अवर्गीकृत
क्राइसिस म्यानेजमेन्ट सेन्टरको प्रादेशिक बैठकलाई सम्बोधन गर्दै मुख्यमन्त्री राईले भने, ‘प्रश्न होइन काम गर्ने बेला हो’
विराटनगरः अहिले जिम्मेवार निकायहरुले प्रश्न होइन काम गर्ने बेला आएको प्रदेश नंंं. १ का मुख्यमन्त्री शेरधन राईले बताएका छन् ।
क्राइसिस म्यानेजमेन्ट सेन्टर प्रादेशिक समितिको पहिलो बैठकलाई सम्बोधन गर्दै मुख्यमन्त्री राईले अहिले सरकारका हरेक निकायहरुले प्रश्न गर्ने, आरोप प्रत्यारोप गर्ने र बाटो हेराहेर नगरी महामारीविरुद्ध लडने बेला भएको बताए । सरकारका हरेक निकाय, समाजिक संघसंस्था, वित्तीय क्षेत्र सबैसँग सहकार्य र समन्वय गरेर अगाडि बढेमात्र कोरोना महामारी विरुद्धको अभियानमा सफलता मिल्ने उनको भनाइ थियो ।
नागरिकमा सचेतना फैलाउने, आपूर्तिको व्यवस्थापन गर्ने, संक्रमित हुन नदिनका लागि सुरक्षा व्यवस्था मिलाउने, संक्रमित भइहाले परीक्षण र उपचार गर्ने लगायतका तयारीहरु प्रदेश सरकारले गरेको उनको भनाइ थियो । प्रदेशको सुरक्षा र आपूर्ति व्यवस्थालाई चुस्त बनाउन स्थानीय तहहरुसँग समन्वय भइरहेको र स्थानीय तहले नसके प्रदेश र संघबाट आपूर्ति गरिने पनि उनले बताए ।
एकद्वार प्रणालीबाट राहत वितरण गर्न उनले निर्देशन दिएका छन् । बैठकले लकडाउनबाट जनस्तरमा पर्न सक्ने विभिन्न समस्या आउन नदिन, अत्यावश्यक उपभोग्य वस्तु तथा खाद्यान्नको अभाव हुन नदिन त्यस्ता वस्तुहरु उत्पादन हुने उद्योगहरुलाई सञ्चालन गर्ने वातावरण तयार गर्न त्यस किसिमका उद्योगको सूची तयार पारी त्यस्ता उद्योगहरु सञ्चालन गर्न सम्बद्ध मन्त्रालयहरुलाई निर्देशन दिने निर्णय गरेको छ ।
कोरोना बाहेकका बिरामीहरुलाई उपचार सेवाबाट वञ्चित हुन नदिन प्रदेशभित्र त्यस्ता अस्पतालहरुको विवरण संकलन गरी सेवा प्रदान निरन्तरता गराउन तथा एम्बुलेन्स सुविधा समेतको व्यवस्था मिलाउन सामाजिक विकास मन्त्रालयलाई निर्देशन दिने निर्णय पनि भएको बताइएको छ । जस्तोसुकै बिरामीहरुलाई लकडाउन अवधिभर सेवा उपलव्ध गराउने गरी एम्बुलेन्स तयारी अवस्थामा राख्ने व्यवस्था मिलाउने निर्णय भएको छ ।
प्रदेश सरकारमार्फत् वितरण हुने गरी विभिन्न व्यक्ति, संस्था, दाता वा निकायहरुबाट प्राप्त भएको राहत सामग्रीहरु विपन्न परिवारहरुमा प्रभावकारी ढंगबाट वितरण गर्न उद्योग, पर्यटन, वन तथा वातावरण मन्त्रालयलाई निर्देशन दिने निर्णय भएको छ । दैनिक उपभोग्य सेवा तथा वस्तुको अभाव हुन नदिन स्थानीय निकाय, जिल्ला प्रशासन कार्यालय, सुरक्षा निकायको सहयोगमा सप्लाई भ्यानमार्फत् सेवा वितरणको व्यवस्था मिलाउने निर्णय भएको बताइएको छ ।
Facebook Comment
विराटचोकः आज अमेरिकी डलरको भाउ स्थिर रहेको छ ।
नेपाल राष्ट्र बैंकका अनुसार यस्तो छ आज जेठ १२ गतेको लागि तोकिएको विदेशी मुद्राको विनिमय दरः
विराटचोकः लकडाउनका कारण समस्यामा परेका नगरवासीका लागि राहत दिन सुन्दरहरैंचामा गठित विपत् व्यवस्थापन कोषमा सहयोग जम्मा हुने क्रम जारी छ ।
