Banner
ट्रम्पले बोलाए मस्कसहितको पहिलो मन्त्रिपरिषद बैठक
अमेरिकी राष्ट्रपति डोनाल्ड ट्रम्पले गत महिना पदभार ग्रहण गरेपछि आफ्नो कार्यसूचीलाई अघि बढाउने प्रयासस्वरुप बुधबार पहिलो पटक मन्त्रिपरिषद्को बैठक बोलाएका छन् ।
अर्बपति समर्थक तथा सल्लाहकार एलन मस्क बैठकमा उपस्थित हुने सरकारी अधिकारीमध्ये मध्ये एक हुनेछन् ।
मस्कलाई अमेरिकी सरकारी दक्षता विभाग (डीओजीई) को निरीक्षण गर्ने जिम्मेवारी दिइएको छ भने उनले हजारौँ संघीय कामदारहरूलाई बर्खास्त गर्न खोजिरहेका छन् ।
ह्वाइट हाउसकी प्रेस सचिव कारोलिन लेभिटका अनुसार मस्कसँग मन्त्रीस्तरीय पोर्टफोलियो वा औपचारिक निर्णय गर्ने अधिकारको अभाव भए तापनि उनलाई ‘विशेष सरकारी कर्मचारी’ र ‘राष्ट्रपतिका वरिष्ठ सल्लाहकार’ को रूपमा वर्गीकृत गरिएको छ ।
सन् २०२४ को राष्ट्रपतीय चुनाव अभियानका क्रममा ट्रम्पका प्रमुख दाता मस्क मात्र ट्रम्प प्रशासनका विवादास्पद सदस्य भने होइनन् ।
कोभिड खोपका प्रखर आलोचक रोबर्ट एफ केनेडी जुनियर स्वास्थ्य तथा मानव सेवा मन्त्री, विभिन्न षड्यन्त्रको आरोप लागेका गुप्तचर विभागका निर्देशक तुलसी गबार्ड र यौन दुर्व्यवहारको आरोप खेपिरहेका फक्स न्यूजका पूर्व प्रस्तोता रक्षामन्त्री पिट हेगसेथले पनि ट्रम्पको मन्त्री परिषद्मा रहेका छन् ।
डेमोक्र्याटस्को ट्रयाकरेकर्ड र अनुभवको कमीका कारण आलोचना भए तापनि अमेरिकी सिनेटले ट्रम्पको क्याबिनेटका सबै छनौटहरूलाई अनुमोदन गरेको छ।
सिनेटमा ट्रम्पको रिपब्लिकन पार्टीको साँघुरो बहुमत भए पनि एकाध बाहेकका सबैले ट्रम्पको निर्णयको विरुद्धमा मतदान गर्न मानेनन् । यसले पार्टीभित्र ट्रम्पको बलियो पकड रहेको देखाउँछ ।
ट्रम्पको निर्णयमा असहमत हुनेहरूमध्ये थोरैले मात्र राजीनामा दिए पनि अधिकांशले सम्झौता गरेका छन् ।
सिनेटमा बहुमतका पूर्व नेता मिच म्याककोनेलले केनेडीलाई स्वास्थ्य मन्त्रीको रूपमा अनुमोदन गर्न एक मात्र रिपब्लिकन असहमति व्यक्त गरेका थिए । यो नियुक्तिले चिकित्सा समुदायमा खोपको गलत सूचनालाई बढावा दिने र सङ्क्रामक रोगहरूको अनुसन्धान निलम्बन गर्ने उनको इतिहासलाई लिएर चिन्ता उत्पन्न गरेको थियो।
ट्रम्पको क्याबिनेटमा नियुक्त भएका केही व्यक्तिहरू अझै पनि सिनेटबाट अनुमोदनको पर्खाइमा छन् । यसमा लेबर सेक्रेटरी तथा पूर्व सांसद लोरी चाभेज–डेरेमर र ट्रम्पको पहिलो कार्यकालको एक भागको लागि साना व्यवसायसम्बन्धी प्रशासनको नेतृत्व गरेकी लिन्डा म्याकमेन रहेका छन् ।
यसैबीच, मस्कले डीओजीईको जिम्मेवारी र कार्यसम्पादनका क्रममा अहिले नै उथलपुथलकारी काम गरिरहेका छन् । उनले सङ्घीय सरकारका २० लाख कर्मचारीलाई सामूहिक इमेल पठाएर आफ्नो कामको औचित्य पुष्टि गर्न वा बर्खास्त हुने जोखिमबारे आदेश दिएको केही दिनपछि मङ्गलबार उनका एक तिहाइ कर्मचारीले विरोधस्वरूप राजीनामा दिएका थिए।
