Connect with us
Advertisement

महानगरले गराएको छात्रवृत्ति परीक्षामा १० हजार विद्यार्थी उत्तीर्ण

Published

on

काठमाडौं महानगरपालिकाले शैक्षिक सत्र २०८२/०८३ का लागि कक्षा ११ र १२ मा संस्थागत विद्यालयमा छात्रवृत्तिको लागि सञ्चालन गरेको प्रवेश परीक्षामा १० हजार ८६७ जना विद्यार्थी उत्तीर्ण भएका छन् ।

महानगरको शिक्षा विभागका अनुसार, साउन ३ गते (शनिबार) राजधानीका ५४ वटा परीक्षा केन्द्रहरूमा आयोजित परीक्षामा १४,१७३ जना विद्यार्थी सहभागी भएका थिए ।

कुल १७,२२९ जना आवेदकमध्ये १६,१३७ जनाको आवेदन स्वीकृत भएकोमा १४,१७३ जनाले परीक्षा दिएका थिए । विभागले न्यूनतम ४० अंक (४० प्रतिशत) ल्याउने विद्यार्थीलाई मात्र उत्तीर्ण मानेको छ ।

उत्तीर्ण हुनेमध्ये विज्ञान संकायबाट ८,७५०, व्यवस्थापनबाट १,९५७, कानुनबाट १३५, शिक्षा समूहबाट १९ र मानविकी समूहबाट ६ जना रहेका छन् । परीक्षामा सबैभन्दा बढी विद्यार्थी विज्ञान संकायबाट सहभागी भएका थिए ।

परीक्षामा कक्षा १० को पाठ्यक्रममा आधारित बहु वैकल्पिक १०० प्रश्न सोधिएको थियो, जसमा गणित, विज्ञान, अङ्ग्रेजी र सामान्य ज्ञान विषय समावेश थिए । गलत उत्तरका लागि नकारात्मक अंकन गरिएको थिएन ।

सहरी योजना आयोगका सदस्य शैलेन्द्र झाले शिक्षा विभागले २४ घण्टामै नतिजा प्रकाशित गरेर उदाहरणीय काम गरेको बताएका छन् ।

नतिजा महानगरपालिकाको वेबसाइट मा प्रकाशित गरिएको छ । विद्यार्थीले आफ्नो एसईई सिम्बोल नम्बर, जन्म मिति, र पासवर्ड प्रयोग गरी स्कोर हेर्न सक्नेछन् ।

महानगरअन्तर्गत सञ्चालित १६० संस्थागत विद्यालयहरूमा ४ हजारभन्दा बढी छात्रवृत्तिका सिटहरू उपलब्ध छन् । विद्यार्थीले परीक्षा फारम भर्ने क्रममा दिएको प्राथमिकता र प्राप्त अङ्कका आधारमा म्याचिङ गरिनेछ ।

यदि कुनै विवरण फरक परेको छ भने २०८२/०४/०५ गतेभित्र शिक्षा विभागमा प्रमाणसहित निवेदन दिन सकिनेछ। त्यसैगरी, नतिजाप्रति चित्त नबुझेको खण्डमा एक हजार रुपैयाँ राजस्व बुझाएर पुनर्योग निवेदन दिन सकिनेछ ।

म्याचिङको पहिलो सूची साउन ६ गते प्रकाशन गरिनेछ।

Continue Reading

Facebook Comment

Click to comment

You must be logged in to post a comment Login

Leave a Reply

Banner

चुनाव लड्न राजीनामा दिँदै सञ्चारमन्त्री खरेल

Published

on

सरकारका प्रवक्ता एवम् सञ्चार तथा सूचना प्रविधिमन्त्री जगदीश खरेल राजीनामा दिने भएका छन् ।

खरेलका प्रेस सल्लाहकार सीबी अधिकारीका अनुसार उनले अहिले ५ः३० बजे मन्त्रालयमा पत्रकार सम्मेलन गर्दै राजीनामा दिन लागेका हुन् ।

उनी राष्ट्रिय स्वतन्त्र पार्टी (रास्वपा) प्रवेश गर्ने तयारी छ । उनीनिकटका अनुसार खरेल ललितपुर– २ बाट चुनावमा भाग लिँदै छन् ।

Continue Reading

Banner

आज सोनाम ल्होसार

Published

on

तामाङ समुदायले हरेक वर्ष माघ शुक्ल प्रतिपदाका दिन मनाउने सोनाम ल्होसार आज विविध कार्यक्रम गरी मनाउँदै छन् ।

मञ्जुश्री पात्रो अनुसार आजदेखि २८६२ औँ वर्ष शुरू भएको छ । आजदेखि सर्प वर्ष पूरा गरी घोडा वर्ष प्रवेश हुन्छ । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।

ल्होसारका १२ वटै वर्ष पशुपन्छीको नामबाट गणना गरिएकाले प्रकृतिपूजक रहेको अनुसन्धाता टीका शेर्पाले बताउनुभयो । तामाङ जातिको बाहुल्यता रहेको वाग्मती प्रदेशका विभिन्न जिल्लामा यो पर्व विशेष रुपमा मनाइन्छ ।

झन्डै ४ हजार ७ सय वर्ष पुरानो मानिने यो परम्परा नेपालसहित चीन, मंगोलिया, जापान, भियतनाम, थाइल्यान्ड, ताइवान, मलेसिया, सिंगापुरलगायत देशहरूमा पनि मनाउने गरिन्छ ।

नेपालमा तामाङ समुदायसहित ह्योल्मो, मनाङ्गे, डोल्पो, थकाली, जिरेल, दुरा तथा केही शेर्पा समुदायले समेत यो पर्व मनाउने गर्छन् ।

Continue Reading

Banner

कांग्रेस उम्मेदवार चयन आजै टुंग्याइने : सभापति थापा

Published

on

नेपाली कांग्रेसका सभापति गगनकुमार थापाले प्रतिनिधि सभाको प्रत्यक्ष तर्फका उम्मेदवारको नाम आजै टुंगो लाग्ने बताएका छन् । सोमबार बिहान फेसबुकमा भिडियो पोस्ट गर्दै भन्नुभएको छ, ‘हामी उम्मेदवार छनोटको अन्तिम चरणमा छौँ। समय र प्रक्रियागत बाध्यताबीच पनि समावेशी, सन्तुलित र न्यायपूर्ण निर्णय गर्ने भरपूर प्रयास भइरहेको छ।’ उनले पार्टीको पक्षमा एक ढिक्का भएर उम्मेदवारी दर्ताको पक्षमा रहेको बताएका छन् । उनले उम्मेदवार छान्ने भन्दा सहमति गर्ने र सबै पक्षलाई समेट्ने प्रयास भइरहेको उल्लेख गरेका छन् । उनले पार्टी एकताको अभियानमा जुट्न सबैलाई अनुरोधसमेत गरेका छन् । भोलि सबैजना आ–आफ्नो क्षेत्रमा गएर पार्टीको आधिकारिक उम्मेदवारको पक्षमा एकढिक्का भएर लागौँ । यो व्यक्तिगत होइन, पार्टीको साझा अभियान हो।’समयको चापका बीच पार्टीभित्र सन्तुलन मिलाउने प्रयास भइरहेको थापाले बताएका छन् । थापाले आन्तरिक विवाद छाडेर एक जुट भएर निर्वाचनको अभियानमा जुट्न सबै पक्षलाई अनुरोध गरेका छन् ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक