् । उनीहरूले आक्रमण बुन्दा विपक्षी टिमको रक्षापंक्तिमा प्वाल पर्ने गरेको छ । फेरि यो नै स्पेनी आक्रणमको मूल अस्त्र हो ।
यसको जवाफमा गारेथ साउथगेटले आफ्नो ‘विंग्स’ मै ल्युक श र बुकायो साकालाई उतार्न सक्छ । श दायाँ र साका बायाँ हुनेछन् । श आफैं लामो समयपछि चोटमुक्त भएर मैदानमा फर्केका हुन् । साका भने एक प्रकारले आक्रमणमै जोड दिने खेलाडी हुन् । यमल र विलियम्सलाई ठ्याक्कै रोक्ने काम भने केली वाल्करको हुनेछ ।
साकाविरुद्ध कुकुरेला
इंग्ल्यान्डका लागि बुकायो साकाले सायद दोहोरो भूमिका निभाउनुपर्नेछ, किनभने टिमको आक्रमणमा उनको पनि योगदान चाहिनेछ । आर्सनलका विङ्गर यी साकालाई रोक्ने प्रयासमा हुनेछन्, उनको छिमेकी क्लब चेल्सीका मार्क कुकुरेला । पछिल्ला केही सिजन लन्डन क्लबका लागि खासै केही गर्न नसके पनि स्पेनी टिम भनेपछि उनी राम्रो खेल्छन् ।
रोड्रीविरुद्ध बेलिङ्घम
अबको बालोन डी’अर अवार्ड कसले जित्नेछ भन्ने निर्णय रोड्रीविरुद्ध जुड बेलिङ्घमको घम्साघम्सीले गर्न सक्नेछ । स्पेन र म्यानचेस्टर सिटी दुवैका लागि रोड्री बलियो खम्बा साबित भएका छन् । विश्वास नहुन सक्छ, आफ्नो देश र क्लबका लागि उनले पछिल्ला ७९ खेलमध्ये एकैमा मात्र हार सामना गर्नुपरेको छ ।
Facebook Comment
उत्तरी भारतको एक्सप्रेसवेमा मंगलबार बाक्लो कुहिरोको बीचमा सातवटा बसहरू एकअर्कासँग ठोक्किएर आगलागी हुँदा कम्तिमा चार जनाको मृत्यु हुनुका साथै ५० जना भन्दा बढी घाइते भएको स्थानीय प्रहरीलाई उदृत गर्दै सिन्ह्वाले जनाएको छ । प्रहरीले मथुरा जिल्लाको दिल्ली–आगरा एक्सप्रेसवेमा बसहरूको ठक्करको कारणले उनीहरूको ज्यान गएको जनाउदै घटनाको पुष्टि गरेको छ । घाइतेहरूलाई उपचारको लागि स्थानीय अस्पतालमा भर्ना गरिएको प्रहरीले जनाएको छ ।सामाजिक सञ्जालमा राखिएको भिडियो फुटेजमो गाडीबाट ठुलो आगो निस्किएको देखाइएको छ । घाइतेहरू मध्ये केहीको अवस्था गम्भीर रहेकाले मृतकको सङ्ख्या बढ्ने सम्भावना रहेको बताइएको छ ।
झापा गोल्डकपको सातौँ संस्करण आउँदो माघ अन्तिम हप्तादेखि हुने भएको छ । अखिल नेपाल फुटबल सङ्घ (एन्फ)ले निकालेको पछिल्लो तालिकाअनुसार झापा गोल्डकप माघ २४ गतेदेखि शुरु हुने भएको हो ।
गएको वैशाखमा ज्यान गुमाएका झापा गोल्डकपका निवर्तमान अध्यक्ष विनोद बस्नेतको स्मृतिमा आयोजना गर्न लागिएको प्रतियोगिता बिर्तामोडमा रहेको डोमालाल राजवंशी रङ्गशालामा हुनेछ । प्रतियोगितामा तीन विभागीय टोली, दुई विदेशी, झापा ११ एफसी र ‘ए’ डिभिजनसहित १० टोली सहभागिता हुने गोल्डकपका अध्यक्ष केदार गिरीले जानकारी दिनुभयो ।
प्रतियोगिताको फाइनल खेल फागुन ४ गते हुनेछ । प्रतियोगिताको विजेताले नगद १५ लाख र उपविजेताले ८ लाख रुपैयाँ पुरस्कार पाउने छन् । प्रतियोगिता सम्पन्न गर्न झन्डै १ करोड ५० लाख रुपैयाँ खर्च अनुमान गरिएको कोषाध्यक्ष चन्द्र कट्टेलले जानकारी दिनुभयो ।
प्रतियोगिताको सर्वोत्कृष्ट खेलाडीलाई एउटा मोटरसाइकल, उत्कृष्ट गोलकिपर, उच्च गोलकर्ता, उदीयमान खेलाडी र प्रशिक्षकलाई जनही २५ हजार तथा हरेक खेलको प्लेयर अफ द म्याचलाई नगद ११ हजार रुपैयाँ दिइने आयोजकले जनाएको छ ।
नेकपा (एमाले) को ११औँ राष्ट्रिय महाधिवेशनअन्तर्गत आज नयाँ नेतृत्व चयनका लागि मतदान हुँदैछ । केन्द्रीय निर्वाचन आयोगका अनुसार मतदान बन्दसत्र स्थल भृकुटीमण्डप काठमाण्डौमा दिउँसो १ बजेदेखि शुरु हुनेछ ।
मतदान बेलुका ७ बजेसम्म चल्नेछ । अध्यक्ष पदका लागि केपी शर्मा ओली र ईश्वर पोखरेल प्यानलसहित प्रतिस्पर्धामा हुनुहुन्छ । आयोगले हिजो अबेर सार्वजनिक गरेको उम्मेदवारको प्रारम्भिक नामावलीअनुसार अध्यक्ष पदमा ओली र पोखरेलबीच नै प्रतिस्पर्धा हुने भएको हो ।
महाधिवेशनमा विद्युतीय भोटिङ मेसिन प्रयोग गरिँदैछ । आयोगका अध्यक्ष डा. विजय सुब्बाका अनुसार ल्याइएका एक सय वटा मेसिनमध्ये ८० वटा मतदानका लागि प्रयोग हुनेछन् ।
बाँकी १० वटा अभ्यासका लागि र १० वटा अतिरिक्त मेसिनको रूपमा राखिएको छ । एक जनाले मत खसाल्न झण्डै २५ देखि ३० मिनेट समय लाग्ने अनुमान छ । महाधिवेशनमा कुल २ हजार २ सय ६३ प्रतिनिधि सहभागी छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login