सरकारी विभागहरूले सोमबार कर्मचारीहरूलाई डीओजीई–प्रेरित ईमेललाई बेवास्ता गर्न गर्न भनेका थिए।
ट्रम्पले पदभार ग्रहण गरेदेखि अहिलेसम्म खासगरी हालसालै करारमा नियुक्त गरिएका, पदोन्नति भएका वा अन्यथा भूमिकाहरू परिवर्तन गरिएका कर्मचारीहरूलाई बर्खास्त गरिएको छ। एएफपी
Facebook Comment
नेपाल स्टक एक्सचेन्ज लिमिटेड (नेप्से) को प्रमुख कार्यकारी अधिकृत (सीईओ) छनोट तथा सिफारिस समितिले पाँच उम्मेदवारको संक्षिप्त सूची सार्वजनिक गरेको छ ।
गत फागुन १२ गते र १८ गते सार्वजनिक सूचना जारी गरेर दरखास्त आह्वान गरेको समितिले संक्षिप्त सूची तयार गरी चुडामणी चापागाईं, नारद कुमार लुईंटेल, पूर्णप्रसाद आचार्य, बद्रीप्रसाद प्याकुरेल र हेमन्त बस्यालको नाम आज सार्वजनिक गरेको हो ।
दरखास्त दिएकामध्ये युवराज दाहाल, प्रविण अधिकारी, बिमल कुमार तिवारी, कृष्णबहादुर कार्की र मुकुन्दराज जोशी सर्टलिस्टमा परेनन् ।
सर्टलिस्टमा परेकाहरुको अब व्यावसायिक कार्ययोजनाको प्रस्तुतीकरण र अन्तर्वार्ता हुने छ । त्यसका लागि चैत ६ गते बुधबार बिहान सात बजे अर्थ मन्त्रालयमा उपस्थित हुन भनिएको छ ।
दक्षिण अमेरिकामा भीषण आँधी आएको छ । उक्त आँधीका कारण कम्तिमा २० जनाको मृत्यु भएको छ । त्यसमध्ये १२ जना मिसौरीमा मारिएका छन् ।
बीबीसीका अनुसार उक्त आँधीले दक्षिण-पूर्वका राज्यमा ठूलो क्षति पुर्याएको बीबीसीले उल्लेख गरेको छ । आँधीका कारण थुप्रै गाडीहरू पल्टिएका र घरमा पनि क्षति पुगेको समाचारमा जनाइएको छ ।
टेक्सासमा धुलोसहितको आँधीका कारण एक कार दुर्घटनामा परेको छ । जसमा परी तीन जनाको मृत्यु भएको छ । त्यस्तै ओक्लाहोमा तथा अर्काससमा पनि जनधनको क्षति भएको जनाइएको छ ।
शनिबार दिउँसो ६ राज्यका २ लाख ४० हजारभन्दा घरहरूमा बिजुली नभएको जनाइएको छ । त्यस्तै सेन्ट्रल मिसिसिपी, पूर्वी लुसियाना तथा पश्चिमी टेनेसिसमा पनि मौसम खराबी हुनै चेतावनी दिइएको छ ।
कोशी राजमार्गको मोरङको बूढीगंगा खण्डमा एम्बुलेन्स दुर्घटना हुँदा चालकको मृत्यु भएको छ ।
जिल्ला ट्राफिक प्रहरी कार्यालय मोरङका अनुसार शनिबार राति कोशी राजमार्गअन्तर्गत बूढीगंगा गाउँपालिका–३ स्थित महालक्ष्मी वायरअगाडि मनमाया श्रेष्ठ स्मृति प्रतिष्ठान मोरङको को १ च ४७७४ नम्बरको एम्बुलेन्स दुर्घटना हुँदा चालक २४ वर्षीय आशिष राईको मृत्यु भएको हो ।
दुर्घटना गम्भीर घाइते राईलाई उपचारका लागि विराट शिक्षण अस्पताल भर्ना गरिएको थियो । उपचारका क्रममा उनको मृत्यु भएको हो ।
मृतक चालक उदयपुरको पञ्चावती घर भइ मोरङको बूढीगंगा–२ मा बस्दै आएका थिए । तीव्र गतिका कारण दुर्घटना भएको हुनसक्ने प्रहरीले बताएको छ । एम्बुलेन्स कता जाँदै थियो भन्ने खुलेको छैन ।
-
अर्थ5 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद5 years agoरंगशालाको अवलोकन
-
मुख्य5 years agoशेयर बजारमा झिनो अंकको गिरावट
-
अर्थ5 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login