Banner
एनपीएल अपडेट: २८ मध्ये ८ खेल सकिँदा शीर्ष स्थानमा को–को ?
गएको मंसिर १ गते सोमवारदेखि शुरु भएको दोस्रो संस्करणको नेपाल प्रिमियर लिग (एनपीएल) क्रिकेटमा लिग चरणका २८ वटा खेलमध्ये अहिलेसम्म आठ वटा खेल सकिएका छन् । पहिलो पटक ‘फ्लडलाइट’ र स्थायी प्यारापिटमा एनपीएलका खेल भइरहेका छन् । काठमाण्डौको कीर्तिपुरमा रहको त्रिवि क्रिकेट रङ्गशालामा एनपीएलका आठ वटै टोलीले कम्तिमा एउटा खेल खेलेका छन् ।
कुन टोली कुन स्थानमा ?
उद्घाटन खेलमा पहिलो संस्करणको विजेता जनकपुर बोल्ट्सलाई काठमाण्डु गोखार्जले हराउँदै विजयी शुरुआत गरेको थियो । काठमाण्डुले अहिलेसम्म ३ वटा खेल खेलेको छ भने जनकपुरले एउटा मात्रै खेल खेलेको छ । अहिलेसम्मको अङ्कतालिकाअनुसार समान २ खेल खेलेका सुदूरपश्चिम रोयल्स र विराटनगर किङ्ग्स समान ४ अङ्कसहित पहिलो र दोश्रो स्थानमा छन् । सुदूरपश्चिमले आफ्नो पहिलो खेलमा काठमाण्डु र दोश्रो खेलमा पोखरा एभेन्जर्सलाई हराएको हो ।
यस्तै विराटनगर किङ्ग्सले पनि आफ्नो पहिलो खेलमा पोखरा र दोश्रो खेलमा काठमाण्डुलाई हराएको हो । ३ खेलमा २ खेल हारेको काठमाण्डु तेश्रो स्थानमा छ । २ खेलमा १ जीत र १ हारसहित लुम्बिनी लायन्स, चितवन राइनोज र कर्णाली याक्स समान २ अङ्कसहित चौथो, पाँचौं र छैटौं स्थानमा छन् । एउटा मात्रै खेल खेलेको जनकपुर पुछारबाट दोश्रो स्थानमा छ भने २ वटा खेल खेलेको पोखरा दुवै खेलमा पराजित हुँदै तालिकाको पुछारमा छ ।
मार्क वाटकाे शतक
दोश्रो संस्करणको एनपीएलमा कर्णाली याक्सका मार्क वाटले शतकीय पारी खेलेका छन् । उनले हिजो लुम्बिनीसँगको खेलमा ४४ बलमा अविजित १ सय १४ रन बनाएका छन् । वाट एनपीएलमा शतक बनाउने दोश्रो खेलाडीसमेत बनेका छन् ।
वाट एकै खेलमा सबैभन्दा धेरै छक्का प्रहार गर्ने खेलाडी बनेका छन् । उनले १२ छक्का प्रहार गरे । पहिलो संस्करणमा लुम्बिनीका विवेक यादवले सुदूरपश्चिमसँग, चितवनका कुशल मल्लले जनकपुरसँग तथा विराटनगरका लोकेश बमले पोखरासँग खेल्दा समान ७ छक्का प्रहार गरेका थिए ।
पहिलो शतक पहिलो संस्करणमा पोखराका एन्द्रिस गाउसले बनाएका थिए । उनले लुम्बिनीसँगको खेलमा अविजित १ सय ४ रन बनाएका हुन् । दुवै खेलाडीले लुम्बिनीसँगको खेलमा शतक बनाएका हुन् ।
भोलि दुई वटा खेल हुँदै
एनपीएलमा आज आइतवार खेल हुनेछैन । नेपाल क्रिकेट सङ्घ (क्यान)ले यसअघि नै सार्वजनिक गरेको खेलतालिका अनुसार आज विश्रामको दिन राखेको हो । एनपीएलमा भोलि दुई वटा खेल हुँदैछन् । भोलि हुने पहिलो खेलमा बिहान पौने १२ बजे जनकपुर बोल्ट्स र विराटनगर किङ्ग्सबीच तथा दोस्रो खेलमा दिउँसो ४ बजे कर्णाली याक्स र सुदूरपश्चिम रोयल्सबीच खेल हुनेछ । दोस्रो संस्करणको एनपीएल क्रिकेटमा सुदूरपश्चिम, पोखरा, विराटनगर, काठमान्डु, लुम्बिनी, चितवन, जनकपुर र कर्णाली गरी आठ वटा टोली सहभागी छन् । प्रतियोगिता यही २७ गतेसम्म चल्नेछ ।
Facebook Comment
नेपाली कांग्रेसको आसन्न नगर अधिवेशनलाई लक्षित गर्दै सुन्दरहरैँचा नगर उपसभापति पदमा कमल ढुङ्गाना ‘कुन्दन’ले उम्मेदवारी घोषणा गरेका छन्।
ढुङ्गाना हाल नेपाल तरुण दलको कार्यवाहक सभापतिको जिम्मेवारीमा छन् भने गछिया जेसीजका अध्यक्षसमेत हुन्। लामो समयदेखि सामाजिक तथा युवा क्षेत्रमा सक्रिय ढुङ्गाना युवामाझ लोकप्रिय मानिन्छन्।
