Connect with us
Advertisement
Advertisement

घरको छतमा कसरी सम्भव भयो अमला, कागतीदेखि केरा खेती

Published

on

विराटचोकः लकडाउनका कारण अहिले तरकारीको भाउ महङ्गिएको छ । तरकारी लिन पसलसम्म जान पनि कोरोना संक्रमणको डर हुन्छ । तरकारी पसलसम्म कसरी सुरक्षित तरिकाले जाने र फर्किने भन्ने डर मनमा रहिरहेको हुन्छ ।

   

 

तर, यस्तो समयमा पनि आफ्नै घरको छतमा गरिएको कौसी खेतीका कारण यो त्रासदेखि पर रही लकडाउनको पूर्ण पालना गर्ने परिवार पनि पाइन्छन् । मोरङको सुन्दरहरैंचा नगरपालिका वडा नम्बर ९ बस्ने गोविन्द आचार्यले घरको छतमा खेती गरेर अर्गानिक सागसब्जी खाने गरेका छन् । यो खेती गर्नका लागि लागत धेरै लाग्दैन ।

‘माछाको सामान्य क्रेट, बाल्टी, गमला लगायतले नै हुन्छ,’ आचार्यले भने, ‘यहाँ मेरोमा माछाको क्रेट २० ओटा जति छ ।’ उनको छतमा कागती, आँप, वन अमला, अम्बा, केरा, उखु, नीमपत्ता, मुन्तला, अङ्गुर, अनार, सजिवन, वरपीपल आदि रहेका छन् । वास्तुशास्त्रअनुसार शुभ मानिने र सकारात्मक ऊर्जा दिने भएकाले केरा, उखु लगाएको उनी बताउँछन् ।

सुन्तलाजस्तै देखिने अमिलो जातको फल मुन्तला उनको कौसीमा फलेको छ । ‘यो सिमटस भेराइटी भन्छ । यो चाहिँ अर्नामेन्टल प्लान्ट नै हो,’ उनले भने, ‘सुन्तला नै चाहिँ अलि गारो हुन्छ ।’ किन्नो जातको पाकिस्तानी भेराइटीको पाकिस्तानी सुन्तला चाहिँ फलाएको उनी बताउँछन् । नेपालमा हुने सुन्तला भने यो मौसममा नफल्ने उनले बताए ।

यसरी खेती गर्नुको उद्देश्य पनि उनले बताए । बजार क्षेत्रमा अलि बढी धुँवाधुलो हुने र हरियाली नदेखिने हुनलो अक्सिजन कमी भएर लाग्ने विभिन्न रोग लाग्छन् ।
‘यसरी सबैको घरमा सब्जी र फलफूल रोप्ने हो भने शहर नै हरियाली हुन्छ र घरमा बस्दा कसरत पनि हुन्छ’, उनले भने, ‘शरीरलाई फुर्तिलो बनाउन व्यायाम आवश्यक छ ।’ घरमा भएका १ सय गमलालाई सिँचाइ गर्दै विभिन्न फूलको बास्ना अनि फूल देख्दा धेरै रोग आफैँ निको भएको आभास समेत यसले दिलाउने उनको बुझाइ छ । दैनिक २ घण्टा समय निकालेर सबै फलफूललाई स्याहार्न सकिने उनकी श्रीमती लक्ष्मी आचार्य बताउँछिन् ।
उनले स्कुस, तोरी, रायो, लट्टे, जिम्मु, धनियाँ, पुदिना, सिमी, बोडी, बेथु, तितेकरेला, पान, कच्छु, ड्रागन फुड, खुर्सानी, लगायत धेरै प्रकारका तरकारी घरभित्रै फलाएको देख्दा बाटो हिँड्ने जो कोहीको आँखा त्यही छतमा पुग्ने गर्दछ ।

कसरी गर्ने घरको छतमा खेती
सामान्यतः माछा ल्याइने क्रेटमा माटो प्रयोग गरेर खेती गर्ने गरिन्छ । माटो र बजारमा पाइने नरिवलको काेकोपिट, मिसाएर प्रयोग गर्दा सिँचाइ गर्न सजिलो हुन्छ । दैनिक पानी लगाउनेभन्दा पनि मौसमअनुसार पानी लगाउनुपर्छ ।

प्राङ्गारिक पदार्थ भएको दोमट माटो प्रयोग गर्ने र चिम्ट्याइलो माटो भए ४० प्रतिशत माटो, ४० प्रतिशत मल र २० प्रतिशत बालुवा हाल्नुपर्ने हुन्छ । मल्चिङ गरेर घरबाट निस्किएको कुहिने फोहोर व्यवस्थापन गर्न पनि यो खेती राम्रो हुन्छ । कौसी खेती गर्न उनी सबैलाई अग्रहसमेत गर्दछन् ।

