Connect with us
Advertisement
Advertisement

इटहरीमा पनि भेटिए कोरोना संक्रमित

Published

on

इटहरीः तराईका जिल्लामध्ये सबैभन्दा पछि संक्रमित भेटिएको सुनसरीका थप १ जना कोरोना संक्रमित भेटिएका छन् । सुनसरीको गढी गाउँपालिकामा सोमबार १ जना संक्रमित भेटिएका थिए ।

आज मंगलबार इटहरी उपमहानगरपालिका वडा नम्बर २ बस्ने १८ वर्षीय युवामा कोरोना संक्रमण भएको हो ।

उनको बीपी कोइराला स्वास्थ्य विज्ञान प्रतिष्ठानको आइसोलेशनमा उपचार भइरहेको बताइएको छ । प्रतिष्ठानमा उनलाई इटहरीकै एक क्लिनिकले रेफर गरेको बताइएको छ ।

अस्पतालले उनमा कोरोना पुष्टि भएको बताए पनि स्वास्थ्य तथा जनसंख्या मन्त्रालयले भने पुष्टि गर्न बाँकी छ ।

Banner

बीपी प्रतिष्ठानमा भर्ना हुन नपाएपछि झापाका कोरोना संक्रमित रातभर गाडीमै

Published

on

धरानः अस्पतालसँग समन्वय नगरी कोरोना संक्रमित ल्याएको र अस्पतालमा बिरामी राख्ने बेड नभएको बताएपछि झापामा हिजो कोरोना संक्रमित पुष्टि भएका २७ जना व्यक्ति रातभर गाडीमै बस्न बाध्य भए । गाडीमा रहँदा पनि रातभर खानेकुराको प्रबन्ध पनि नगरिएको संक्रमितको भनाइ छ ।

उनीहरुलाई हिजो साँझ ६ बजे प्रतिष्ठान पुर्याइएको बताइएको छ । तर, समन्वय नगरी संक्रमित ल्याएको भन्दै बीपीले ती संक्रमितहरुलाई अस्पतालमा नराखेको बताइएको छ । रातभर बेडको व्यवस्था गरेर बिहान मात्रै बिरामीलाई भर्ना गरिएको बताइएको छ ।

त्यसो त सरकारले बीपी प्रतिष्ठानलाई लेभल थ्रीको अस्पतालमा वर्गीकृत गरेको छ । सय बेडको कोभिड १९ अस्पताल पनि तयार गरेको जनाएको छ । तर ७० बेडभन्दा बढी आइसोलेसन वार्ड नभएको भन्दै प्रतिष्ठानमा कोरोना संक्रमित भर्ना नगरेको पाइएको छ ।

बिरामीलाई भर्ना नगरेको समाचार बाहिरिएपछि सामाजिक विकास मन्त्री जीवन घिमिरे प्रतिष्ठानमै पुगेका थिए । आफूले यसभन्दा अघि दिएको निर्देशन पालना नभएको भन्दै निर्देशन पालना गर्न प्रतिबद्ध रहन उनले अस्पताल प्रशासनलाई पुनः निर्देशन दिएका थिए ।

Continue Reading

Banner

यी हुन् बजेटमा सम्बोधन भएका प्रदेश नम्बर १ का क्षेत्रहरु

Published

on

विराटचोकः अर्थमन्त्री डा. युवराज खतिवडाले गत बिहीबार आर्थिक वर्ष २०७७\०७८ को लागि प्रस्तुत गरेको बजेटमा पूर्वी क्षेत्रका केही योजनाको नाम उल्लेख गरी बजेट विनियोजन गरेको बताए । उनले सम्बोधन गरेका क्षेत्र यसप्रकार छन्ः

