Banner
पर्खाल नै नलगाएको अलपत्र भवनमा प्लाईउडले बारेर पठनपाठन, चिसोका कारण विद्यार्थी प्रभावित
जिल्लाको दार्मा गाउँपालिका २ लिरापाजा स्थित जनज्योति आधारभूत विद्यालयले यही शैक्षिक सत्रदेखि निर्माणका क्रममा ढलान मात्र गरी त्यत्तिकै छाडेको भवनमा दुई तिरबाट प्लाईउडले बारेर बनाएको अव्यवस्थित कोठामा पठनपाठन सुरु गरेको छ ।
विद्यालयको भवन हुँदाहुदै पनि वडाका सबै बस्तीका स्थानीयलाई पायक पर्ने भन्दै प्रदेश सरकारको ७० लाख बजेटमा निर्माण गर्न थालिएको र बजेट थप नगर्दा अलपत्र परेको भवन प्लाईउडले बारेको कोठामा विद्यालयले पठनपाठन सुरु गरेको हो ।
वर्षा भएमा पानी भित्रै पस्ने, हावाहुरी चल्दा बस्नै नमिल्ने र धुलाम्मे भुइँमा म्याट बिछ्याएर बस्नुपर्दा बालविकास, कक्षा १, २ र ३ का ५२ जना विद्यार्थीको पठनपाठन प्रभावित भएको छ । अव्यवस्थित कोठाको भुइँको चिसोका कारण विद्यार्थी बिरामी पर्न थालेका छन् । चारैतिर खुला भएकाले विद्यार्थीको ज्यान समेत जोखिममा परेको विद्यालयले जनाएको छ ।
बसाइँ व्यवस्थापन गतिलो नहुँदा विद्यार्थी विद्यालय जानै छाडेका छन् । २०४६ सालमा स्थापना भएको विद्यालयको लिरापाजामा भवन भए पनि सबैलाई पायक पर्ने भन्दै सबैको सल्लाह अनुसार ढलान मात्र गरेको अलपत्र परेको भवनमा विद्यालय सारिएको र पिलरबाहेक वरिपरी पर्खाल नभएकाले प्लाईउडले बारेर कक्षा सञ्चालन गरिएको विद्यालयका प्रधानाध्यापक कर्णबहादुर केसीले बताए ।
५२ जनालाई एउटै कक्षामा राख्नुपर्दा चिसो, वर्षातको पानी र हावाहुरीले विद्यार्थी समस्यामा परेका उनले जानकारी गराए । ‘विद्यार्थी बढाउन सबै पायक पर्ने स्थानमा विद्यालय सार्न भन्दै गरेको माग अनुसार प्रदेश सरकारको ७० लाखमा पहिलाको विद्यालय भन्दा १५ मिनेटको दूरीमा पर्ने साङ्गटामा भवन निर्माण गर्न थालिएको थियो । गतवर्ष बजेट नपर्दा भवन निर्माणको काम बीचैमा रोकियो । अहिलेसम्म निर्माणको काम अगाडि बढेको छैन,’ उनले भने, ‘चिसो भुइँमा म्याट बिछ्याएर साना र अलि ठूला विद्यार्थीलाई बेन्चमा बसाउने गरे पनि समस्या देखिरहेका छन् ।’
कार्यालयसमेत झोलामा कागजात राखेर चलाइरहेको उनको गुनासो छ । बसाइँ व्यवस्थापन गतिलो नभएका कारण दैनिक १५ जनासम्म विद्यार्थी विद्यालय अनुपस्थित हुने उनको भनाइ छ । हिजोआज वर्षातको समय भएको र दैनिकजसो पर्ने पानी भित्रै पस्दा बालबालिकालाई पढाउन निकै कठिनाई भएको विद्यालयकी शिक्षिका चन्द्रकला खत्रीले बताइन् ।
पुरानै स्थानमा विद्यार्थी बस्न लायकको भवन हुँदा हुँदै सबैलाई पायक पर्ने बहानामा विद्यालय सार्दा पठनपाठन भन्दा विद्यार्थी समस्यामा परेका दार्मा गाउँपालिकाका प्रमुख प्रशासकीय प्रमुख रेशम वलीले बताए । विद्यालय सार्ने बारेमा कुनै निर्णय नभएको उनले जानकारी गराए ।
‘वर्षातको समयमा विद्यार्थी समस्यामा परेपछि अलपत्र परेको भवनले पूर्णता नपाउँदासम्म विद्यालय पुरानै स्थानमा सारेर पठनपाठन सुचारु गर्न विद्यालयलाई निर्देशन दिएका छौं,’ उनले भने । प्रदेश सरकारले भवन निर्माण गर्दागर्दै गतवर्ष बजेट नहालेपछि अलपत्र परेको भवन निर्माण गर्न यसपाली गाउँपालिकाले बजेट विनियोजन गरेको र छिट्टै काम सुरु गर्ने उनको भनाइ छ ।
दार्मा गाउँपालिका अध्यक्ष निमबहादुर केसीले प्रदेश सरकारले बेवास्ता गरे पनि यो वर्ष पालिकाले पालिकाले अलपत्र परेको भवनलाई पूर्णता दिन ३० लाख बजेट विनियोजन गरेको बताए । अबको केही दिनमा विद्यालय बर्षे बिदा हुने भएकाले बिदाको समय पारेर निर्माणको कामलाई अगाडि बढाउने उनको भनाइ छ ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login