कोशी प्रदेश
खाद्य मेलामा आएर कृषि राज्यमन्त्रीले भने, ‘हतारमा खाना खाने र धेरै अन्न उब्जाउने होडबाजीले रोग निम्त्याउँदैछ’
विराटचोकः हतारमा खाना खाने र हतारमा अर्थात् छोटो समयमा धेरै अन्न फलाउने होडबाजीले रोग निम्त्याइरहेको प्रदेश नम्बर १ का भूमि व्यवस्था, कृषि तथा सहकारी राज्यमन्त्री रामबहादुर मगरले बताएका छन् ।
मोरङको सुन्दरहरैंचामा शुक्रबार शुरु भएको खाद्य मेलाको उद्घाटन गर्दै राज्यमन्त्री मगरले हतार गर्ने बानी त्यागी स्वास्थ्यलाई फाइदा गर्ने खानपानमात्रै ग्रहण गर्नुपर्ने बताए ।
‘हामी सधैँ हतारमा हुन्छौँ । त्यसैले हतारको समयमा जस्तो पायो त्यस्तै खाइदिन्छौं’, उद्घाटन कार्यक्रमलाई सम्बोधन गर्दै मन्त्री मगरले भने, ‘किसानलाई पनि हतार नै हुन्छ । किसानले थोरै क्षेत्रफलमा बढी अनाज उब्जाउन रासायनिक मलको अधिक प्रयोग तथा विषादीको बढी प्रयोग गरेको हुन्छ । जसले गर्दा हाम्रो स्वास्थ्यलाई ठूलो असर गरिरहेको हुन्छ ।’ खानपानमा सुधार गर्न यस्ता कार्यक्रमले महत्वपूर्ण भूमिका खेल्ने उनको भनाइ थियो ।
विशेष अतिथिको आसनबाट सम्बोधन गर्दै सुन्दरहरैंचा नगरपालिकाका प्रमुख शिवप्रसाद ढकालले कृषि क्षेत्रमा पनि गुणस्तरीयता कायम हुन नसकेको बताए । प्रदेशले भर्खरै कृषि राज्यमन्त्री पाएकाले अब कृषि तथा खानपानको बारेमा सचेत गराउने क्रममा प्रदेश सरकारले उल्लेख्य काम गर्न सक्ने ढकालले विश्वास व्यक्त गरे ।
भूमि व्यवस्था, कृषि तथा सहकारी मन्त्रालयको प्रदेश नम्बर १ का सचिव डा. विमलकुमार निर्मलले अहिले नसर्ने रोगका कारण बढी मानिस मर्ने गरेका र त्यसको मुख्य कारण उचित खानपान र स्वस्थ खाद्यवस्तुको अभाव भएको उल्लेख गरे ।
‘कम वा धेरै खाना तथा असन्तुलित खानाले हामी बिरामी हुँदै गएका छौँ’, उनले भने, ‘जसका कारण श्वासप्रश्वास, कलेजो, डायबिटिज तथा मुटु र रक्तचापका बिरामी बढिरहेका छन् ।’ स्वस्थ खानपानको लागि रैथाने खाद्यवस्तु नै उपयुक्त भएको उनको भनाइ थियो ।
मेलाको सह आयोजकमध्येको कोशीहरैँचा उद्योग वाणिज्य सङ्घका अध्यक्ष नवराज चापागाईंले खानपानमा सुधार गर्न यस्ता मेला सहयोगी हुने बताए ।
खाद्य प्रविधि तथा गुण नियन्त्रण कार्यालय विराटनगरका प्रमुख राजकुमार रिजालले पोषण, खाद्य सुरक्षा र स्वास्थ्यका बारेमा जानकारी गराउन खाद्य मेला सञ्चालन गरिएको बताए । कार्यक्रमको उद्देश्यमाथि प्रकाश पार्ने क्रममा उनले आहारविहारमा सचेत गराउनु नै कार्यक्रमको मुख्य उद्देश्य भएको बताए ।
सभाध्यक्षको आसनबाट बोल्दै खाद्य प्रविधि तथा गुण नियन्त्रण विभाग काठमाडौंकी महानिर्देशक मतिना वैद्य जोशीले खानपानमा सुधार गर्न सके स्वास्थ्यको लागि अहिले भइरहेको खर्च आधाभन्दा बढी कटौती हुने बताइन् ।
