तपाईं टिकटक कत्तिको चलाउनुहुन्छ ? रमाइलोका लागि चलाउँदै आएको टिकटकलाई अब राष्ट्रिय रूपमा योगदान दिन सक्ने महत्त्वपूर्ण अवसर छ ।

निर्वाचनलाई टिकटक बनाएरै सहयोग गर्न सकिने छ । यस्तै, त्यसबाट आकर्षक पुरस्कारसमेत प्राप्त गर्न सकिन्छ । रमाइलोका लागि हेरिन वा बनाइने टिकटक बनाएर निर्वाचनको माहोल बनाउन, प्रचारप्रसार गर्ने र मतदाता शिक्षा प्रदान गर्न सकिनेछ । मतदातामाझ लोकप्रिय रहेको सामाजिक सञ्जाललाई आयोगले निर्वाचन प्रचारप्रसारका लागि प्रयोग गर्न लागेको छ ।

यही फागुन २१ गतेका लागि तय भएको प्रतिनिधिसभा सदस्य निर्वाचनलाई केन्द्रमा राखेर आयोगले टिकटक भिडियो बनाउने निर्वाचनलाई केन्द्रमा राखेर निर्वाचन आयोगले टिकटक भिडियो बनाउने अभियान चलाउने भएको हो ।

निर्वाचनलाई भव्य, सभ्य बनाउनका लागि आयोगले टिकटक भिडियो बनाउने प्रतियोगिता सञ्चालन गर्दैछ । निर्वाचन प्रचारप्रसार तथा मतदाता शिक्षाका लागि यस खालको प्रतियोगिता अगाडि बढाउन लागेको हो ।

निर्वाचन आचारसंहिता तथा मतदाता शिक्षाजस्ता विषयमा आधारित भएर एक मिनेटबराबरको टिकटक भिडियो बनाई आफ्नो सामाजिक सञ्जालमा राख्नुपर्ने छ । यही फागुन १७ गतेसम्म आयोगको इमेलमा समेत टिकटक पठाउनुपर्नेछ ।

आयोगमा प्राप्त भएका सबै टिकटक भिडियोमा सबैभन्दा बढी भ्युअर्स भएका टिकटकलाई आयोगले निश्चित रकम प्रदान गर्नेछ । आयोगले त्यस्ता टिकटकलाई धेरै भ्युअर्स भएका पहिलो टिकटकलाई ५० हजार, दोस्रोलाई ३० हजार र तेस्रोलाई २० हजारका दरले पुरस्कृत गरी प्रमाणपत्र प्रदान गर्नेछ ।

टिकटक भिडियो प्रतिनिधिसभा सदस्य निर्वाचन, २०८२ को परिवेशमा तयार पार्नुपर्नेछ । भिडियो संवादमूलक एवं सन्देशमूलक हुनुपर्नेछ । आफ्ने मौलिक, अडियो र अभिनय भएको भिडियोलाई विशेष प्राथमिकता दिइने आयोगले जनाएको छ ।

निर्वाचनको सामान्य जानकारी, निर्वाचनको आवश्यकता, महत्व र मतपत्रमा छाप लगाउने सही तरिका, निर्वाचन आचारसंहिताको पालना, मतदाताको अधिकार र कर्तव्यका बारेमा जानकारी दिइएको हुनुपर्नेछ । यस्तै, मतदाताको अधिकार र कर्तव्य, मतदाताले कस्तो उम्मेदवार छनोट गर्नुपर्छ भन्ने जानकारीजस्ता छुट्टाछुट्टै विषयवस्तुमा आधारित भएर भिडियो बनाउनुपर्नेछ ।

कुनै एक व्यक्तिले एउटा विषयमा एउटा भिडियो पठाउन सक्नेछन् । साथै दुई वा दुईभन्दा बढी व्यक्ति समावेश भएर भिडियो निर्माण गर्न सक्ने आयोगले जनाएको छ । त्यसरी प्राप्त भएका भिडियोमा आयोगको अधिकार रहनेछ ।

