Banner
युरोपेली आयोगको पछिल्लो कदम, जसले देखाउँछ ट्रम्प प्रशासनसँग युरोपको अविश्वास
डोनाल्ड ट्रम्पले अमेरिकी राष्ट्रपतिको दोस्रो कार्यकाल सुरु गरेसँगै अमेरिका र युरोपको सम्बन्धमा उतारचढाव देखिन थालेको छ । जसका कारण युरोपेली नेताहरूमा अमेरिकाप्रतिको भरोसा कम हुँदै गएको विश्लेषण हुन थालेको छ ।
युरोपले दरिलो साथ दिएको युक्रेनका राष्ट्रपति भोलोदिमिर जेलेन्स्कीलाई ट्रम्पले ह्वाइट हाउसमा बोलाएर हप्कीदप्की गर्दा नै युरोप उनीसँग चिढिएको थियो । त्यसलगत्तै युरोपेली नेताहरूले जेलेन्स्कीलाई युरोपमा बोलाएर न्यानो स्वागत गरे ।
ट्रम्पसँग लगातार चिढिएको युरोपले पछिल्लो नयाँ कदम चालेको छ । जसअनुसार युरोपेली कमिसनले अब अमेरिकी जाने आफ्ना अधिकारीहरूलाई सुरक्षा संवेदनशीतालाई मध्यनजर गर्दै केही डिभाइसहरू प्रयोग नगर्न सुझाएको छ ।
हालै बाहिर आएको एक रिपोर्टले युरोप र अमेरिकाबीचको बढ्दो दूरीलाई दर्साउँछ । उक्त रिपोर्टका अनुसार युरोपेली कमिसन (आयोग) ले ईयूका वरिष्ठ अधिकारी तथा नेताहरूलाई अमेरिका यात्राका क्रममा सुरक्षा संवेदनशीलतालाई महत्त्व दिन भनेको छ ।
रिपोर्टका अनुसार अमेरिका यात्राका क्रममा बर्नर फोन (किप्याड) र साधारण ल्यापटप मात्र प्रयोग गर्न भनिएको छ । यो ट्रम्प प्रशासनले गर्न सक्ने सम्भावित जासुसीको आशंकालाई मध्यनजर गर्दै उठाइएको कदम भएको बताइएको छ ।
निकै पुरानो सम्बन्ध हुँदाहुँदै पनि जनवरी २०२५ मा ट्रम्पले पुनः अमेरिकी राष्ट्रपतिको कमान सम्हालेपछि युरोप-अमेरिका सम्बन्धमा दरार बढेको यो घटनाले पनि देखाउँछ । खासगरी नाटोका सहयोगीहरूको आलोचना, कर एवं रुसप्रति नरम भनिएको ट्रम्पको रवैया युरोपको चिन्ताको विषय बनेको छ । जसका कारण अविश्वास गहिरिएको छ ।
फाइनान्सियल टाइम्सको रिपोर्टका अनुसार युरोपेली कमिसनले आफ्ना अधिकारीहरूलाई अमेरिका यात्राका क्रममा आफ्ना नियमित फोन र डिभाइसहरूको सट्टा डिस्पोजेबल फोन तथा सामान्य ल्यापटप मात्र प्रयोग गर्न भनेको छ । यस्तो सावधानी पहिले चीन तथा युक्रेनजस्ता देशहरूमा मात्र अपनाइने गरिएको बताइएको छ ।
बर्नर फोन एक अस्थायी प्रकृतिको फोन भएको बताइएको छ । र, सामान्यतया गोपनीयता कायम राख्नका लागि यसको प्रयोग गर्ने गरिन्छ । यसलाई सामान्य रूपमा परिवर्तन गर्न वा नस्ट गर्न सकिने जनाइएको छ । यसका साथै उक्त फोनको प्रयोगले संवेदनशील डाटा चोरी हुने सम्भावना कम हुने बताइएको छ । रिपोर्टमा सूत्रको हवाला दिँदै आगामी हप्ता वासिङ्टनमा हुने अन्तर्राष्ट्रिय मुद्रा कोष (आईएमएफ) तथा विश्व बैंकको बैठकमा भाग लिन जाने अधिकारीहरूलाई यस्तो सावधानी अपनाउन भनिएको बताइएको छ ।
Facebook Comment
