Banner
जेनजी आन्दोलनमा शहीद भएका परिवारका एक जनालाई रोजगारी दिने चौधरी ग्रुपको घोषणा
व्यावसायिक घराना चौधरी ग्रुप (सीजी) ले जेनजी आन्दोलनका क्रममा शहीद भएका प्रत्येक परिवारका एक सदस्यलाई रोजगारी दिने घोषणा गरेको छ।
सीजीका प्रबन्ध निर्देशक निर्वाण चौधरीले मंगलबार सामाजिक सञ्जाल फेसबुकमार्फत उक्त घोषणा गरेका हुन्।
“जेनजी आन्दोलनका प्रत्येक शहीद परिवारका एक सदस्यलाई हामी रोजगारी प्रदान गर्नेछौं,” चौधरीले लेखेका छन्, “यो केवल हाम्रो वाचा होइन, हाम्रो गहिरो कर्तव्य र श्रद्धा हो। हामी सँगै उभिनेछौं, पुनर्निर्माण गर्नेछौं र सहानुभूति, सम्मान र आशासहित उज्ज्वल भविष्य निर्माण गर्नेछौं।”
चौधरीका अनुसार रोजगारी प्रक्रियाका लागि सीजीको टोलीले सर्वप्रथम शहीद परिवारहरूसँग सम्पर्क गरिरहेको छ। इच्छुक परिवारका सदस्यहरूले सीजी कर्पोरेट कम्युनिकेसन विभाग प्रमुख मधुसूदन पौड्याल (९८५१२२४०००) लाई सम्पर्क गर्न सक्ने व्यवस्था गरिएको छ।
५ अर्ब रुपैयाँ बराबरको क्षति
जेनजी आन्दोलनका क्रममा चौधरी ग्रुपलाई करिब ५ अर्ब रुपैयाँ बराबरको क्षति पुगेको समूहले जनाएको छ।
आन्दोलनकारीहरूले गरेको तोडफोड, लुटपाट र आगजनीका कारण समूहका विभिन्न व्यवसायिक प्रतिष्ठानहरू प्रभावित भएका छन्।
सीजीका अनुसार काठमाडौंको सतुङ्गलस्थित इलेक्ट्रोनिक्स कारखाना र गोदाममा आगजनी हुँदा भवन, मेसिनरी, मौज्दात, तयारी सामान र सवारीसाधनहरू पूर्णरूपमा नष्ट भएका छन्।
त्यस्तै, सिजी नेटको सर्भर र डाटा सेन्टरमा समेत ठूलो क्षति पुगेको बताइएको छ।
थापाथलीस्थित सीजी मोटर्स शोरुम, हरिसिद्धिको सर्भिस सेन्टर, ललितपुर र विशालनगरका इलेक्ट्रोनिक्स शोरुमहरू, बर्दघाटस्थित कार्यालय र निवास, र चितवनको सीजी ल्यान्डमार्क भवनमा समेत आगजनी तथा लुटपाट भएको सीजीले जनाएको छ।
साथै, जोरपाटीस्थित सिजी एजुकेसन अन्तर्गतको चाँदबाग स्कुलमा समेत तोडफोड र आगजनी भएको थियो, जसमा विद्यार्थी ओसारपसारका ६ वटा गाडीमा समेत आगो लगाइएको थियो।
“पुनर्निर्माणको यात्रामा दृढ छौं”
प्रबन्ध निर्देशक चौधरीले आन्दोलनका घटनाले दिएको पीडाबीच पनि सीजी पुनःस्थापनाको दिशामा अघि बढिरहेको बताएका छन्।
“हाम्रो निजी निवास, कार्यालय, शोरुम र कारखानाहरूमा भएको विध्वंसले गहिरो पीडा दिएको छ,” उनले भने, “तर हामी दृढ आत्मविश्वासका साथ पुनर्निर्माण यात्रामा अघि बढेका छौं।”
Facebook Comment
नेपाली कांग्रेसको आसन्न नगर अधिवेशनलाई लक्षित गर्दै सुन्दरहरैँचा नगर उपसभापति पदमा कमल ढुङ्गाना ‘कुन्दन’ले उम्मेदवारी घोषणा गरेका छन्।
ढुङ्गाना हाल नेपाल तरुण दलको कार्यवाहक सभापतिको जिम्मेवारीमा छन् भने गछिया जेसीजका अध्यक्षसमेत हुन्। लामो समयदेखि सामाजिक तथा युवा क्षेत्रमा सक्रिय ढुङ्गाना युवामाझ लोकप्रिय मानिन्छन्।
सरल स्वभाव, लगनशीलता र नेतृत्व क्षमताका कारण युवापंक्तिमा आफ्नो छुट्टै पहिचान बनाएका ढुङ्गानाले पार्टी संगठनलाई थप सुदृढ बनाउँदै युवाको सहभागिता र नेतृत्व विकासलाई प्राथमिकता दिने बताएका छन्।