सरल स्वभाव, लगनशीलता र नेतृत्व क्षमताका कारण युवापंक्तिमा आफ्नो छुट्टै पहिचान बनाएका ढुङ्गानाले पार्टी संगठनलाई थप सुदृढ बनाउँदै युवाको सहभागिता र नेतृत्व विकासलाई प्राथमिकता दिने बताएका छन्।
नगर उपसभापतिको उम्मेदवारीसँगै ढुङ्गानाले पार्टीभित्र युवाको सक्रिय सहभागिता बढाउने, संगठनलाई जनमुखी बनाउने तथा कार्यकर्ताबीचको सम्बन्धलाई थप मजबुत बनाउने आफ्नो उद्देश्य रहेको बताएका छन्।
सरकारले १० भदौमा आएको विनाशकारी रसुवा बाढीलाई ‘हिमालयन सुनामी’ नामकरण गरेको छ । सरकारले त्यही नामबाट संयुक्त राष्ट्रसंघको महासभामा सम्बोधन गर्ने अन्तर्राष्ट्रिय सम्बन्ध तथा पर्यटन समितिको बैठकमा उक्त नाम सुनाएका हुन् ।
संयुक्त राष्ट्रसंघीय महासभामा जानुअघि समितिलाई भ्रमणबारे जानकारी गराउँदै मन्त्री खनालले भने, ‘अहिलेको जुन बाढी छ, मैले सुनामी भन्ने गरेको छु– हिमालयन सुनामी । जुन डिजास्टर अनुभव गरियो, जसले पछिल्लो समय कम्तीमा पनि २०/२५ वर्षदेखि बनाइराखेको समृद्धिको न्यारेटिभमा नै धक्का पुर्याएको छ,’ उनले भने ।
१० भदौमा भोटेकोसीमा आएको बाढीले रसुवा, धादिङ, नुवाकोटमा सबैभन्दा बढी प्रभावित बनाएको छ । रसुवा र नुवाकोटमा भएको क्षति भने निकै बढी छ । बस्ती नै बगाएका कारण कम्तीमा पनि १० हजार नागरिक बेपत्ता भएको अनुमान छ । विभिन्न जलविद्युत् आयोजनादेखि अन्य संरचनाहरूमा पनि क्षति पुर्याएको छ ।
लाङटाङ लिरुङ हिमालमा भएको विस्फोटपछि तिब्बतको ल्हेन्दे खोला हुँदै भोटेकोसीमा बाढी आएको थियो ।
सरकार अहिले पनि उद्धारमा सक्रिय छ । उक्त विपत्पछि सरकारले संयुक्त राष्ट्रसंघमा जलवायु परिवर्तनका कारण नेपालले क्षति व्यहोर्नुपरेको आवाज उठाउँदै छ । त्यस क्रममा सरकारले क्षतिपूर्तिको माग दाबी गर्ने तयारीसमेत गरेको छ ।
उक्त तयारीका लागि परराष्ट्रमन्त्री खनाल महसभामा जाने तयारीमा छन् । साथै, प्रधानमन्त्री वालेन्द्र शाह ‘बालेन’ ६ असोजमा महासभामा भाग लिन अमेरिका जाने तयारी छ । उनले ८ असोजमा सम्बोधन गर्ने तयारी छ ।
नेपालले पहिलोपटक घरेलु मैदानमा टेस्ट मान्यता प्राप्त राष्ट्र बंगलादेशविरुद्ध ऐतिहासिक अन्तर्राष्ट्रिय टि-२० शृंखला खेल्ने भएको छ। नेपाल क्रिकेट संघ (क्यान) र बंगलादेश क्रिकेट बोर्ड (बिसीबी) को संयुक्त आयोजनामा मार्च २०२७ मा तीन खेलको टि-२० अन्तर्राष्ट्रिय शृंखला सञ्चालन हुन लागेको हो।
त्रिभुवन विश्वविद्यालय (टियु) क्रिकेट मैदान, कीर्तिपुरमा आयोजना हुने उक्त शृंखलाका खेल वि.सं. २०८३ चैत १२, १४ र १६ गते ( सन् २०२७ मार्च २६, २८ र ३०) मा खेलिनेछन्। नेपाली टोलीले घरेलु मैदानमा कुनै टेस्ट राष्ट्रसँग द्विपक्षीय शृंखला खेल्न लागेको यो पहिलो अवसर हो।
यो शृंखला नेपालमा हालै गएको विनाशकारी बाढी तथा पहिरोमा ज्यान गुमाएका पीडितको स्मृतिमा समर्पित गरिनेछ। यसका साथै बंगलादेश क्रिकेट बोर्डले नेपालको महिला क्रिकेट, उमेर समूहका टोली, उच्च प्रदर्शन कार्यक्रम (हाई पर्फर्मेन्स) तथा प्राविधिक क्षमता अभिवृद्धिमा समेत सहयोग गर्ने प्रतिबद्धता जनाएको छ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner7 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login