Banner
आज २०८२ साल मंसिर १ गते सोमबारको राशिफल
आज २०८२ साल मंसिर १ गते सोमबार। मंसिर कृष्ण पक्षको त्रयोदशी तिथि। तदनुसार सन् २०२५ नोभेम्बर १७ तारिख। अन्तर्राष्ट्रिय विद्यार्थी दिवस । नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ।
मेष : दिन सामान्य छ । सञ्चित धन खर्च हुनसक्छ । अनुत्पादक क्षेत्रको खर्च कटौती गर्नु राम्रो हुनेछ । दाजुभाइ सँगको सहकार्यले फाइदा हुनेछ । शिक्षामा प्रगति हुनेछ । निजी क्षेत्रमा लगानी गरेको भए फाइदा हुनेछ ।
वृष : दिन राम्रो छ । आज तपाईंले बनाएको योजना दीर्घकालीन बन्नेछ। स्वास्थ्यमा सुधार हुने योग छ । शिक्षाको क्षेत्रमा जोस र जाँगर बढ्नेछ । प्रेम सम्बन्ध सुमधुर बन्नेछ ।
मिथुन : दिन सामान्य छ । सञ्चित धन खर्च हुनेछ । आफ्ना भनेका साथी विपक्षी कित्तामा पुगेकाले महत्त्वपूर्ण निर्णयमा अवरोध हुनेछ । धार्मिक कार्यमा सहभागी भएर दिनको सुरुवात गर्नु उचित हुनेछ ।
कर्कट : दिन राम्रो छ । शिक्षाको क्षेत्रमा गरेको लगानीबाट फाइदा हुनेछ । स्वदेशमै आम्दानीका विकल्प फेला पर्नेछन् । विपक्षी साथीले सहयोग गर्ने योग छ । परिवारको सल्लाह लिएर अगाडि बढ्नु राम्रो हुनेछ ।
सिंह : दिन राम्रो छ। अचानक आम्दानी हुनेछ । गुमेको सम्पत्ति प्राप्त हुनेछ । प्राविधिक क्षेत्रमा गरेको लगानीबाट नाफा हुनेछ । काममा तपाईंको बढुवा हुने दिन छ । परिवारको साथमा महत्त्वपूर्ण काम बन्नेछ ।
कन्या : दिन सहज छ । कृषि कर्ममा सफलता मिल्नेछ । फलफूल र दूधको व्यापारमा फाइदा हुनेछ । स्वास्थ्यमा सुधार हुने योग छ । परिवारको सल्लाह अनुसार अगाडि बढेमा नाफा हुनेछ ।
तुला : दिन राम्रो छ । मनमा शान्ति मिल्नेछ । रोग प्रतिरोधात्मक क्षमता बढ्नेछ । साथी भाइले साथ दिनेछन् । परोपकार गरेमा नाम र दाम दुवै प्राप्त हुनेछ । प्रेम सम्बन्ध सुमधुर बन्नेछ ।
वृश्चिक : दिन राम्रो छ । तपाईंको बोली बिक्ने छ । धार्मिक कार्यमा सहभागी भएर दिनको सुरुवात गरेमा सफलता मिल्नेछ । शिक्षाको क्षेत्रमा उन्नति हुनेछ । व्यापारमा मिहिनेत गर्नुपर्ने देखिन्छ ।
धनु : दिन राम्रो छ । पुराना साथीसँग भेट हुनेछ । साथीसँगको भेटले नयाँ नयाँ विषयको ज्ञान प्राप्त हुनेछ । स्वास्थ्यमा सुधार हुने योग छ । मन मिल्ने साथीसँग घुम्ने अवसर मिल्ने छ । परिवारको साथ मिल्ने छ ।
मकर : दिन राम्रो छ । परोपकार गर्ने अवसर मिल्नेछ । राजनीतिक संगठनमा तपाईंको प्रस्ताव पारित हुनेछ । परिवारको साथ मिल्नेछ । व्यापारमा संयुक्त लगानीमा गर्नु उचित हुनेछ ।
कुम्भ : दिन सामान्य छ । सानो कुराले मनमा झन्झट बढ्नेछ । धार्मिक क्षेत्रको यात्रा तय हुनेछ । परिवारको साथ र सहयोग मिल्नेछ । प्रेम सम्बन्ध सुमधुर बन्ने योग छ । शिक्षामा थप मिहिनेत गर्नुपर्ने देखिन्छ ।
मीन : दिन राम्रो छ । शुभ ग्रहको बहुमत भएकाले दिन सहज बन्नेछ । साना कुराले मनमा खटपटी बढ्नेछ । शिक्षाको क्षेत्रमा गरेको प्रयास सफल बन्नेछ । परिवारलाई समय दिन नसक्दा खटपटी बढ्नेछ ।
Facebook Comment
तामाङ समुदायले हरेक वर्ष माघ शुक्ल प्रतिपदाका दिन मनाउने सोनाम ल्होसार आज विविध कार्यक्रम गरी मनाउँदै छन् ।
