पूर्वी नेपालको प्रतिष्ठित आतिथ्य सत्कार क्षेत्रसँग सम्बन्धित नेपालीरिका होटेल लिमिटेडले प्रारम्भिक सार्वजनिक निष्काशन (आईपीओ) जारी गर्ने भएको छ। मोरङको विराटचोकस्थित कम्पनीले सर्वसाधारणका लागि प्रतिकित्ता रु. १०० अंकित दरमा ५० लाख कित्ता साधारण शेयर निष्काशन गर्ने तयारी गरेको हो। यसअनुसार कम्पनीले कुल ५० करोड रुपैयाँ बराबरको आईपीओ जारी गर्नेछ।

आईपीओ निष्काशन तथा बिक्री प्रबन्धकको रूपमा लक्ष्मी सनराइज क्यापिटल लिमिटेडलाई नियुक्त गरिएको छ। यससम्बन्धी सम्झौतापत्रमा नेपालीरिका होटेल लिमिटेडका अध्यक्ष भोलेश्वर दुलाल र लक्ष्मी सनराइज क्यापिटलका प्रमुख कार्यकारी अधिकृत विजय लाल श्रेष्ठबीच आज हस्ताक्षर भएको छ।

कम्पनीका अनुसार आईपीओ निष्काशनमार्फत प्राप्त रकम व्यवसाय विस्तार, पारदर्शिता अभिवृद्धि तथा आतिथ्य र पर्यटन क्षेत्रको विकासमा उपयोग गरिनेछ। यस कदमले विशेष गरी मोरङ क्षेत्रसहित पूर्वी नेपालमा लगानीका अवसर विस्तार गर्ने विश्वास गरिएको छ।

विराटचोकमा अवस्थित नेपालीरिका होटलमा १४६ वटा सुन्दर ढंगले सजाइएका कोठा तथा सुइटहरू रहेका छन्। त्यसैगरी दमकस्थित शाखा होटलमा ३९ वटा व्यवस्थित कोठा र सुइट, रेस्टुरेन्ट तथा बार सञ्चालनमा छन्। परम्परागत नेपाली वास्तुकलामा निर्मित हेरिटेज ब्लकमा रहेको उक्त होटलले ५० देखि १५०० जनासम्मका लागि भोज तथा सम्मेलन आयोजना गर्न सकिने सुविधा उपलब्ध गराउँदै आएको छ। साथै, स्विमिङ पुललगायतका अन्य सेवा पनि प्रदान गर्दै आएको छ।

आईसीसी टी–२० विश्वकप अन्तर्गत बिहीबारको खेलमा इटालीको धारिलो बलिङसामु नेपाली ब्याटरहरु निरीह बनेका छन् ।

नेपाली ब्याटरहरु चल्न नसक्दा इटलीले जितका लागि १२४ रनको सामान्य लक्ष्य दिएको छ । भारतको वानखेडे रंगशालामा टस हारेर पहिला ब्याटिङको निम्तो पाएको नेपालले १९ ओभर २ बल सबै विकेट गुमाउदै १२३ रन बनाएको हो ।

इटलीका क्रिशन कालुगामेजले सर्वाधिक तीन विकेट लिए । बेन मानेन्टीले दुई विकेट लिँदा अली हसन र जेजे स्मट्सले समान १–१ विकेट लिए ।

साताको अन्तिम कारोबार दिन बिहीबार शेयरबजार परिसूचक नेप्से झण्डै ९ अंकले बढेर बन्द भएको छ । नेपाल स्टक एक्सचेञ्जका अनुसार आज नेप्से सूचक ८.९७ अंकले बढ्दै २ हजार ६७१.०७ अंकमा उक्लिएको हो ।

अघिल्ला चार दिनहरुमा प्रायः सबै दिन ऋणात्मक भएको शेयरबजारमा आज अन्तिम कारोबार दिन भने केही सुधार देखिएको हो ।

उसो त आज कारोबार समेत बढेर ११ अर्ब १० करोड २५ लाख रुपैयाँमाथि उक्लिएको नेप्सेले जनाएको छ । अघिल्लो दिन झिनो अंकले नेप्से बढेकोमा ८ अर्ब ६९ करोड २२ लाख रूपैयाँ बराबरको शेयर कारोबार भएको थियो ।

अन्तिम कारोबार दिन होटल तथा पर्यटन, माइक्रोफाइनान्स, नन् लाइफ इन्स्योरेन्स, अन्य समूह र ट्रेडिङ समूहको उपसूचक ऋणात्मक भएका छन् भने बाँकी अरु समूहको उपसूचक धनात्मक भएका छन् ।

आज १३९ कम्पनीको शेयर मूल्य बढ्दा ११५ कम्पनीको मूल्य घटेको छ । उच्च कारोबार हुनेमा आज न्यादी ग्रुप पावर कम्पनी र एसवाई प्यान नेपाल शीर्ष स्थानमा छन् । न्यादी पावरको ७० करोड ५३ लाख रुपैयाँमाथिको शेयर कारोबार हुँदा एसवाई प्यानलको ४३ करोड ४२ लाख ३६ हजार रुपैयाँ बराबरको कारोबार भएको छ ।