अर्थ
के यसरी नै हुन्छ त सुन्दरहरैँचाकाे विकास ? २८ लाखकाे भवनमा अनियमितता: ज्येष्ठ नागरिक समाज
विराटचाेक : मोरङको सुन्दरहरैंचा नगरपालिकामा निर्माण भएको ज्येष्ठ नागरिक भवन विवादमा आएको छ । संघीय सरकारबाट प्राप्त रकमको २७ लाख ८५ हजार ८ सय ३७ रुपैयाँमा नगरपालिकाले २०७६ चैत २० गते सावना निर्माण सेवा दुहबी– ५ सुनसरीलाई भवन निर्माणको ठेक्का दिएको थियो ।
४० फिट लम्बाइ र ३२ फिट चौडाइ भएको भवनमा २ ओटा ढोका र ६ ओटा झ्याल रहेका छन् । सो भवन निर्माणका लागि नगरपालिकाका सब इञ्जिनियर अम्बिका गुरागाईले स्टिमेट तयार पारेका थिए । यस विषयमा जनप्रतिनिधिदेखि स्थानीयले उनीमाथि अनुसन्धान गर्नुपर्ने बताए । यसरी निर्माण हुने अन्य क्षेत्रमा पनि अनियमितता भएको हुन सक्ने स्थानीयको आरोप छ ।
बुधबार यो भवनको तस्बीरसहित सरकारका पूर्व सचिव भीम उपाध्यायले २८ लाखको भवन भन्दै सामाजिक सञ्जालमा राखेपछि यसले चर्चा पाएको हो । यसपछि नगरपालिकाका लेखा अधिकृत शेखर ढकाल, इञ्जिनियर सुनिल अधिकारी, जनप्रतिनिधि, पत्रकार लगायतको टोलीले स्थलगत अनुगमन गरेको थियो । यस विषयमा सबैले अनियमितता भएको प्रष्ट देखिने एउटा गतिलो उदाहरण भएको बताएका थिए ।
उता भवनको ठेक्का लिएको सावना निर्माण सेवाका अब्दुल हुसेनले आफूले २०\२१ लाख रुपैयाँबराबरको काम गरेको र थप काम गर्न बाँकी रहेको बताए । २० लाख रुपैयाँ बराबरको के काम गर्नुभयो र बाँकी काम के गर्नुपर्नेछ भनी सोध्दा उनले सो कामको लागि आफूले ६ महिनाको समय थप पाएको र थपिएको समयमा काम पूरा हुने बताए । पेटी लगाउने, झ्याल तथा ढोका राख्ने र सोलारको काम बाँकी रहेको उनले बताए । अब ७\८ लाख रुपैयाँबराबरको काम हुन बाँकी रहेको भन्दै यस विषयमा आफूले थप नबोल्ने उनले फोन सम्पर्कमा बताए ।
लक्ष्मीनारायण मन्दिरको जग्गामा ज्येष्ठ नागरिकको सामुदायिक भवन निर्माण भएको हो । भवनका बारेमा वडा नम्बर ३ का वडाध्यक्ष जीवनप्रसाद ढुंगानाले आफूले निर्माण हुनुभन्दा पहिला बारम्बार उपभोक्ताबाट काम गर्नुपर्ने भन्दै अनुरोध गरेको बताए । त्यस क्रममा तत्कालीन प्रमुख प्रशासकीय अधिकृतले संघीय सरकारबाट प्राप्त बजेट सबै टेन्डर प्रकृयाबाट मात्र हुने बताएपछि यो भवन निर्माण भएको तर के कति लागतमा निर्माण हुुँदैछ भन्ने आफूलाई कुनै जानकारी नभएको बताए । ज्येष्ठ नागरिकको सामुदायिक भवन भनेको विषयमा आफू अनभिज्ञ रहेको उनको भनाइ थियो ।
वडा नम्बर ३ को ज्येष्ठ नागरिक समितिका अध्यक्ष भीमबहादुर कार्कीले यो भवनका विषयमा सबैसँग कुरा उठाएको र कसैबाट सुनुवाइ नभएको बताए । आफूहरुको नाममा आएको बजेटमा चरम भ्रष्टाचार भएको र यो भवन ज्येष्ठ नागरिक समितिका सदस्य कसैसँग पनि समन्वय नगरी निर्माण गरेको उनको भनाइ छ । २८ लाख खर्च भएको भनी लोकले नपत्याउने उनले बताए ।
यो ठाउँकै बदनाम हुने गरी काम गर्ने कर्मचारीबाटै भ्रष्टाचार भएको हुन सक्ने उनको भनाइ थियो । आँखामा छारो हाल्ने गरी इञ्जिनियरले घोटाला गरेको भन्दै यो भवनमा पाइला नटेकेको तर संघीय सांसद लालबाबु पण्डितले अनुगमन गर्ने भन्ने सुन्दा पहिलो पटक मंगलबार भवनमा टेकेको उनले बताए ।
