शिक्षा / स्वास्थ्य
विश्व रक्तदाता दिवसमा केराबारीमा रक्तदान, १ सय १८ पिन्ट रगत संकलन
विराटचोकः विश्व रक्तदाता दिवसको अवसर पारी मोरङको केराबारीमा आइतबार रक्तदान कार्यक्रम सम्पन्न भएको छ । नेपाल रेडक्रस सोसाइटी मोरङकोे प्राविधिक सहयोग तथा केराबारीका पाँच ओटा सहकारीहरुको संयुक्त आयोजनामा भएको सो रक्तदान कार्यक्रममा १ सय १८ पिन्ट रगत संकलन भएको छ ।
कोरोना भाइरसको माहामारी रोक्न सरकारले लकडाउन गरेको अवस्थामा रक्तसञ्चार केन्द्रहरुमा रगतको अभाव हुने अवस्था आएकाले रक्तदान गरिएको आयोजकले जनाएको छ । रक्तदानमा संस्थाका शेयर सदस्य, पदाधिकारी तथा स्थानीय बुद्धिजीवी, प्रहरी, शिक्षक, कर्मचारीलगायतको सहभागिता रहेको थियो । रक्तदातालाई आयोजक संस्थाको तर्फबाट प्रमाणपत्र प्रदान गरिएको थियो भने रक्त सञ्चार केन्द्र विराटनगरले रक्तदाता परिचयपत्र प्रदान गर्ने जनाएको छ ।
केराबारी– ८ स्थित नारी विकास साकोस, आयात साकोस, केराबारी १० मा रहेको नव पाइला साकोस, खदम साकोस र सामुदायिक साकोसको आयोजनामा भएको सो रक्तदान कार्यक्रममा कोरोना भाइरसको संक्रमण नहोस् भनेर भौतिक दूरी कायम गरिएको थियो । कार्यक्रम स्थलमा प्रवेश गर्नु अघि सेनिटाइजर प्रयोग गर्नुका साथै प्लाष्टिक कभरसहित कोरोना संक्रमणबाट बच्न सतर्कता अपनाइएको संयुक्त रक्तदान आयोजक समितिका संयोजक गोकुल थापाले बताए ।

Facebook Comment
Banner
क्यान्सर पीडित उमा खड्कालाई एनआरएनए बहराइनद्वारा आर्थिक सहयोग
सुन्दरहरैँचा, मोरङ — एनआरएनए बहराइनको पहलमा क्यान्सर पीडित तथा विगतमा बहराइनमा बसोबास गर्दै आउनु भएकी उमा खड्कालाई आर्थिक सहयोग प्रदान गरिएको छ।
शनिबार सुन्दरहरैँचा नगरपालिका–१२ स्थित उहाँकै निवासमा आयोजित एक कार्यक्रमबीच रु १०१,४६० (एक लाख एक हजार चार सय साठी रुपैयाँ) उक्त सहयोग हस्तान्तरण गरिएको हो। कार्यक्रममा कुल बराबरको रकम सहयोगस्वरूप प्रदान गरिएको जानकारी दिइएको छ।
सहयोग रकम एनआरएनए बहराइनकी महिला संयोजक सरु लामा गुरुङको हातबाट हस्तान्तरण गरिएको थियो। कार्यक्रममा सुन्दरहरैँचा नगरपालिकाका प्रवक्ता तथा वडा नं. १२ का वडाअध्यक्ष रोशन प्रसाद ढकाल, पत्रकार ज्ञाननाथ ढकाल लगायत स्थानीय बासिन्दा र परिवारजनको उपस्थिति रहेको थियो।
कार्यक्रममा सहभागीहरूले मानवीय सहयोग अभियानमा योगदान पुर्याउने सम्पूर्ण दाताहरू तथा सहयोगीप्रति आभार व्यक्त गरेका छन्। साथै, क्यान्सरसँग संघर्षरत उमा खड्काको शीघ्र स्वास्थ्य लाभको कामना समेत गरिएको छ।
Banner
