कोशी प्रदेश
गोठगाउँमा कोभिड अस्पताल शुरु भयोः मन्त्रालय, भएको छैनः नगरपालिका, धेरै बोल्दिनँः अस्पताल
विराटचोकः मोरङको सुन्दरहरैंचास्थित गोठगाउँमा रहेको पूर्वाञ्चल विश्वविद्यालयमा बनाइएको क्वारेन्टाइनलाई कोभिड अस्पताल बनाइएको छ । तर कोभिड अस्पताल बनाउने निर्णय गर्दा भने समन्वय नभएको पाइएको छ ।
केही सञ्चारमाध्यममा गोठगाउँमा कोभिड अस्पताल सञ्चालन भएको समाचार प्रकाशन र प्रशारण भएपछि यस बारेमा बुझ्दा सम्बन्धित निकायको फरकफरक धारणा पाइएको छ ।
शुरु भइसक्योः सामाजिक विकास मन्त्रालय
प्रदेश १ को सामाजिक विकास मन्त्रालयले गोठगाउँमा कोभिड अस्पताल शुरु भइसकेको जनाएको छ । प्रदेश नम्बर १ का सामाजिक विकास मन्त्री जीवन घिमिरेको सचिवालयले भने बिहीबार साँझदेखि अस्पताल शुरु भएको बताएको छ ।
‘हिजो साँझबाट त्यहाँ (गोठगाउँमा) सेवा आरम्भ भएको छ,’ घिमिरेका स्वकीय सचिव तिलक बस्नेतले फोन सम्पर्कमा भने, ‘त्यहाँ आवश्यक पर्ने सामग्री मन्त्रालयले पठाइरहेको छ ।’ उनका अनुसार पूर्वाञ्चल विश्वविद्यालयकै जनशक्तिले तत्कालका लागि काम गर्नेछ । उनीहरुलाई आवश्यक तालीम दिने काम पनि आज शुक्रबार हुने उनले बताए ।
गोठगाउँको आइसोलेसनमा १३ जना संक्रमित
बस्नेतका अनुसार गोठगाउँको आइसोलेसनमा १३ जना कोरोना संक्रमित छन् । सुनसरीका ७ जना, झापाका ५ जना र मोरङका १ जनाको अस्पतालको आइसोलेसनमा उपचार भइरहेको छ । तत्कालका लागि पूर्वाञ्चल विश्वविद्यालयमा भएको ४५ जनाको जनशक्तिले काम गर्ने र जनशक्ति अभाव भएमा मन्त्रालयले थप जनशक्ति परिचालन गर्ने भएको छ ।
बस्नेतका अनुसार अस्पतालसँग यससम्बन्धी सम्झौता भएको छ । त्यसै अनुसार समग्र व्यवस्थापनको काम हुने गरी सम्झौता भएको उनले जनाए । यसअघि क्वारेन्टाइन बनाइएको भवनलाई नै आइसोलेसन बनाइएको हो । आइसोलेसनमा बसेका सबैको परीक्षण गर्दा नेगेटिभ नतिजा आएकाले उनीहरुलाई घर पठाएर क्वारेन्टाइनलाई आइसोलेसन बनाइएको उनले जानकारी दिए ।
कोभिड अस्पताल सञ्चालन भएको छैनः नगरपालिका
कोभिड अस्पताल सञ्चालन भएको बारेमा भने सुन्दरहरैंचा नगरपालिकालाई जानकारी छैन । नगरप्रमुख, नगरप्रमुखका निजी सचिव र जनस्वास्थ्य शाखा प्रमुखले गोठगाउँमा अस्पताल शुरु भइनसकेको तर शुरु हुने प्रक्रियामा रहेको बताए ।
‘हामीले मुख्यमन्त्रीलाई भेटेर ज्ञापनपत्र बुझाइसकेका छौँ । अनुरोध गरिसकेका छौँ । हिजो फेरि सर्वदलीय बैठक बसेर चाँडोभन्दा चाँडो अस्पताल सुचारु गर्ने भनेर निर्णय गरेका छौँ’, मेयर शिवप्रसाद ढकालले भने, ‘पत्र मुख्यमन्त्रीको कार्यालय गइसकेको छ । छिटै कार्यान्वयन गर्ला भन्ने विश्वास छ ।’
झापाका ७ जना संक्रमित पनि ल्याइएको छ भनेर आफूले सुनेको तर त्यसबारेमा बुझ्न बाँकी रहेको उनले बताए ।
यस बारेमा धेरै बोल्दिनँः अस्पताल निर्देशक
अस्पतालमा सेवा शुरु हुने क्रममा रहेको तर आवश्यक सामग्री केही नभएकाले आफू यसबारेमा केही भन्न नसक्ने पूर्वाञ्चल विश्वविद्यालयका अस्पताल निर्देशक विपेश आचार्यले बताए ।
‘हामीसँग पर्याप्त स्वास्थ्य सामग्री छैन,’ आचार्यले भने, ‘अब अफिस गएपछि छलफल हुन्छ सेवा कसरी सञ्चालन गर्ने भन्ने बारेमा । हामीले भनेजस्तो आवश्यक सामग्री मन्त्रालयबाट केही पाइएको छैन ।’
कोरोना संक्रमित भेटिएपछि सुन्दरहरैंचाको विज्ञप्तिः भ्रम नफैलाउनुहोस्
सुन्दरहरैंचाका युवा पनि कोरोना संक्रमित, उनी भारतबाट आएका थिए
Banner
मोरङमा ससुरा बुहारीमाथि दलियो कालो मोसो, ५ जना पक्राउ,एक महिला फरार
मोरङमा ससुरा बुहारीमाथि दलियो कालो मोसो, ५ जना पक्राउ,एक महिला फरार
Banner
बेंग्लुरु आईपीएलको प्लेअफमा, चेन्नेइ बाहिरियो
लिग चरणको अन्तिम खेलमा चेन्नेइ सुपर किंग्सलाई पराजित गर्दै रोयल च्यालेनजर्स बेंग्लुरु इन्डियन प्रिमियर लिग (आईपीएल) को प्लेअफमा प्रवेश गरेको छ ।
आफ्नै मैदानमा शनिबार राति भएको खेलमा बेंग्लुरुले चेन्नेइलाई २७ रनले पराजित गर्दै प्लेअफमा पुगेको हो ।
चेन्नेइ, दिल्ली र लखनउको पनि समान १४ अंक भए पनि नेटरनरेटमा तीन टिमलाई पछि पार्दै बेंग्लुरु चौथो स्थानमा रहन सफल भएको हो ।
२०१ रन बनाएर पराजित भएको भए पनि चेन्नेइ प्लेअफमा पुग्ने थियो । तर, २१९ रनको लक्ष्य पछ्याएको चेन्नेइले ७ विकेट गुमाउँदै १९१ रन मात्रै बनायो ।
चेन्नेइका रचिन्ल रवीन्द्रले ६१, रवीन्द्र जडेजाले ४२, अजिङ्क्या राहानेले ३३ र महेन्द्र सिंह धोनीले २५ रन बनाए ।
बेंग्लुरुका यश दयालले २, ग्लेन म्याक्सवेल, मोहम्मद सिराज, लोकी फर्गुसन र क्यामरन ग्रीनले एक/एक विकेट लिए ।
त्यसअघि टस हारेर पहिले ब्याटिङको निम्तो पाएको बेंग्लुरुले ५ विकेटको क्षतिमा २१८ रन बनाएको थियो । बेंग्लुरुका कप्तान फ्याफ डु प्लेसिसले ५४, विराट कोहलीले ४७, रजत पतिडरले ४१, क्यामरन ग्रीनले ३८, ग्लेन म्याक्सवेलले १६ र दिनेश कार्तिकले १४ रनको योगदान गरे ।
चेन्नइका शार्दुल ठाकुरले २, तुशार देशपाण्डे र मिचेल स्यान्टनरले एक/एक विकेट लिए ।
यसअघि आईपीएलको प्लेअफका चारवटै टोलीको टुंगो लागिसकेको छ ।
१९ अंकका साथ कोलकाता पहिलो स्थानमा छ । प्लेअफ पुगिसकेका राजस्थान रोयल्स र सनराईजर्स हैदराबाद दोस्रो र तेस्रोका लागि प्रतिस्पर्धामा छन् । यो पनि आजै टुंगो लाग्नेछ ।
आज दिउँसो पौने ४ बजे हैदराबादले पञ्जाबसँग खेल्नेछ भने राजस्थानले राति पौने ८ बजे कोलकत्तासँग खेल्नेछ ।
Banner
आज – ०६ जेठ २०८१ आइतवार को राशिफल
मेष