मञ्जुश्री पात्रो अनुसार आजदेखि २८६२ औँ वर्ष शुरू भएको छ । आजदेखि सर्प वर्ष पूरा गरी घोडा वर्ष प्रवेश हुन्छ । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।
ल्होसारका १२ वटै वर्ष पशुपन्छीको नामबाट गणना गरिएकाले प्रकृतिपूजक रहेको अनुसन्धाता टीका शेर्पाले बताउनुभयो । तामाङ जातिको बाहुल्यता रहेको वाग्मती प्रदेशका विभिन्न जिल्लामा यो पर्व विशेष रुपमा मनाइन्छ ।
झन्डै ४ हजार ७ सय वर्ष पुरानो मानिने यो परम्परा नेपालसहित चीन, मंगोलिया, जापान, भियतनाम, थाइल्यान्ड, ताइवान, मलेसिया, सिंगापुरलगायत देशहरूमा पनि मनाउने गरिन्छ ।
नेपालमा तामाङ समुदायसहित ह्योल्मो, मनाङ्गे, डोल्पो, थकाली, जिरेल, दुरा तथा केही शेर्पा समुदायले समेत यो पर्व मनाउने गर्छन् ।
नेपाली कांग्रेसका सभापति गगनकुमार थापाले प्रतिनिधि सभाको प्रत्यक्ष तर्फका उम्मेदवारको नाम आजै टुंगो लाग्ने बताएका छन् । सोमबार बिहान फेसबुकमा भिडियो पोस्ट गर्दै भन्नुभएको छ, ‘हामी उम्मेदवार छनोटको अन्तिम चरणमा छौँ। समय र प्रक्रियागत बाध्यताबीच पनि समावेशी, सन्तुलित र न्यायपूर्ण निर्णय गर्ने भरपूर प्रयास भइरहेको छ।’ उनले पार्टीको पक्षमा एक ढिक्का भएर उम्मेदवारी दर्ताको पक्षमा रहेको बताएका छन् । उनले उम्मेदवार छान्ने भन्दा सहमति गर्ने र सबै पक्षलाई समेट्ने प्रयास भइरहेको उल्लेख गरेका छन् । उनले पार्टी एकताको अभियानमा जुट्न सबैलाई अनुरोधसमेत गरेका छन् । भोलि सबैजना आ–आफ्नो क्षेत्रमा गएर पार्टीको आधिकारिक उम्मेदवारको पक्षमा एकढिक्का भएर लागौँ । यो व्यक्तिगत होइन, पार्टीको साझा अभियान हो।’समयको चापका बीच पार्टीभित्र सन्तुलन मिलाउने प्रयास भइरहेको थापाले बताएका छन् । थापाले आन्तरिक विवाद छाडेर एक जुट भएर निर्वाचनको अभियानमा जुट्न सबै पक्षलाई अनुरोध गरेका छन् ।
निर्वाचन आयोगले चुनावका लागि आचारसंहिता लागू गरेको छ । माघ ११ गते हुने राष्ट्रिय सभा सदस्य चुनाव र फागुन २१ गते हुने प्रतिनिधि सभा सदस्य चुनावका लागि आचारसंहिता लागू गरिएको आयोगले जनाएको छ ।
यो आचारसंहिता नेपाल सरकार र प्रदेश सरकारका मन्त्रीहरू, संवैधानिक निकायका पदाधिकारीहरू, स्थानीय कार्यपालिकाका सदस्यहरू, सङ्घ, प्रदेश र पालिका तहका कर्मचारीहरू, सुरक्षा निकाय, सरकारी तथा सार्वजनिक संस्थाका कार्यालय र कर्मचारीहरू, राजनीतिक दल तथा उम्मेदवारहरूमा लागू हुनेछ ।
साथै सार्वजनिक पद धारण गरेका व्यक्तिहरू, सञ्चार प्रतिष्ठान तथा सञ्चारकर्मीहरू, निजी तथा गैरसरकारी संस्था, विद्यालय, महाविद्यालय वा विश्वविद्यालयका शिक्षक तथा कर्मचारीहरू, मतदाताहरू, विकास साझेदार संस्थाहरू, निजी क्षेत्रका बैंक तथा वित्तीय संस्था, सहकारी संस्थाहरू लगायत आयोगले तोकेका अन्य निकाय र व्यक्तिहरूमा पनि यो आचारसंहिता लागू हुने आयोगले जनाएको छ ।
आयोगले आचारसंहिताको पूर्ण कार्यान्वयन र पालनाका लागि सबैको सहयोगको अपेक्षा गरेको छ ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login