हिजो सफा रहेको मौसम आजदेखि फेरि बदली हुने भएको छ । आज बेलुकीदेखि पर्सि शनिबारसम्म देशका धेरै ठाउँमा चट्याङ, हावाहुरी र असिनासहित पानी पर्ने सम्भावना रहेको मौसमविदले बताएका छन् ।
आज कर्णाली र सुदूरपश्चिम प्रदेशको पहाडी र हिमाली भूभागका केही ठाउँहरु, लुम्बिनी र गण्डकी प्रदेशको पहाडी र हिमाली भूभागका थोरै ठाउँहरु तथा कोशी र बागमती प्रदेशको पहाडी र हिमाली भूभाग लगायत सुदूरपश्चिम प्रदेशको तराईका एक, दुई ठाउँमा मेघगर्जन, चट्याङ्ग र असिनासहित मध्यम वर्षा र हिमपातको सम्भावना रहेको मौसम पूर्वानुमान महाशाखाले जनाएको छ ।
प्रिमनसुनको योबेला दिउँसोपछि हावाहुरीसमेत चल्न सक्ने भएकाले सावधानी अपनाउन महाशाखाले आग्रह गरेको छ । भोलि र पर्सि पनि धेरै ठाउँमा चट्याङसहित वर्षा र हिमपातको सम्भावना रहेको मौसमविदको भनाइ छ ।
जलवायुविज्ञ उज्जवल उपाध्यायले भोलि बेलुकीदेखि पर्सि बिहानसम्म पहाडीमार्गमा यात्रा नगर्न, पूर्वाधार निर्माण तथा उच्चहिमाली भूभागमा पदयात्रा स्थगन गर्न सुझाव दिनुभएको छ ।
ज्ञानज्योती इङ्लिश स्कुलको २८औँ वार्षिक उत्सव तथा अभिभावक दिवस भव्य रूपमा सम्पन्न भएको छ।
कार्यक्रमका अवसरमा शिक्षा क्षेत्रमा योगदान पुर्याएका दुई जना शिक्षा सेवि तथा पाँच जना सञ्चारकर्मीलाई सम्मान गरिएको थियो। शिक्षा सेवितर्फ पञ्चायत माध्यमिक विद्यालयका पूर्व प्रधानाध्यापक टोम बहादुर श्रेष्ठ र पूर्व शिक्षक लक्ष्मी खरेल सम्मानित हुनुभयो। त्यसैगरी सञ्चारकर्मीतर्फ शिव भट्टराई, भोजपुरे, खेमचन्द्र अधिकारी, ग्याननाथ ढकाल, मनिराम दाहाल र लीलानाथ गच्छेदारलाई सम्मान गरिएको थियो।
उत्सवमा विद्यालयका विद्यार्थीहरूले एजुकेशनल एक्जिबिशन, विभिन्न प्रदर्शनी, नाटक, नृत्य तथा गायन प्रस्तुत गर्दै आफ्नो प्रतिभा प्रदर्शन गरेका थिए। विद्यार्थीहरूको सक्रिय सहभागिताले कार्यक्रमलाई थप आकर्षक बनाएको थियो।
विद्यालयकी प्रधानाध्यापिका देवी सिटौलाको अध्यक्षतामा सम्पन्न कार्यक्रममा नगर उपप्रमुख अकली देवी चौधरी प्रमुख अतिथिका रूपमा उपस्थित हुनुहुन्थ्यो। कार्यक्रममा जनप्रतिनिधि, समाजसेवी, विद्यालय व्यवस्थापन समिति, अभिभावक तथा स्थानीयवासीहरूको उल्लेखनीय उपस्थिति रहेको थियो।
कार्यक्रमले विद्यार्थीहरूको क्षमता अभिवृद्धि गर्नुका साथै शिक्षा र सहकार्यको महत्व उजागर गरेको विद्यालयले जनाएको छ।
प्रतिनिधि सभा निर्वाचनबाट समानुपातिकतर्फ सांसद बनेकाहरुले भोलि बिहीबार निर्वाचन आयोगमामार्फत प्रमाणपत्र पाउने भएका छन् । आयोगले बिहीबार समानुपातिकतर्फका कुल ११० सांसदलाई प्रमाणपत्र दिने भएको हो ।निर्वाचन आयोगका अनुसार, निर्वाचित सांसदहरुले प्रमाणपत्र पाएपछि आगामी चैत्र १२ गते सपथको तयारी गरिएको हो । त्यसपछि मात्र सरकार गठन हुनेछ ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login