मेष (चु, चे, चो, ला, लि, लु, ले, लो, अ) अध्ययनअध्यापनको क्षेत्रमा प्रगतिको खबर सुन्न पाउनु हुनेछ । महिला वा मित्रबाट विशेष सहयोग मिल्ला । परिवारका सदस्यहरूसँग भेटघाट हुनेछ ।
मिथुन
मिथुन (का, कि, कु, घ, ङ, छ, के, को, हा) यात्रामा मालसामान हराउन सक्छ । कार्य सम्पादनमा समस्या आउला । साँझमा पैसा खर्च हुने योग छ । चोटपटकको भय छ सचेत रहनुहोला ।
सिंह
सिंह (मा, मि, मु, मे, मो, टा, टि, टु, टे) आज एउटै कामबाट दोहोरो लाभ मिल्नेछ बन्धुबान्धवबाट सहयोग मिल्नेछ । मनमा हर्ष, उमङ्ग र उत्साह रहला । रमाइलो यात्राको योग रहेको छ ।
तुला
तुला (रा, रि, रु, रे, रो, ता, ति, तु, ते) महत्त्वपूर्ण कार्यमा व्यवधान आइपर्ला । माया प्रेममा धोका हुन सक्छ भने एकोहोरो माया प्रेमले सताउनेछ । आर्थिक कारोबारमा विवाद पनि आउला ।
धनु
धनु (ये, यो, भा, भि, भु, धा, फा, ढा, भे) आज मनमा हर्ष, उमङ्ग र उत्साह छाउनेछ । आदर्श व्यक्तित्व सँगको सहकार्यले नयाँ अनुभव मिल्नेछ । रमणीय, सुखद् र धार्मिक यात्राको योग छ ।
कुम्भ
कुम्भ (गु, गे, गो, सा, सि, सु, से, सो, दा) आज मनमा उत्पन्न शंका तथा डरका कारण बनिसकेको काममा दुबिधा उत्पन्न हुन सक्छ । भोजभतेरमा सामेल हुँदा स्वास्थ्यको ख्याल गर्नुहोला ।
बृष
वृष (इ, उ, ए, ओ, वा, वि, वु, वे, वो) आज सन्तान तथा परिवारमा मेलमिलाप हुनेछ । जोशजाँगर बढ्नुका साथै समयले राम्रो साथ दिनेछ । आर्थिक लाभ हासिल हुन सक्ने देखिन्छ ।
कर्कट
कर्कट (हि, हु, हे, हो, डा, डि, डु, डे, डो) आज अधुरा र रोकिएको काम दोहोर्याएर गर्दा फाइदा हुन सक्नेछ । जीवनसाथीको सल्लाहमा गरिएको कार्यबाट अधिक सफलता मिल्नेछ ।
कन्या
कन्या (टो, पा, पि, पु, ष, ण, ठ, पे, पो) आज परीक्षा आदि प्रतिस्पर्धामा उत्तीर्ण हुन सकिनेछ । घर परिवारका सदस्यहरूबाट सहयोग पाइनेछ । रमणीय र सुखद यात्राको योग पनि छ ।
बृश्चिक
वृश्चिक (तो, ना, नि, नु, ने, नो, या, यि, यु) आज मन अध्यात्म र दर्शनतर्फ आकर्षित बन्नेछ । पेसा र व्यवसायबाट लाभ हुनेछ । कसैकसैका लागि सन्तान प्राप्ति र प्रसन्नता छाउनेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) आज सामाजिक सेवा गर्ने अवसरले मानप्रतिष्ठा बढाउनेछ । कार्य सम्पादनमा सहजता मिल्नेछ । व्यापार व्यवसायमा पनि सफलता मिल्नेछ ।
मीन
मीन (दि, दु, थ, झ, ञ, दे, दो, चा, चि) विद्या र बुद्धिको विकास हुनेछ । पारिवारिक भेटघाटमा रमाइन्छ । धनार्जनका नयाँ स्रोतहरू पत्ता लाग्नेछन् । माया प्रेममा आत्मियताको बढोत्तरी हुनेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
-
अर्थ5 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
Pingback: सुन्दरहरैंचाका संक्रमित यसरी आइपुगेका थिए क्वारेन्टाइनसम्म - निष्पक्षखबर