सुन्दरहरैंचा नगरपालिकाका अनुसार आजमात्रै साढे ९ लाख रुपैयाँभन्दा बढी संकलन भएको छ । दिउँसो ३ बजेसम्म संकलन भएको राहत विवरण यसप्रकार छ ।
विराटचोकः ब्लडक्यान्सरबाट पिडित मोरङका पत्रकार कमल पौडेलको उपचारकालागि संकलन भएको रकम हस्तान्तरण तथा हिसाब सार्वजनिकरण गरिएको छ । शुक्रबार बेलबारीमा रहेको शिक्षा सन्देश इङ्लिस स्कुलमा पत्रकार सम्मेलन गरी १ लाख २० हजार ६ सय रुपैया आर्थिक सहयोग संकलन भएको जानकारी गराइएको हो ।
रेडियो सुसेली बाट १० हजार १ सय १० रुपैंया, शिक्षा सन्देश स्कुलबाट ११ हजार, सुकुना बहुमुखी क्याम्पसबाट १५ हजार, लेटाङ नगरपालिकाका जनप्रतिनिधि तथा कर्मचारीबाट ६ हजार ५ सय ६० रुपैया, गुणराज बुढाथोकी इ.प्र.का बेलाबारीबाट ६ हजार ५ रुपैया, सगरमाथा इङलिस स्कुल बेलबारीबाट ५ हजार, सुविजिमुर इङलिस स्कुलले ५ हजार, ब्राइट फ्युचर मा.वि.ले ५ हजार, शिद्धार्थ इङलिस स्कुलबाट ५ हजार,आदर्श इङलिस स्कुल बेलबारीबाट ५ हजार २ सय २० रुपैया, बेलबारी क्याम्पस प्राध्यापकबाट ५ हजार, सयपत्री मल्टी प्रपोज प्रा.लि बेलबारीबाट ५ हजार, युवा जागरण अभियान नेपालबाट ५ हजार, भगवति मा.वि बेलबारीबाट ४ हजार ५ रुपैया, इन्द्रपुर नमूनाबाट ३ हजार ६ सय रुपैया, भक्तकिरण राई सुन्दरहरैचा ९ बाट ३ हजार, शान्ति भगवती स्कुल लेटाङका शिक्षहरुबाट ३ हजार, लक्ष्मण जंग थापा बेलबारी २ लालभित्तिबाट २ हजार, निष्पक्ष खबरबाट २ हजार, कविर मा.वि बेलबारीबाट १ हजार ५ सय रुपैंया, प्रताप थापा बेलबारी ३ बाट १ हजार १ सय, लक्ष्मी मा.वि बेलबारीका शिक्षकहरुबाट २ हजार, अर्जुन गजुरेल सुन्दरहरैचाबाट ५ सय र विभिन्न बेबारी लगायत आसपासका पालिकामा कार्यरत पत्रकारबाट ९ हजार रुपैया सहयोग प्राप्त भएको पत्रकार सम्मेलनमा जानकारी गराइएको हो ।
क्यान्सरबाट पिडित भएर काठमाडौंको सिभिल अस्पतालमा उपचारत पौडेलको उपचारमा थप सहयोग पु¥याउने उद्देश्यले गत फागुन १५ गतेबाट सुन्दरहरैंचा, बेलबारी, लेटाङ् र केराबारीका पत्रकारहरुको भेलाले पत्रकार केशु विरहीको संयोजकत्वमा ‘कमल पौडेल उपचार सहयोग समिति उत्तरी मोरङ’ गठन गरी ६ सदस्य समिति बनाएको थियो ।
-
अर्थ7 months agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
खेलकुद6 months agoरंगशालाको अवलोकन
-
अर्थ3 weeks agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 months agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 months agoशेयर बजारमा झिनो अंकको गिरावट
-
प्रदेश नं. १3 months agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
-
मुख्य7 months agoजित्ने स्वास्थ्य मन्त्री, हार्ने मेडिकल कलेज सञ्चालक
-
मुख्य5 months agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
You must be logged in to post a comment Login