अहिलेको सिजनमा भिण्डी, काँक्रो, लट्टे, र अलि पछि घिरौँला, तीतेकरेला लगाउँदा हुन्छ । कुरिलो स्वस्थकर भएकाले सबैले यसलाई रोपेर सेवन गर्दा स्वास्थ्यलाई राम्रो हुने उनी बताउँछन् ।
(आचार्य कृषि ज्ञान केन्द्र संखुवासभाका कार्यालय प्रमुख हुन् ।)

Continue Reading

Facebook Comment

Advertisement
2 Comments

You must be logged in to post a comment Login

Leave a Reply

Banner

प्रदेशमा थपिए ८ जना कोरोना संक्रमित

Published

on

विराटचोकः आज प्रदेश नम्बर १ मा ८ जना कोरोना संक्रमित थपिएका छन् । योसँगै संक्रमितको संख्या ३० हजार १ सय १० जना पुगेको छ । तीमध्ये २९ हजार ५ सय ३३ जना निको भएका छन् । १ सय १२ जनाको ज्यान गएको छ ।

सामाजिक विकास मन्त्रालयका अनुसार सुनसरीको धरान र इनरुवा, झापाको बिर्तामोड, संखुवासभाको खाँदबारी, मोरङको रंगेली र प्रदेश १ बाहिरका एक एक जनामा संक्रमण पुष्टि भएको हो । झापाको अर्जुनधारामा १ जना महिलासहित २ जनामा संक्रमण पुष्टि भएको छ ।

Continue Reading

प्रदेश नं. १

ब्राइट फ्युचरमा कक्षा ११ का विद्यार्थीलाई स्वागत

Published

on

विराटचोकः सुन्दरहरैंचाको ब्राइट फ्युचर सेकेण्डरी स्कुलले कक्षा ११ का विद्यार्थीलाई स्वागत गरेको छ । बिहीबार विद्यालयमा सांस्कृतिक कार्यक्रम आयोजना गरी नवआगन्तुक विद्यार्थीलाई स्वागत गरिएको हो ।

कार्यक्रमको प्रमुख अतिथि विद्यालय व्यवस्थापन समितिका अध्यक्ष भोलेश्वर दुलाल रहेका थिए । प्रमुुख अतिथि दुलालले विद्यार्थीले किताबी ज्ञानसँगै सामाजिक गतिविधिका बारेमा पनि जानकार हुनुपर्ने बताए । आफू २७ वर्ष पहिले यस्तै उमेरको विद्यार्थी भएको स्मरण गराउँदै उनले विद्यार्थी जीवन भनेको कलिलो माटोजस्तै भएकाले यो उमेरमा कस्तो बन्ने भन्ने कुरा आफूमा भर पर्ने बताए । घरपरिवार र समाजमा कसरी प्रस्तुत हुने भन्ने कुराले महत्व राख्ने उनको भनाइ थियो ।

कक्षा ११ र १२ मा २ सय १५ जना विद्यार्थी अध्ययनरत रहेका विद्यालयले जनाएको छ । विद्यालयमा जम्मा १ हजार ४ सय विद्यार्थी अध्ययनरत रहेको विद्यालयका प्रिन्सिपल टीकाराम ढकालले बताए ।

स्वागत कार्यक्रमका केही तस्बिरहरु

 

Continue Reading

Banner

छुट्टाछुट्टै दुर्घटनामा मोटरसाइकल चालक र ट्याक्टर चालकको मृत्यु

Published

on

विराटनगरः झापा र इलाममा भएका सवारी दुर्घटनामा २ जनाको मृत्यु भएको छ ।

झापाको कचनकवल–१ बस्ने ३२ वर्षीय नन्दलाल राजवंशीको मोटरसाईकल दुर्घटनामा परी मृत्यु भएको छ । हिजो बेलुका पौने ७ बजे झापाको बाह्रदशी–३ मा मे ७ प ७९६७ नम्बरको मोटरसाईकल अनियन्त्रित भई दुर्घटना हुँदा मोटरसाइकल चालक राजवंशीको मृत्यु भएको जिल्ला प्रहरी कार्यालय झापाले जनाएको छ ।

यसैगरी, इलाम माईजोगमाई–४ हात्तीटारस्थित भित्री सडक खण्डमा ट्याक्टर दुर्घटना हुँदा चालक सोही स्थानका ४५ वर्षीय राजु धमलाको मृत्यु भएको छ ।

हिजो साँझ ५ बजे प्रदेश न. ३–०३००१ त १४८२ नम्बरको ट्याक्टर चलाइरहेका धमलाले ब्रेक लगाउने क्रममा उनी आफैँ ट्याक्टरबाट लड्दा गम्भीर घाइते भएका थिए । उनको बीएण्डसी अस्पताल बिर्तामोडमा उपचारको क्रममा राती १० बजे मृत्यु भएको जिल्ला प्रहरी कार्यालय इलामले जनाएको छ ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक