Banner
आजको राशिफल — २०८२ साल कात्तिक १२ गते, बुधबार
आज २०८२ साल कात्तिक १२ गते बुधबार, कात्तिक शुक्ल पक्षको सप्तमी तिथि हो। चन्द्रमा अनुसार १२ वटा राशिहरूका आधारमा आजको दिनको ग्रह–गोचरले तपाईंको जीवनमा कस्तो प्रभाव पार्नेछ ? पढ्नुहोस् —
♈ मेष (Aries)
दिन अनुकूल छ। सोचेका काम पूरा हुनेछन्। परीक्षा लेखेका विद्यार्थीका लागि राम्रो नतिजाको संकेत। स्वास्थ्यमा सुधार र राजनीतिक क्षेत्रमा प्रगति हुने सम्भावना। विपक्षीहरू शान्त रहनेछन्।
♉ वृष (Taurus)
धन वृद्धि र शिक्षामा प्रगति हुने योग। विदेशप्रतिको आकर्षण बढ्नेछ। विरोधी सक्रिय हुनसक्ने भएकाले काम गर्दा सचेत रहनुहोस्। परिवार र प्रेमसम्बन्ध सुमधुर रहनेछन्।
♊ मिथुन (Gemini)
दिन सामान्य रहला। आफ्नै बोलीका कारण अप्ठ्यारो स्थिति आउन सक्छ, त्यसैले बोल्नु अघि सोच्नुहोस्। साझेदारीका कामबाट फाइदा। सम्पत्तिमा ध्यान केन्द्रित गर्दा स्वास्थ्य समस्या हुनसक्छ।
♋ कर्कट (Cancer)
साथीहरूबाट असहयोगको सम्भावना। राजनीतिमा चाँडो निर्णय नगर्नुहोस्। आलोचना बढ्ने समय। पढाइमा मिहिनेत आवश्यक। परिवारमा व्यवहारिक सावधानी अपनाउनुहोस्।
♌ सिंह (Leo)
कामको दबाब बढ्नेछ। पारिवारिक समय नदिँदा असन्तोष बढ्न सक्छ। बोल्दा सावधानी अपनाउनुहोस्। राजनीतिक क्षेत्रमा निर्णय लिँदा होसियार रहनुहोस्।
♍ कन्या (Virgo)
दिन शुभ रहला। शुभ ग्रहको साथ रहनेछ। व्यापारमा लगानी फाइदाजनक। गुरुसँग सल्लाह लिएर निर्णय गर्नु बुद्धिमानी हुनेछ। निजी क्षेत्रको लगानीबाट नाफा सम्भव।
♎ तुला (Libra)
स्वास्थ्यमा समस्या हुनसक्छ, खानपानमा ध्यान दिनुहोस्। शिक्षा र राजनीतिक क्षेत्रबाट लाभ। सामाजिक क्षेत्रमा प्रतिष्ठा बढ्नेछ तर परिवारभित्र मनमुटाव सम्भव।
♏ वृश्चिक (Scorpio)
शिक्षामा सफलता। गुरुसँगको भेटले सम्मान बढाउनेछ। पारिवारिक सहयोग प्राप्त हुनेछ। स्वास्थ्यमा स–साना समस्या आउनसक्ने भएकाले ध्यान दिनुहोस्।
♐ धनु (Sagittarius)
आजको दिन अत्यन्त शुभ। व्यापारमा लाभ, शिक्षामा सफलता र स्वास्थ्यमा सुधार। बौद्धिक विपक्षीहरूको आलोचना सुन्नु पर्ने हुन सक्छ, तर अन्ततः तपाईं विजयी बन्नुहुनेछ।
♑ मकर (Capricorn)
धनलक्ष्मीको योग। सम्पत्तिको सदुपयोगका लागि अनुकूल समय। रोग प्रतिरोधात्मक क्षमता बढ्नेछ। धार्मिक विश्वासमा कमी आउन सक्छ।
♒ कुम्भ (Aquarius)
अनावश्यक खर्च बढ्ने सम्भावना। साना विषयमा साथीहरूसँग मनमुटाव। पढाइमा ढिलासुस्ती तर स्वास्थ्यमा सुधारका संकेत। बोल्दा संयम अपनाउनुहोस्।
♓ मीन (Pisces)
यात्रामा खर्च भए पनि सामाजिक प्रतिष्ठा बढ्नेछ। बाहिरी मानिसबाट प्रशंसा मिल्नेछ। धार्मिक कार्यमा सहभागी भएर दिन सुरु गर्नु शुभ हुनेछ।
Facebook Comment
Banner
सुन्दरहरैंचाको गछिया युवा समाज मच्छिन्द्र फुटबल क्लबलाई पराजित गर्दै पुग्यो इटहरी गोल्डकपको फाइनलमा
सुन्दरहरैंचाको गछिया युवा समाज इटहरीमा जारी रेडबुल १६ औं इटहरी गोल्डकप अन्तर्राष्ट्रिय आमन्त्रण नकआउट फुटबल प्रतियोगिताको फाइनलमा प्रवेश गरेको छ ।
शुक्रबार भएको प्रतियोगिताको पहिलो सेमीफाइनलमा गछियाले मच्छिन्द्र फुटबल क्लब, काठमाडौंलाई पेनाल्टी सुटआउटमा हराउँदै उपाधि नजिक पुगेको हो । निर्धारित समयको प्रतिस्पर्धात्मक खेल दुवै टोलीले ३–३ गोलको बराबरी खेलेपछि खेलको निर्णय पेनाल्टी सुटआउटमार्फत् भएको थियो