उद्घाटन कार्यक्रमको सञ्चालन मेला संयोजक शङ्कर भण्डारीले गरेका थिए । कार्यक्रममा सुन्दरहरैंचा नगरपालिकाकी उपप्रमुख धनमाया तामाङ, खाद्य प्रविधि तथा गुण नियन्त्रण कार्यालय धनगढीका प्रमुख नवराज दाहाल, कालीखोला बहुउद्देश्यीय सामुदायिक सेवा समितिका अध्यक्ष शिव दाहाल, सुकुना बहुमुखी क्याम्पस व्यवस्थापन समिति अध्यक्ष केशव अधिकारी, मंगल स्मृति प्रतिष्ठान अध्यक्ष डिल्लीराम अधिकारीलगायतको उपस्थिति थियो ।
कार्यक्रममा निलगिरी कलेजका विद्यार्थीले साङ्गीतिक कार्यक्रम प्रस्तुत गरेका थिए ।
उद्घाटन समारोह अघि र पछि कार्यक्रमका प्रमुख अतिथि तथा अतिथिले मेलाका स्टलको अवलोकन गर्नुका साथै त्यहाँ राखिएका सामग्रीको बारेमा जानकारी लिएका थिए । उद्घाटन समारोहपछिको साङ्गीतिक कार्यक्रम चन्दा खड्काले सञ्चालन गरेकी थिइन् ।
Facebook Comment
प्रतिनिधिसभा बैठकले आज आर्थिक वर्ष २०८३–०८४ को बजेट पारित गर्दैछ ।
त्यसअघि सम्बन्धित मन्त्रीहरूले सम्बन्धित मन्त्रालयमाथि सांसदहरूले उठाएका प्रश्नको जवाफ दिँदैछन् । प्रधानमन्त्री तथा मन्त्रिपरिषद्को कार्यालय र रक्षा मन्त्रालयसँग सम्बन्धित प्रश्नहरूको जवाफ प्रधानमन्त्रीले दिने कार्यसूची रहेको संघीय संसद सचिवालयले जनाएको छ ।
यस्तै शिक्षा तथा खेलकुद मन्त्रालय, विज्ञान, प्रविधि तथा नवप्रवर्तन मन्त्रालय, कानुन, न्याय तथा संसदीय मामिला मन्त्रालय, पूर्वाधार विकास मन्त्रालय, गृह मन्त्रालय, ऊर्जा, जलस्रोत तथा सिँचाइ मन्त्रालय, परराष्ट्र मन्त्रालय, अर्थ मन्त्रालय र रक्षा मन्त्रालयका बजेट शीर्षकमाथि सांसदहरूले उठाएको प्रश्नमा सम्बन्धित मन्त्रीले जबाफ दिने कार्यसूची छ ।
सामान्यतया: विधेयकमाथि हुने छलफलमा सम्बन्धित मन्त्रीले जवाफ दिनुपर्ने प्रतिनिधिसभा नियमावलीको व्यवस्था छ । हिजोदेखि विनियोजन विधेयक, २०८३ माथि विभिन्न मन्त्रालयका शीर्षकहरूमा केन्द्रित भई उठेका प्रश्नहरूमा सम्बन्धित मन्त्रीहरूले जवाफ दिइरहेका छन् ।
यसरी जवाफ दिने क्रम समाप्त भएपछि अर्थमन्त्रीले बजेट पारित गर्ने प्रस्ताव प्रस्तुत गर्नेछन् । बजेट पारित भएपछि बजेटसँगै सम्बन्धित आर्थिक विधेयक, राष्ट्र ऋण उठाउने विधेयक लगायतका विधेयक माथि छलफल हुनेछ ।
बुधबार नेप्से परिसूचक सामान्य अंक बढेर बन्द भएको छ। पछिल्ला चार कारोबार दिनदेखि घटिरहेको नेप्सेमा यस दिन भने सामान्य सुधार देखिएको हो।
नेप्से बढेपनि यस दिन कारोबार रकम भने घटेको छ। अघिल्लो कारोबार दिन अर्थात मंगलबार ६ अर्ब ४४ करोड रुपैयाँबराबरको शेयर खरिदबिक्री भएको बजारमा यस दिन ३५६ स्टकको ४९ हजार २४८ पटकको कारोबारमा ४ अर्ब २९ करोड ७४ लाख ६४ हजार रुपैयाँबराबरको ९२ लाख ८३ हजार कित्ता शेयर खरिदबिक्री भएको छ।
यस दिन तीन स्टकको शेयर सकारात्मक सर्किट लेभलमा कारोबार भएको छ। यस दिन कालिञ्चोक हाइड्रोपावर, सोपान फर्मास्यूटिकल्स र एपोलो हाइड्रोपावरको शेयर सकारात्मक सर्किट लेभलमा कारोबार भएको हो। त्यस्तै, यस दिन सप्तकोशी डेभलपमेन्ट बैंकको शेयरमूल्य करिब ११ प्रतिशत बढेको छ भने बुंगल हाइड्रोको शेयरमूल्य करिब ७ प्रतिशत बढेको छ। कारोबारमा आएको १०.२५ प्रतिशत प्रभु बैंक डिबेञ्चर २०८६ को मूल्य यस दिन सर्वाधिक ८.७१ प्रतिशत घटेको छ।
