इन्द्रपुर इङ्लिस बोर्डिङ स्कुलमा मन्टेश्वरी उद्घाटन, सांस्कृतिक कार्यक्रमसमेत आयोजना

विराटचोकः इन्द्रपुर इङ्लिस बोर्डिङ स्कुलले मन्टेश्वरी पद्धतिबाट शिक्षण गर्न शुरु गरेको छ । बुधबार सुन्दरहरैंचा नगरपालिका शिक्षा शाखा प्रमुख दामोदर चापागाईले सो विद्यालयको उद्घाटन गरे ।

मन्टेश्वरी उद्घाटन तथा सांस्कृतिक कार्यक्रमका प्रमुख अतिथि रहेका चापागाईंले कलिलै उमेरका नानीलाई खेलाउँदै शिक्षण गरे उनीहरुमा मानसिक विकास हुने बताए ।

कार्यक्रको विशिष्ट अतिथिमा वडा नम्बर १२ का वडाध्यक्ष रोशनप्रसाद ढकाल तथा विभिन्न विद्यालयका प्रिन्सिपल रहेका थिए । वडाध्यक्ष ढकालले शिक्षा क्षेत्रको विकासमा जनप्रतिनिधि आएपछि केही सुधार आएको बताउँदै छोटो समयमा यो विद्यालयले प्रगति गरेकोमा प्रशंसा गरेका थिए ।

सुविजिमुर माविका प्रधानाध्यापक गोविन्द कार्कीले कार्यक्रममा मन्तव्य राख्दै विद्यालयले छोटो समयमा शैक्षिक गुणस्तरको क्षेत्रमा फड्को मारेको बताएका थिए । उक्त विद्यालयमा अध्ययनरत कक्षा ५ का विद्यार्थीले विभिन्न सांस्कृतिक कार्यक्रम प्रस्तुत गरेका थिए । विद्यालय व्यवस्थापन समितिका सभापति जीवप्रसाद गुरागाईंको सभापतित्वमा भएको कार्यक्रमको सञ्चालन विद्यालयकी भाइस प्रिन्सिपल निर्मला पौडेलले गरेकी थिइन् ।

Spread the love



Leave a Reply

Your email address will not be published.