अपराध
मापदण्ड विपरीत सेनिटाइजर उत्पादन गर्ने र बिक्री गर्ने पक्राउ
इटहरीः इटहरीमा रहेको सौर्य केमिकलका सञ्चालक स्थानीय ३० वर्षीय अतीत गुरागाईं र कस्मेटिक पसलका सञ्चालक ४५ वर्षीय अमरजीत गोस्वामी पक्राउ परेका छन् ।
आधिकारिक निकायबाट कुनै अनुमति नलिई मापदण्डविपरीत सौर्य नामक हेण्ड सेनिटाइजर उनले उत्पादन गर्ने गरेको प्रहरीले जनाएको छ । बिक्रीको लागि तयारी अवस्थामा राखेको सौर्य लेखिएको ३०० एमएलको २८५ बट्टामा रहेको साढे ८५ लिटर तरल पदार्थ प्रहरीले फेला पारेको हो ।
सौर्य केमिकल प्रालि लेखिएको १ थान बिल प्याडसमेत फेला परेको बताइएको छ ।
त्यस्तै, इटहरी–६ मा रहेको जेबी इन्टरप्राईजेज नामक कस्मेटिक पसलका सञ्चालक ४५ वर्षीय अमरजीत गोस्वामी पनि पक्राउ परेका छन् । विभिन्न प्लाष्टिकका बोतलहरुमा लेबल टाँसी बढी मूल्यमा बिक्री गर्न राखेको अवस्थामा विभिन्न प्रकारका बट्टामा राखिएको तरल पदार्थ बरामद भएको इलाका प्रहरी कार्यालय इटहरीले जनाएको छ ।
बरामद सामानको सम्बन्धित निकायबाट परीक्षण गर्दा तोकिएको मापदण्डविपरीत भएको पाइएको हुँदा उद्योग सञ्चालक र बिक्रेता दुवै जनालाई पक्राउ गरिएको कार्यालयका सूचना अधिकृत प्रहरी निरीक्षक मानप्रसाद श्रेष्ठले बताए ।
उनीहरुलाई कालोबजार तथा केही अन्य सामाजिक अपराध तथा सजाय ऐन २०३२ बमोजिम कार्वाही गरिने भएको छ । जिल्ला प्रशासन कार्यालय सुनसरीबाट मंगलबार ५ दिनको म्याद थप गरी उनीहरुमाथि आवश्यक अनुसन्धान भइरहेको सूचना अधिकृत श्रेष्ठले बताए ।
Facebook Comment
Banner
राष्ट्र बैंकको सर्भरमा १५ हजार पटक साइबर आक्रमण, ह्याक गरेर डेटा ‘डार्क वेब’मा अक्सन
नेपाल राष्ट्रबैंकको सर्भरमा ६ महिनाको अवधिमा एकै व्यक्तिले १५ हजार पटक साइबर आक्रमण गरेको पाइएको छ ।
राष्ट्रबैंकको बेवसाइट र वेब एप्लिकेशनहरूमा साइबर आक्रमण भएको भन्दै उजुरी परेपछि केन्द्रीय साइबर ब्यूरोले गरेको अनुसन्धानका क्रममा १५ हजार पटकसम्म आक्रमण भएको खुलेको हो ।
राष्ट्रबैंकको सर्भर ह्याक गरेको आरोपमा साइबर ब्यूरोको टोलीले जिल्ला प्रहरी कार्यालय कास्कीको सहयोगमा ३० फागुनमा नवराज लामिछानेलाई पक्राउ गरेको थियो ।
स्याङ्जाको पुतलीबजार नगरपालिका–९ घर भई पोखराको बिरौटा बस्दै आएका २६ वर्षीय लामिछानेलाई काठमाडौं ल्याएर ब्यूरोले अनुसन्धान गरेको थियो । कम्प्युटर इन्जिनियरिङमा स्नातक पास गरेर पोखराकै एक स्कुलमा कम्प्युटर शिक्षकको रुपमा कार्यरत उनले पटक पटक राष्ट्र बैंकमाथि साइबर आक्रमण गरेका थिए ।
Banner
काठमाडौंको बलम्बु प्रहरी प्रभाग इन्सपेक्टरले चलाए गोलि, बडीगार्ड र सेवाग्राही घाइते
काठमाडौंको बलम्बु प्रहरी प्रभागका इन्चार्जले आइतबार साँझ गोली चलाएका छन्। इन्सपेक्टर सुरेन्द्र श्रेष्ठले पेस्तोलको गोलि निकाल्न नसकेपछि पड्काइदिएका हुन्।
उनले गोलि चलाउँदा उनकै बडीगार्ड र सेवाग्राही घाइते भएका छन्।
इन्स्पेक्टर श्रेष्ठ ड्युटी सकेर जाने क्रममा पेस्तोल बुझाउन कोर्टमा गएका पेस्तोलको गालि निकाल्न प्रयास गरेको र ननिस्किएपछि पड्काइदिएको प्रहरीले जनाएको छ।
बडीगार्डको खुट्टामा एक राउन्ड गोली लागेको छ। उनको अवस्था खतरामुक्त रहेको प्रहरीले जनाएको छ। उनी र सेवाग्राहीकै एपीएफ अस्पताल बलम्बुमा उपचार भइरहेको छ। घटनाबारे अनुसन्धानका लागि इन्स्पेक्टर श्रेष्ठलाई नियन्त्रणमा लिइएको छ।
Banner
बम बनाउने विस्फोटक पदार्थसहित माओवादी केन्द्र झापा सचिव मिश्र इटहरीबाट पक्राउ
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login