यस विषयमा सांसद पण्डितसँग समेत असन्तुष्टि जनाएको उनले बताए । कतै न कतैबाट अनियमितता भएको हुन सक्ने पण्डितले बताएको उनले बताए । यो भवन सम्पन्न भएपछि ज्येष्ठ नागरिक समितिले जिम्मा लिन्छ भन्ने प्रश्नमा उनले यो भवन कुनै पनि हालतमा जिम्मा नलिने बताए ।
यस विषयमा सुन्दरहरैंचा नगरपालिकाकी उपप्रमुख धनमाया तामाङले आफू अनुगमन गर्न गएको तर इञ्जिनियरले नाप्ने भएकाले हेर्दा २० लाख सम्ममा निर्माण सम्पन्न हुन सक्ने देखिएको बताइन् । प्राविधिक इस्टिमेट हेर्दा पनि सामान्य नागरिकले पनि यसको विषयमा केही कमजोरी देख्ने उनको भनाइ थियो । प्राविधिकले नापजाँच गर्ने भए पनि हेर्दा त्यत्रो रकम नलाग्ने देखिएको उनले बताइन् । काम भएसम्मको मात्र भुक्तानी नगरले दिने उनको भनाइ छ ।
यस विषयमा नगरपालिकाका इञ्जिनियर सुनिल अधिकारीले यसको मूल्याङ्कन २४ लाखको भएको भन्दै अहिले हेर्दा १५ लाख सम्मको मात्र काम सम्पन्न भएको बताए ।
यो भवनका विषयमा जनप्रतिनिधिदेखि स्थानीयले विरोध जनाउँदै भ्रष्टचार भएको हुन सक्ने बताएका छन् । यस विषयमा बुझ्न नगरपालिकासँग इस्टिमेट माग्दा प्रमुख प्रशासकीय अधिकृत दामोदर चापागाईं कार्यालयभन्दा बाहिर भएकाले अन्य कर्मचारीले दिन आनाकानी गरेका थिए । आमनागरिकले २८ लाखमा कस्तो घर बनाउँथे होला र सरकारले बनाउने निर्माणमा यस्तो फितलो र लाजमर्दाे काम किन भइरहेको छ सबैले बुझ्न जरुरी छ ।
Banner
देशभर सामान्य बदली : तराईमा भइरहेको चर्को गर्मी आज केही कम हुने अनुमान
अहिले देशभर आंशिकदेखि सामान्य बदली रहेको छ । मौसम पूर्वानुमान महाशाखाकाअनुसार बिहान कोशी र गण्डकी प्रदेशको एक–दुई ठाउँमा मेघगर्जन/चट्याङसहित सामान्य पानी परेको छ । नेपालमा स्थानीय वायु, पश्चिमी वायुको आंशिक प्रभावसँगै भारतको पश्चिम उत्तरप्रदेशदेखि पश्चिम बंगलादेशसम्म फैलिएको न्यून चापीय क्षेत्रको पनि आंशिक प्रभाव रहेकाले केही ठाउँमा बदली र बर्षा भएको हो ।
आज दिउँसो देशभर आंशिकदेखि साधारणतया बदली रहने छ । कोशी, बागमती, गण्डकी र लुम्बिनी प्रदेशका केही ठाउँ तथा बाँकी भू–भागका एक–दुई ठाउँमा मेघगर्जन/चट्याङसहित सामान्य वर्षाको सम्भावना रहेको छ ।
गण्डकी तथा लुम्बिनी प्रदेशका एक–दुइ स्थानमा हावाहुरीको पनि सम्भावना रहेको छ । देशका उच्च पहाडी तथा हिमाली भू–भागका एक–दुई स्थानमा सामान्य हिमपातको सम्भावना रहेको छ ।
यसैबीच तराई मधेशका क्षेत्रमा भइरहेको चर्को गर्मी आज केही कम हुने अनुमान रहेको छ । बदली र हावाहुरीका कारण गर्मी केही घटेपनि केही दिन तातो हालाको लहरको जोखिम भने कायमै रहेको मौसम पूर्वानुमान महाशाखाले जनाएको छ ।
Banner
आज – २० जेठ २०८१ आइतवार को राशिफल
मेष
मेष (चु, चे, चो, ला, लि, लु, ले, लो, अ) स्वास्थ्य क्षेत्र निर्बल रहने भएकाले सजगता अपनाउनु नै उचित हुनेछ । काम बिगार्नेको सक्रिय रहने देखिन्छ । नियमित खर्चसमेत बढ्ने योग छ ।
मिथुन
मिथुन (का, कि, कु, घ, ङ, छ, के, को, हा) लामो समयदेखि रोकिएको कामको गाँठो फुक्नेछ । अरूको भर नपरी निर्णय लिन सके थप अवसर प्राप्त होला । स्वादिष्ट भोजन पनि पाइएला ।
सिंह
सिंह (मा, मि, मु, मे, मो, टा, टि, टु, टे) आज अधिकार प्राप्तिका लागि संघर्ष गर्नु पर्ला । दुष्ट व्यक्तिको सङ्गतिले आत्मघाती काम गर्न पुगिएला सचेत रहनुहोला । अल्छीपना पनि बढ्नेछ ।