१. कोशी अस्पतालको स्तरोन्नति गरी विशेषज्ञ अस्पतालको रुपमा विकास गरिने,
२. ‘जनताको तटबन्ध’ कार्यक्रमअन्तर्गत रतुवा–मावा, बक्राहा, त्रियुगालगायतका नदीमा तटबन्ध गरिने,
३. उदयपुरको कम्पुघाटमा म्याग्नेसाइटको विस्तृत अध्ययन तथा अन्वेषण गरिने,
४. संखुवासभाको किमाथांका तथा ताप्लेजुङको ओलाङचुङगोलामा व्यापार पूर्वाधार विकास कार्य अघि बढाइने,
५. पाथीभरा, विराट क्षेत्र, वराहक्षेत्र, हलेसी क्षेत्रलगायतका धार्मिक क्षेत्रको विकासका लागि अवश्यक रकम विनियोजन,
६. कोशीलगायतका नदीमा आधारित थोक पानी वितरण प्रणाली तथा जलाशययुक्त खानेपानी आयोजना सञ्चालनको सम्भाव्यता अध्ययन गरी प्राथमिकताको आधारमा कार्यान्वयन गर्ने व्यवस्था मिलाइएको,
७. दूधकोशी जलाशययुक्त विद्युत आयोजना ४ अन्तर्राष्ट्रिय वित्तीय संस्थाको समिश्रित वित्त लगानी विधिमा निर्माण शुरु हुने,
८. नेपालको पानी जनताको लगानी’ कार्यक्रमअन्तर्गत आगामी आर्थिक वर्षमा माथिल्लो अरुण, किमाथांका, अरुण, तामाकोशी ५ आयोजनाको लगानी ढाँचा यकिन गरी कार्यान्वयन गरिने,
९. जलाशययुक्त तमोर जलविद्युत आयोजना सार्वजनिक निजी साझेदारीमा विस्तृत अध्ययन र डिजाइनको कार्य सम्पन्न गरिने,
१०. झापाको अनारमनीदेखि कञ्चनपुरको महेन्द्रनगरसम्म ४ सय केभी क्षमताको अन्तरदेशीय प्रशारण लाइन निर्माण कार्य अघि बढाइने ।
११. कोशी अस्पतालको स्तरोन्नति गरी विशेषज्ञ अस्पतालको रुपमा विकास गर्दै लगिने,
१२. मेची, तमोर, कोशी, तामाकोशी कोरिडोर अयोजना तथा राजमार्गको निर्माण एवम् स्तरोन्नतिको कामलाई निरन्तरता दिइने,
१३. मिर्चैया– कटारी, घुर्मी– सल्लेरी सडक सुधार तथा स्तरोन्नतिका लागि रकम विनियोजन,
१४. पूर्व– पश्चिम रेलमार्गअन्तर्गत काँकरभिट्टा– इनरुवा खण्डको निर्माण आरम्भ गरिने,
१५. आन्तरिक जल यातायात पूर्वाधार विकास गर्ने क्रममा कोशीको चतरादेखि तुम्लिङटारसम्म जल यातायात सञ्चालनको सम्भाव्यता अध्ययन गरिने,
१६. अन्तरदेश हवाई सम्पर्क र बिस्तार गर्न विराटनगर र नेपालगञ्जमा नयाँ टर्मिनल भवन निर्माण शुरु गरिने,
१७. तेह्रथुमको चुहानडाँडामा आन्तरिक विमानस्थलको निर्माण कार्य अघि बढाउन आवश्यक रकम विनियोजन,
१८. चन्द्रगढी विमानस्थलको सुधार तथा स्तरोन्नति गर्न र ट्रंक रुटका विमानस्थलको स्तरोन्नति एवम् विस्तार गरी रात्रीकालीन उडान सञ्चालनयोग्य बनाउने ।

Continue Reading

अर्थ

आदर्श युवा क्लब झोराहाटद्वारा राहत वितरण

Published

on

विराटचोकः ग्रामथान गाउँपालिका वडा नं २ मा अवस्थित आदर्श युवा क्लब झोराहाटले वडा कार्यालयसँग समन्वय गरेर अति विपन्न, असहाय र अपांगता भएका घर परिवारहरुलाई राहत वितरण कार्य शुरु गरेको छ ।

शुरुमा धेरै संस्थाले राहत वितरण गरे पनि पछिल्लो समयमा राहत वितरण कार्य बिस्तारै कमी हुँदै आएको छ । गाउँपालिकाको तर्फबाट पहिलो चरणमा राहत वितरण गरिएका घर परिवारमा अहिले छाक नै टार्न समस्या परेको बेला क्लबले घरदैलोमा नै गएर राहत वितरण कार्य थालेको आदर्श युवा क्लबका अध्यक्ष शरद लुइँटेलले बताए ।

क्लबका पूर्व अध्यक्ष टीकाराम खतिवडाले ५० घरपरिवारलाई पुग्ने राहात सामाग्री क्लबलाई हस्तान्तरण गरेको हो । हाल क्लबले १ सय १ घर परिवारलाई राहत वितरण गरिसकेको जनाएको छ । चामल १० केजी, तेल १  पाेका , आलु २ केजी, नुन १ केजी र हात धुनका लागि एउटा साबुन समेत वितरण गरेको क्लबका कोषाध्यक्ष सोशन तुलाधरले बताए ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

nispakshyakhabar@gmail.com
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक