Banner
हुलाकी राजमार्ग अन्तर्गत १४ वर्षदेखि अलपत्र कन्काई पुलको ठेक्का रद्द
हुलाकी राजमार्गअन्तर्गत झापा गाउँपालिका–२ र गौरीगञ्ज गाउँपालिका–१ जोड्ने कन्काई पुल निर्माणको ठेक्का १४ वर्षपछि रद्द गरिएको छ। सडक विभाग मातहतको हुलाकी राजमार्ग निर्देशनालयअन्तर्गत योजना कार्यालय इटहरीले पप्पु–महादेव–खिम्ती संयुक्त उपक्रम (जेभी)सँगको ठेक्का बिहीबार औपचारिक रूपमा समाप्त गरेको हो।
७२३ मिटर लम्बाइको पक्की पुल ‘डिजाइन एण्ड बिल्ड’ मोडालिटीमा निर्माणका लागि ३१ जेठ २०६८ मा जेभीसँग ठेक्का सम्झौता भएको थियो। ३० जेठ २०७२ भित्र काम सक्ने सहमति भए पनि पाँचपटक म्याद बढाउँदा पनि १४ वर्षमा करिब ५६ प्रतिशत मात्र प्रगति भएको योजना कार्यालयले जनाएको छ। करसहित ठेक्का रकम ३४ करोड ९ लाख रुपैयाँ थियो।
ठेक्का रद्दसँगै निर्माण व्यवसायीको १ करोड ७१ लाख रुपैयाँ कार्यसम्पादन जमानत जफत गरिने कार्यालयले जनाएको छ। गत ३१ असोजमा ‘किन ठेक्का नतोड्ने ?’ भन्दै जेभीलाई १५ दिने स्पष्टीकरण मागिएको थियो। तर, प्राप्त स्पष्टीकरण चित्तबुझ्दो नभएकाले सार्वजनिक खरिद ऐनअनुसार ठेक्का रद्द गरिएको योजना कार्यालयका प्रमुख युवराज पोखरेलले बताए।
कार्यालयका अनुसार निर्धारित समयभित्र काम सम्पन्न नगरेको, कार्यतालिका र स्रोत परिचालनको भरपर्दो योजना पेश नगरेको, काम सुचारु गर्नेतर्फ तदारुकता नदेखिएको र आवश्यक प्राविधिक तथा अधिकृत प्रतिनिधि नै उपस्थित नभएको कारण ठेक्का तोडिएको हो। अब बाँकी कामका लागि आवश्यक रकम सरकारी बाँकीसरह असूली प्रक्रिया अघि बढाइने तथा कम्पनीलाई कालोसूचीमा राख्न सिफारिस गरिने उल्लेख गरिएको छ।
योजना कार्यालयले हालसम्म भएका कामको नापजाँच तथा वित्तीय समायोजनका लागि १५ दिनभित्र कार्यालयमा उपस्थित हुन व्यवसायीलाई अनुरोध गरेको छ। उपस्थित नभएमा कार्यालयले नै नापजाँच गरी प्रक्रिया अघि बढाउनेछ।
ऊर्जा, जलस्रोत तथा सिँचाइ, भौतिक पूर्वाधार तथा यातायात तथा शहरी विकासमन्त्री कुलमान घिसिङले गत २६ असोजमा स्थलगत निरीक्षण गर्दै लामो समयदेखि अलपत्र योजनाहरूमा कडाइपूर्वक निर्णय गर्ने बताएका थिए। स्थानीय बासिन्दाले पुल नबन्दा दैनिक आवतजावत, व्यापार–व्यवसाय र पर्यटन प्रवर्द्धनमा ठूलो असर परेको बताउँदै छिटो पूरा गर्न आग्रह गरेका थिए।
पुल निर्माण २०७६ सम्म प्रगतिमा रहे पनि त्रुटि देखिएपछि प्राविधिक परीक्षण गरिएको थियो। परीक्षणले पुष्टि गरेका त्रुटि सच्याउन केही काम भए पनि कुल प्रगति निकै सुस्त रहेको विभागले जनाएको छ। पुलका १९ स्पानमध्ये ८ वटा सम्पन्न भएका छन्। बाँकी ११ स्पानमध्ये २ वटा बिम (गर्डर)सम्म पुगेका छन्, ६ वटाको जग हालिएको छ र ३ वटाको जग हाल्न बाँकी छ।
Facebook Comment
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
मोरङको सुन्दरहरैंचास्थित गछिया बजार खेल मैदानमा बिहीबार भएको अन्तिम क्वार्टरफाइनल खेलमा राष्ट्रिय जागृति क्लबले झापाको दमक फुटबल एकेडेमीलाई २–० ले पराजित गर्दै प्रथम गछिया गोल्डकप अन्तर्राष्ट्रिय आमन्त्रण फुटबल प्रतियोगिताको सेमिफाइनलमा प्रवेश गरेको छ।
जागृतिका लागि प्रवेश बस्नेतले खेलको ११औँ मिनेटमा गोल गर्दै अग्रता दिलाए। त्यसपछि ३९औँ मिनेटमा योगेन्द्र कार्कीले दोस्रो गोल जोडेर टिमको जित सुनिश्चित गरे।
विजयी टिमका योगेन्द्र कार्की ‘प्लेयर अफ द म्याच’ घोषित भए र उनले नगद ५ हजार १ सय रुपियाँ प्राप्त गरे।
बिहीबारको खेलसँगै प्रतियोगिताको सेमिफाइनल समीकरण पूरा भएको छ। पहिलो सेमिफाइनल शुक्रबार सिराहाको सहलेस फुटबल क्लब र गाईघाट युनाइटेडबीच हुने छ।
दोस्रो संस्करणको नेपाल प्रिमियर लिग (एनपीएल) अन्तर्गत बिहीबार दुई खेल हुँदैछन्। पहिलो खेल ११:४५ बजे पोखरा एभेन्जर्स र काठमाण्डु गोर्खाज र अपराह्न ४ बजे सुदूरपश्चिम रोयल्स र चितवन राइनोजबीच हुँदैछ। दुवै खेल त्रिभुवन विश्वविद्यालय अन्तर्राष्ट्रिय क्रिकेट रङ्गशालामा हुनेछन्। पोखराका कप्तान कुशल भुर्तेल हुन् भने काठमाण्डुका कप्तान करण केसी हुन्। पोखराको नेतृत्व कुशल मल्लले गरेका छन् भने सुदूरपश्चिमको कप्तानीमा दीपेन्द्रसिंह ऐरी छन्। आजको खेलमा दुई कुशलसँग करण र दीपेन्द्रले प्रतिस्पर्धा गर्ने देखिन्छ। पाँच खेलबाट चार अङ्क मात्र जोडेको पोखरालाई प्लेअफको सम्भावना जीवित राख्न जित्नै पर्ने दबाब छ। काठमाडौँले भने छ खेलबाट आठ अङ्क जोडेको छ। प्लेअफमा पुगिसकेको सुदूरपश्चिम र प्लेअफको बाटोमा रहेको चितवन आमनेसामने हुनेछन्।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login