नेपाल विद्यार्थी संघको डा. शेखर कोइराला पक्षले निर्धारित मितिमा महेन्द्र मोरङ क्याम्पसमा स्ववियु निर्वाचन गर्न नदिने चेतावनी दिएको छ । आइतबार पत्रकार सम्मेलन गर्दै नेविसंघ कोइराला समूहले ५ चैतमा निर्वाचन हुन नदिने चेतावनी दिएको हो ।

कोइराला पक्षका सभापति उम्मेदवार योगराज दाहालले निर्वाचनको वातावरण नबनेको बताए । नेविसंघबाट प्रज्वल विष्ट र योगराज दाहालले उम्मेदवारी दर्ता गरेका थिए । निर्वाचन समितिले विष्टलाई आधिकारिता दिएको थियो । दाहाल स्वतन्त्र उम्मेदवार छन् । उनले जवरजस्ती निर्वाचन गर्न खोजे आत्मदाह गर्ने चेतावनी दिए ।

नले आफ्नो वरिपरि प्रहरीले सादा पोसाकमा प्रहरी परिचालन गरेको र पार्टीको संस्थापन पक्षका गुण्डाहरुले धम्की दिइरहेको बताए । ‘उहाँहरुले हामीलाई हेपेर होस वा दबाबमा होस् यसो गर्न खोजिरहनु भएको छ,’ उनले भने,‘ हामी जे पनि गर्न तयार छौं, भोलि क्याम्पस जल्नसक्छ, हामी जल्न सक्छौं, उहाँहरुको घर जल्छ सक्छ ।’

‘निर्वाचन भनेको स्वतन्त्र निष्पक्ष हुनुपर्छ, जबसम्म स्ववियु निर्वाचन स्वतन्त्र र निष्पक्ष रुपमा हुने वातावरण हुँदैन, तबसम्म निर्वाचन हुनसक्दैन ।’ उनले भने ।

राष्ट्रपति रामचन्द्र पौडेलले चारवटा विधेयक प्रमाणीकरण गरेका छन् ।

संघीय संसद्को दुवै सदनबाट पारित भएका चारवटा विधेयक आइतबार राष्ट्रपति पौडेलले प्रमाणीकरण गरेको राष्ट्रपति कार्यालयकी प्रवक्ता शैलजा रेग्मी भट्टराईले जानकारी दिइन् ।

सुरक्षित कारोबार ऐन, २०६३ लाई संशोधन गर्न बनेको विधेयक, विद्युतीय व्यापार ( इ–कमर्स) को सम्बन्धमा व्यवस्था गर्न बनेको विधेयक, विधायन सम्बन्धमा व्यवस्था गर्न बनेको विधेयक, भ्रष्टाचार निवारण ऐन, २०५९ लाई संशोधन गर्न बनेको विधेयक प्रमाणीकरण भएका हुन् ।

संविधानको धारा ११३ को उपधारा (२) बमोजिम विधेयक प्रमाणीकरण भएको राष्ट्रपति कार्यालयले जनाएको छ ।

दक्षिण अमेरिकामा भीषण आँधी आएको छ । उक्त आँधीका कारण कम्तिमा २० जनाको मृत्यु भएको छ । त्यसमध्ये १२ जना मिसौरीमा मारिएका छन् ।

बीबीसीका अनुसार उक्त आँधीले दक्षिण-पूर्वका राज्यमा ठूलो क्षति पुर्‍याएको बीबीसीले उल्लेख गरेको छ । आँधीका कारण थुप्रै गाडीहरू पल्टिएका र घरमा पनि क्षति पुगेको समाचारमा जनाइएको छ ।

टेक्सासमा धुलोसहितको आँधीका कारण एक कार दुर्घटनामा परेको छ । जसमा परी तीन जनाको मृत्यु भएको छ । त्यस्तै ओक्लाहोमा तथा अर्काससमा पनि जनधनको क्षति भएको जनाइएको छ ।

शनिबार दिउँसो ६ राज्यका २ लाख ४० हजारभन्दा घरहरूमा बिजुली नभएको जनाइएको छ । त्यस्तै सेन्ट्रल मिसिसिपी, पूर्वी लुसियाना तथा पश्चिमी टेनेसिसमा पनि मौसम खराबी हुनै चेतावनी दिइएको छ ।