निर्धारित समयमा गछियाका लागि जनमय धामी, सुजन डंगोल र पदम भट्टराईले गोल गरेका थिए । मच्छिन्द्रका लागि प्रदिप बुढाथोकीले दुई गोल गर्दा थप एक गोल देवेन्द्र तामाङले गरेका थिए ।
पेनाल्टी सुटआउटमा गछिया ५–४ ले गोलले विजयी बन्दा गछियाकै पदम भट्टराई प्लेयर अफ दि म्याच बने ।
राष्ट्रिय जागृति क्लब, इटहरी, सुनसरीको आयोजनामा जारी प्रतियोगिताको विजेताले उपाधिसहित नगद १० लाख हात पार्नेछ भने उपविजेताले ५ लाख प्राप्त गर्नेछ ।
गछियाले उद्घाटन खेलमा नाइजेरियाको फुटबल टिमलाई पराजित गरेको थियो ।
वर्षाका कारण बीपी राजमार्गअन्तर्गत काभ्रेको नमोबुद्धस्थित कटुञ्जेदेखि रोशीको मंगलटार सडकखण्ड आज बिहानदेखि अवरुद्ध भएको छ ।
कटुञ्जे–मंगलटार सडकखण्डको विभिन्न स्थानमा ‘डाइभर्सन’ बगाएका कारण सडक अवरुद्ध भएको जिल्ला प्रहरी कार्यालयले जनाएको छ । डाइभर्सन मर्मत सुरु गरिए पनि आवागमन सुचारु गर्न केही घण्टा लाग्ने भएकाले कार्यालयका सूचना अधिकारी प्रहरी नायब उपरीक्षक रविन विष्टले जानकारी दिए । उनका अनुसार वर्षाका कारण रोशी खोलामा पानीको बहाव बढेपछि राजमार्गमा यसअघि निर्माण गरिएको अस्थायी डाइभर्सन बगाएको हो ।
गत सालको बाढीपहिरोले रागमार्गको रोशी तथा सिन्धुलीको नेपालथोक क्षेत्रमा १८ किमी सडक बगाएपछि डाइभर्सन निर्माण गरी आवागमन भइरहेको थियो । यस्तै, गत चैत तेस्रो साता पनि सोही क्षेत्रको विभिन्न स्थानको चार किमी बगाएपछि पुनः अस्थायी डाइभर्सन निर्माण गरिएको थियो ।
यसैबीच, राजमर्गा अवरुद्ध भएपछि सवारीसाधनलाई अहिले राजमार्गको प्रवेशमार्ग धुलिखेलको काभ्रेभञ्ज्याङ र सिन्धुलीको नेपालथोकमा ‘होल्ड’ गरेर राखिएको छ । राजमार्गको अवस्था बुझेर मात्रै यात्रा गर्न सर्वसाधारणलाई प्रहरीले अनुरोध गरेको छ भने अर्को सूचना जारी नभएसम्म उक्त खण्डमा यात्रा नगर्न अपिलसमेत गरिएको छ ।
गत साल असोजको बाढीपहिरोले चौकीडाँडा–नेपालथोक सडकखण्ड पूर्णरुपमा क्षतिग्रस्त बनाएपछि खोलाबाटै अस्थायी सडक एवं डाइभर्सन बनाएर यातायातका साधन सञ्चालन गर्दै आइएको थियो । हाल उक्त क्षेत्रमा स्थायी सडक निर्माण भइरहेको डिभिजन सडक कार्यालय भक्तपुरले जनाएको छ ।
सुन्दरहरैँचा, मोरङ — एनआरएनए बहराइनको पहलमा क्यान्सर पीडित तथा विगतमा बहराइनमा बसोबास गर्दै आउनु भएकी उमा खड्कालाई आर्थिक सहयोग प्रदान गरिएको छ।
शनिबार सुन्दरहरैँचा नगरपालिका–१२ स्थित उहाँकै निवासमा आयोजित एक कार्यक्रमबीच रु १०१,४६० (एक लाख एक हजार चार सय साठी रुपैयाँ) उक्त सहयोग हस्तान्तरण गरिएको हो। कार्यक्रममा कुल बराबरको रकम सहयोगस्वरूप प्रदान गरिएको जानकारी दिइएको छ।
सहयोग रकम एनआरएनए बहराइनकी महिला संयोजक सरु लामा गुरुङको हातबाट हस्तान्तरण गरिएको थियो। कार्यक्रममा सुन्दरहरैँचा नगरपालिकाका प्रवक्ता तथा वडा नं. १२ का वडाअध्यक्ष रोशन प्रसाद ढकाल, पत्रकार ज्ञाननाथ ढकाल लगायत स्थानीय बासिन्दा र परिवारजनको उपस्थिति रहेको थियो।
कार्यक्रममा सहभागीहरूले मानवीय सहयोग अभियानमा योगदान पुर्याउने सम्पूर्ण दाताहरू तथा सहयोगीप्रति आभार व्यक्त गरेका छन्। साथै, क्यान्सरसँग संघर्षरत उमा खड्काको शीघ्र स्वास्थ्य लाभको कामना समेत गरिएको छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login