तुला
तुला (रा, रि, रु, रे, रो, ता, ति, तु, ते) बुद्धिको उपयोगले लक्ष्य पहिल्याउन सकिनेछ । धर्मकर्म तथा समाज सेवामा मन लाग्नेछ । रमाइलो र टाढाको यात्राको सम्भावना समेत छ ।
धनु
धनु (ये, यो, भा, भि, भु, धा, फा, ढा, भे) आज मित्रले व्यर्थको विवाद र कुरा काट्नसक्छन्। आम्दानीको तुलनामा खर्च ज्यादा रहनेछ । सकेसम्म खर्च जोगाउनु नै राम्रो हुनेछ ।
कुम्भ
कुम्भ (गु, गे, गो, सा, सि, सु, से, सो, दा) आज आफ्नै दक्षतामा विभिन्न कार्यहरू सम्पन्न हुनसक्छ । धार्मिक तथा समाजसेवामा मन लाग्नेछ । नजिकको व्यक्तिबाट सहयोग पाइनेछ ।
बृष
वृष (इ, उ, ए, ओ, वा, वि, वु, वे, वो) आज मिष्ठान्न भोजनको अवसर प्राप्त हुने योग छ । पराक्रम बढ्नुका साथै धन लाभका योग पनि देखिन्छन् । प्रेम जीवन पनि सफल रहनेछ ।
कर्कट
कर्कट (हि, हु, हे, हो, डा, डि, डु, डे, डो) आज रमाइलो यात्राको योग रहेको छ । आफन्तबाट सहयोग प्राप्त हुनेछ । नयाँ कार्यको थालनी हुनेछ । पढाइ लेखाइमा प्रगति हुनेछ ।
कन्या
कन्या (टो, पा, पि, पु, ष, ण, ठ, पे, पो) आफन्त र मित्रवर्गको सहयोग पाइने नै छ । बन्दव्यापार र साझेदारीबाट राम्रो प्रतिफल प्राप्त हुनेछ । साङ्गीतिक क्षेत्रमा रुचि बढ्नेछ ।
बृश्चिक
वृश्चिक (तो, ना, नि, नु, ने, नो, या, यि, यु) समस्या दर्साउँदा सुखदुःखमा साथ दिनेहरू भेटिनेछन् । छोटो दुरीको लाभदायी यात्रा हुनेछ । अरुलाई प्रभावित पारेर काम पनि बन्ला ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) आज आँटेको र ताकेको कार्य पुरा होला । प्रेमसम्बन्ध र प्रणयप्रसङ्गका लागि पनि श्रेष्ठ समय रहेको छ । साहित्यिक क्षेत्रमा रुचि बढ्नेछ ।
मीन
मीन (दि, दु, थ, झ, ञ, दे, दो, चा, चि) आज भाग्यले साथ दिनेछ । रोकिएका अधुरा कामहरू पुरा हुनेछन् । मनमा हर्ष, उमङ्ग र उत्साह छाउनेछ । शिक्षामा पनि सफलता पाइएला । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
Banner
टी-२० विश्वकप सुरु, उद्घाटन खेलमा क्यानडाले अमेरिकाविरुद्ध ब्याटिङ गर्दै
आईसीसी टी-२० विश्वकप २०२४ अमेरिकामा सुरु भएको छ । उद्घाटन खेलमा क्यानडाले अमेरिकाविरुद्ध ब्याटिङ सुरु गरेको छ ।
डालसस्थित ग्राण्ड प्रेरी क्रिकेट रंगशालामा अमेरिकाले टस जितेर पहिले फिल्डिङ गर्ने निर्णय गरेपछि क्यानडाले ब्याटिङ सुरु गरेको हो ।
क्यानडा साद बिन जाफर र अमेरिका मोनांक पटेलको कप्तानीमा उत्रिएका छन् । दुवै टोलीले पहिलो पटक विश्वकपमा डेब्यू गरेका हुन् । अमेरिका आयोजक हुँदा सिधैं छनोट भएको हो भने क्यानडा अमेरिका छनोट जित्दै पहिलो पटक विश्वकपमा पुगेको हो ।
यसै साता अमेरिकाले ह्युस्टनमा बंगलादेशविरुद्ध तीन टी–२० आई खेलको सिरिज २–१ ले जितेको थियो । अमेरिकाको मुख्य हतियार तीव्र गतिको बलिङ आक्रामण हो । सौरभ नेत्रवालकर, अली खान, कोरी एन्डरसन, शाड्ली भान र जेसी सिंह तीव्र गतिका बलर हुन् । जसमा अली खानसँग विश्वभर फ्रेन्चाइज लिग खेलको अनुभव छ ।
-
अर्थ5 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद5 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
Pingback: भवन निर्माणको विषयमा विवाद भएपछि ज्येष्ठ नागरिकले गर्याे पत्रकार सम्मेलन - निष्पक्षखबर