नगर उपसभापतिको उम्मेदवारीसँगै ढुङ्गानाले पार्टीभित्र युवाको सक्रिय सहभागिता बढाउने, संगठनलाई जनमुखी बनाउने तथा कार्यकर्ताबीचको सम्बन्धलाई थप मजबुत बनाउने आफ्नो उद्देश्य रहेको बताएका छन्।
सरकारले १० भदौमा आएको विनाशकारी रसुवा बाढीलाई ‘हिमालयन सुनामी’ नामकरण गरेको छ । सरकारले त्यही नामबाट संयुक्त राष्ट्रसंघको महासभामा सम्बोधन गर्ने अन्तर्राष्ट्रिय सम्बन्ध तथा पर्यटन समितिको बैठकमा उक्त नाम सुनाएका हुन् ।
संयुक्त राष्ट्रसंघीय महासभामा जानुअघि समितिलाई भ्रमणबारे जानकारी गराउँदै मन्त्री खनालले भने, ‘अहिलेको जुन बाढी छ, मैले सुनामी भन्ने गरेको छु– हिमालयन सुनामी । जुन डिजास्टर अनुभव गरियो, जसले पछिल्लो समय कम्तीमा पनि २०/२५ वर्षदेखि बनाइराखेको समृद्धिको न्यारेटिभमा नै धक्का पुर्याएको छ,’ उनले भने ।
१० भदौमा भोटेकोसीमा आएको बाढीले रसुवा, धादिङ, नुवाकोटमा सबैभन्दा बढी प्रभावित बनाएको छ । रसुवा र नुवाकोटमा भएको क्षति भने निकै बढी छ । बस्ती नै बगाएका कारण कम्तीमा पनि १० हजार नागरिक बेपत्ता भएको अनुमान छ । विभिन्न जलविद्युत् आयोजनादेखि अन्य संरचनाहरूमा पनि क्षति पुर्याएको छ ।
लाङटाङ लिरुङ हिमालमा भएको विस्फोटपछि तिब्बतको ल्हेन्दे खोला हुँदै भोटेकोसीमा बाढी आएको थियो ।
सरकार अहिले पनि उद्धारमा सक्रिय छ । उक्त विपत्पछि सरकारले संयुक्त राष्ट्रसंघमा जलवायु परिवर्तनका कारण नेपालले क्षति व्यहोर्नुपरेको आवाज उठाउँदै छ । त्यस क्रममा सरकारले क्षतिपूर्तिको माग दाबी गर्ने तयारीसमेत गरेको छ ।
उक्त तयारीका लागि परराष्ट्रमन्त्री खनाल महसभामा जाने तयारीमा छन् । साथै, प्रधानमन्त्री वालेन्द्र शाह ‘बालेन’ ६ असोजमा महासभामा भाग लिन अमेरिका जाने तयारी छ । उनले ८ असोजमा सम्बोधन गर्ने तयारी छ ।
नेपालले पहिलोपटक घरेलु मैदानमा टेस्ट मान्यता प्राप्त राष्ट्र बंगलादेशविरुद्ध ऐतिहासिक अन्तर्राष्ट्रिय टि-२० शृंखला खेल्ने भएको छ। नेपाल क्रिकेट संघ (क्यान) र बंगलादेश क्रिकेट बोर्ड (बिसीबी) को संयुक्त आयोजनामा मार्च २०२७ मा तीन खेलको टि-२० अन्तर्राष्ट्रिय शृंखला सञ्चालन हुन लागेको हो।
त्रिभुवन विश्वविद्यालय (टियु) क्रिकेट मैदान, कीर्तिपुरमा आयोजना हुने उक्त शृंखलाका खेल वि.सं. २०८३ चैत १२, १४ र १६ गते ( सन् २०२७ मार्च २६, २८ र ३०) मा खेलिनेछन्। नेपाली टोलीले घरेलु मैदानमा कुनै टेस्ट राष्ट्रसँग द्विपक्षीय शृंखला खेल्न लागेको यो पहिलो अवसर हो।
यो शृंखला नेपालमा हालै गएको विनाशकारी बाढी तथा पहिरोमा ज्यान गुमाएका पीडितको स्मृतिमा समर्पित गरिनेछ। यसका साथै बंगलादेश क्रिकेट बोर्डले नेपालको महिला क्रिकेट, उमेर समूहका टोली, उच्च प्रदर्शन कार्यक्रम (हाई पर्फर्मेन्स) तथा प्राविधिक क्षमता अभिवृद्धिमा समेत सहयोग गर्ने प्रतिबद्धता जनाएको छ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner7 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login