नझरेका फूलहरूले चैत्र १५ गते साँझ नेपाली साङ्गीतिक क्षेत्रकी लोकप्रिय गायिका एवम् अभिनेत्री पवित्र सुब्बालाई विशेष साङ्गीतिक समारोहका बीच सम्मान गर्न लागिएको जनाएको छ।कार्यक्रम सुनसरीको इटहरी चोक स्थित सेन्ट्रल प्लाजामा रहेको होटल बरन्डामा हुनेछ।

चालीसको दशकदेखि साङ्गीतिक क्षेत्रमा सक्रिय सुब्बाका तिमी तारेभीर,याङ्जी नाना,कहिले प्रीतिको फूल,तिम्रो जोबन, सिरानीले बिझायो कि, पाएँ मैले तिम्रो चिठी, चोखो छ है लगायतका सयौँ गीत लोकप्रिय छन् । उनको मुख्य अभिनय रहेको ‘मितेरी गाउँ’ दर्शकले अत्यन्तै मन पराएको चलचित्र हो।
नझरेका फूलहरूले स्रष्टा सम्मानको नियमित शृङ्खला अन्तर्गत गायिका पवित्र सुब्बा सम्मान साँझ आयोजना गर्न लागेको नझरेका फूलहरूका प्रस्तुतकर्ता केपी घिमिरेले बताए।
कार्यक्रममा अन्य गायक गायिकाको समेत प्रस्तुति रहने घिमिरेले जानकारी दिएका छन्।

आगामी बैशाख १ गतेदेखि ७ गतेसम्म मोरङको सुन्दरहरैंचामा रहेको कृष्ण प्रणामी मन्दिर सलकपुरमा अन्तराष्ट्रिय धार्मिक महोत्सव हुने भएको छ ।

कृष्ण प्रणामी मन्दिर सेवा आश्रमको स्वर्ण जयन्तीका अवसरमा अन्तराष्ट्रिय धार्मिक महोत्सव हुने प्रचारप्रसार उपसमितिका संयोजक शिवलाल भट्टराई (शरण)ले जानकारी दिनुभयो ।

अन्तरराष्ट्रिय धार्मिक महोत्सवमा १०८ श्रीमत तारतम सागर पाठपारायण, वाणी चर्चा, श्रीमद्भागवत कृष्णकथा ज्ञानमहायज्ञ, सन्त सम्मेलन तथा विविध धार्मिक, सांस्कृतिक कार्यक्रम आयोजना हुने बताइएको छ ।

नेपाली काँग्रेसको केन्द्रीय कार्यसमिति बैठक आज पनि बस्दै छ ।

आज पनि बिहान ११ बजेदेखि बैठक सुरु हुने कार्यवाहक मुख्यसचिव कृष्णप्रसाद दुलालले जानकारी गराएका छन् ।

मंगलबारदेखि जारी बैठकमा पुरानै एजेन्डामा केन्द्रीय सदस्यहरूले धारणा राखिरहेका छन् । हिजो सभापति गगनकुमार थापाले भदौ २४–२६ मा १५औँ अधिवेशन गर्ने कार्यतालिका प्रस्ताव गरेपछि केन्द्रीय सदस्यहरुको धारणा राख्ने क्रम जारी छ ।

यस्तै, समसामयिक, सुशासन स्थापना, संविधान संशोधन अध्ययन तथा सुझावका लागि विज्ञसहितको समिति गठन, केन्द्रीय निर्वाचन समिति गठनबारे पनि बैठकमा छलफल हुने बताइएको छ ।