कारोबार रकमका आधारमा यस दिन आँखु खोला जलविद्युत कम्पनी शीर्ष स्थानमा रहेको छ। सो कम्पनीको यस दिन २० करोड ४१ हजार रुपैयाँबराबरको शेयर कारोबार भएको छ। त्यस्तै, यस दिन सप्तकोशी डेभलपमेन्ट बैंकको कारोबार रकम २० करोड रुपैयाँ नाघेको छ भने सिटि होटलको करिब साढे १६ करोड रुपैयाँको शेयर किनबेच भएको छ।
१३ उपसमूहमध्ये यस दिन ७ उपसमूहको परिसूचक बढेको छ भने ६ उपसमूहको परिसूचक घटेको छ। यस दिन बैंकिङ्ग, विकास बैंक, वित्त, होटल तथा पर्यटन, जलविद्युत, उत्पादन तथा प्रशोधन र म्युचुअल फण्ड उपसमूहको परिसूचक सामान्य अंक बढेको हो। यस दिन घटेका उपसमूहहरुको गिरावटदर ०.५० प्रतिशभन्दा कम रहेको छ।
आगामी आर्थिक वर्षको बजेट सार्वजनिक भएपश्चात बजार खुलेको पहिलो दिन नेप्से परिसूचक घटेर बन्द भएको छ। बजेट अघिको अन्तिम कारोबार दिन सामान्य अंक बढेर बन्द भएको नेप्से, यस दिन भने घटेर बन्द भएको हो।
सोमबार नेप्से परिसूचक २६.७२ अंक घटेर २७५५.३७ विन्दुमा झरेको छ। त्यस्तै, यस दिन सेन्सेटिभ इण्डेक्स ४.७८ अंक घटेको छ भने फ्लोट इण्डेक्स १.४६ अंक र सेन्सेटिभ फ्लोट इण्डेक्स १.१७ अंक घटेको छ।
नेप्सेसँगै यस दिन कारोबार रकम पनि घटेको छ। गत बुधबार ६ अर्ब ३ करोड रुपैयाँबराबरको शेयर खरिदबिक्री भएको बजारमा यस दिन ३४९ स्टकको ६३ हजार ७१९ पटकको कारोबारमा ५ अर्ब ६१ करोड ४३ लाख ७४ हजार रुपैयाँबराबरको १ करोड ३३ लाख ८३ हजार कित्ता शेयर खरिदबिक्री भएको छ।
नेप्से घटेपनि यस दिन दुई कम्पनीको शेयर सकारात्मक सर्किट लेभलमा कारोबार भएको छ। यस दिन कालिञ्चोक हाइड्रोपावर र नेपाल पुनर्बीमा कम्पनीको शेयर सकारात्मक सर्किट लेभलमा कारोबार भएको हो। कारोबारमा आएको बुंगल हाइड्रोको शेयरमूल्य यस दिन सर्वाधिक १३.२० प्रतिशत घटेको छ।
कारोबार रकमका आधारमा यस दिन आँखु खोला जलविद्युत कम्पनी शीर्ष स्थानमा रहेको छ। सो कम्पनीको यस दिन ४३ करोड ४ लाख रुपैयाँबराबरको शेयर किनबेच भएको छ। त्यस्तै, यस दिन नेपाल पुनर्बीमा कम्पनीको ३७ करोड रुपैयाँभन्दा बढीको शेयर कारोबार भएको छ भने हिमालयन रि इन्स्योरेन्सको कारोबार रकम साढे २५ करोड रुपैयाँ नाघेको छ।
१३ उपसमूहमध्ये यस दिन ११ उपसमूहको परिसूचक घटेको छ भने दुई उपसमूहको परिसूचक घटेको छ। यस दिन अन्य उपसमूहको परिसूचक सर्वाधिक ३.३६ प्रतिशत बढेको छ। त्यस्तै, निर्जीवन बीमा उपसमूहको परिसूचक करिब साढे १ प्रतिशत बढेको छ। कारोबारमा आएको व्यापार उपसमूहको परिसूचक यस दिन सर्वाधिक ६.१४ प्रतिशत घटेको छ। त्यस्तै, यस दिन होटल तथा पर्यटन, जलविद्युत, लगानी र उत्पादन तथा प्रशोधन उपसमूहको परिसूचक १ प्रतिशतभन्दा बढी घटेको छ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login