चीनमा चन्द्र नयाँ वर्षको उल्लासबीच भएको पटाका विस्फोटमा १२ जनाको ज्यान गएको छ । ज्यान गुमाउनेमा पाँच जना बालबालिका समेत रहेका चिनियाँ संचारमाध्ययमले जनाएका छन् ।

हुबेई प्रान्तको जिनपु गाउँमा हिजो दिउँसो आतसबाजी तथा पटाका बिक्री गर्ने एक पसलमा यो विस्फोट भएको हो । चीनको सरकारी सञ्चारमाध्यम सिसिटिभीले आज यसबारेमा जानकारी दिँदै १२ जनाको ज्यान गएको पुष्टि भएको बताएको हो ।

ज्यान गुमाउनेमा पसलका व्यापारीसहित ११ जना ग्राहक रहेका छन् । चन्द्र नयाँ वर्षका अवसरमा चीनको ग्रामीण क्षेत्रमा आतसबाजी र पटाका पड्काउने परम्परा व्यापक छ । सुरक्षा र प्रदूषणका कारण पछिल्ला वर्षहरूमा धेरै प्रमुख शहरहरूले यसमा प्रतिबन्ध लगाएका छन् ।

गएको आइतवार पूर्वी चीनको जियाङ्सु प्रान्तमा पनि यस्तै विस्फोटमा आठ जनाको ज्यान गएको थियो । प्रहरीले यस पटकको विस्फोटको कारणबारे अनुसन्धान शुरु गरेको जनाएको छ ।

आईसीसी टी–२० विश्वकप क्रिकेटमा वेस्ट इन्डिजले इटालीलाई ४२ रनले हराएको छ । वेस्ट इन्डिजले दिएको १ सय ६६ रनको लक्ष्य पछ्याएको इटाली १८ ओभरमा १ सय २३ रनमा अलआउट भयो ।

त्यसअघि भारतको कोलकातामा टस हारेर ब्याटिङ गरिरहेको वेस्ट इन्डिजले ६ विकेट गुमाएर १ सय ६५ रन बनायो । यसअघि नै ‘सुपर एट’मा पुगिसकेको वेस्ट इन्डिज लगातार चार खेलमा जितेर समूह ‘सी’को शीर्ष स्थान कायम राख्न सफल भयो ।

अहिले श्रीलङ्काको कोलोम्बोमा जिम्बाव्वे र श्रीलङ्कका खैल्दैछन् । आयोजक श्रीलङ्काले टस जितेर ब्याटिङ राजेको छ । यस्तै बेलुकी सवा ७ बजे भारतको चेन्नईमा अफगानिस्तान र क्यानडा खेल्दैछन् ।

विश्वकपमा ‘सुपर एट’मा पुग्ने सबै टोलीको टुङ्गो लागेको छ । समूह ‘ए’बाट भारत र पाकिस्तान, समूह ‘बी’ बाट श्रीलङ्का र जिम्बावे, समूह ‘सी’बाट वेस्ट इन्डिज र इङ्ग्ल्यान्ड तथा समूह ‘डी’बाट दक्षिण अफ्रिका र न्युजिल्यान्ड ‘सुपर–एट’ मा पुगेका छन् ।

‘सुपर एट’का खेलहरु पर्सि शनिवारदेखि शुरु हुनेछन् । ‘सुपर एट’ को पहिलो खेलमा न्यूजिल्याण्ड र पाकिस्तानबीच खेल्दैछन् । ‘सुपर–एट’ मा दुई वटा समूहमा चार–चार वटा टोली रहनेछन् । ‘सुपर–एट’ का शीर्ष दुई टोली सेमिफाइनलमा पुग्नेछन् । १०औँ संस्करणको टी–२० विश्वकपको फाइनल खेल आउँदो मार्च ८ मा हुनेछ ।