सुन्दरहरैँचामा बैशाख १ देखि अन्तर्राष्ट्रिय धार्मिक महोत्सव
मोरङको सुन्दरहरैँचा नगरपालिका–९ स्थित श्रीकृष्ण प्रणामी मन्दिर सलकपुर सेवा आश्रममा नयाँ वर्षसँगै बैशाख १ गतेदेखि ७ गतेसम्म अन्तर्राष्ट्रिय धार्मिक महोत्सव आयोजना हुने भएको छ।
आयोजकले बुधबार पत्रकार सम्मेलनमार्फत दिएको जानकारीअनुसार मन्दिर स्थापना भएको ५० वर्ष पूरा भएको अवसरमा “स्वर्ण महोत्सव”का रूपमा सप्ताहव्यापी कार्यक्रम सञ्चालन गरिनेछ।
श्रीकृष्ण प्रणामी संरक्षण सेवा समितिको आयोजनामा हुने श्रीमद्भागवत पाठ पारायण तथा श्रीकृष्णकथा साप्ताहिक ज्ञान महायज्ञका निर्देशक समितिका संयोजक रामप्रसाद गजुरेलका अनुसार महोत्सवमा देश–विदेशबाट हजारौँ भक्तजन, सन्त–महात्मा, धर्माचार्य तथा विशिष्ट व्यक्तित्वहरूको सहभागिता रहने अपेक्षा गरिएको छ।
महोत्सवमा १०८ श्रीमत तारतम सागर पाठ पारायण, वाणी चर्चा, श्रीमद्भागवत कृष्णकथा ज्ञान महायज्ञ, सन्त सम्मेलन लगायत विभिन्न धार्मिक तथा सांस्कृतिक कार्यक्रम आयोजना गरिनेछन्।
महोत्सवको उद्घाटन कोशी प्रदेशका मुख्यमन्त्री हिक्मतकुमार कार्कीले गर्ने कार्यक्रम रहेको छ। महोत्सव अवधिभर दैनिक पूजापाठ, योग, ध्यान, चिन्तन, भजन–कीर्तन तथा सांस्कृतिक कार्यक्रम सञ्चालन हुनेछन्।
पत्रकार सम्मेलनमा मन्दिर संरक्षण सेवा समितिका अध्यक्ष कृष्णप्रसाद वास्तोला, कार्यक्रम निर्देशक रामप्रसाद गजुरेल, सुन्दरहरैँचा नगरपालिकाका पूर्व नगर प्रमुख शिवप्रसाद ढकाल, सन्त महाराज मोहनानन्द शास्त्रीलगायतले महोत्सवले धार्मिक पर्यटन प्रवर्द्धनमा टेवा पुग्ने विश्वास व्यक्त गरे।
महोत्सव सञ्चालनका लागि करिब २ करोड १३ लाख रुपैयाँ सङ्कलन हुने अनुमान गरिएको छ। साथै, महोत्सवमार्फत संस्कृत शिक्षा सञ्चालन गर्न गुरुकुल निर्माण गर्ने दीर्घकालीन लक्ष्यसमेत राखिएको प्रचारप्रसार संयोजक शरण भट्टराईले जानकारी दिए।
पत्रकार सम्मेलनको सञ्चालन मूल समारोह समितिका महासचिव युवराज पौडेलले गरेका थिए।
महायज्ञमा भागवत कथावाचन नौतनपुर धामका विख्यात कथाकार स्वामी लक्ष्मणदेवजी महाराजले गर्नेछन्। साथै, नौतनपुरी धामका जगतगुरु कृष्णमणिजी महाराज, महामंगलापुरी धाम सुरताका गादिपति सूर्यनारायण दासजी महाराज, पद्मावातिपुरी धामका परमहंस सदानन्दजी महाराजलगायत राष्ट्रिय तथा अन्तर्राष्ट्रिय सन्त, विद्वान तथा धर्माचार्यहरूको उपस्थिति रहने जनाइएको छ।
Banner
कानूनविपरीत लिइएको भर्ना शुल्क फिर्ता गर्न सरकारको निर्देशन
शिक्षा मन्त्रालयले कानुन विपरीत लिइएको भर्ना शुल्क र निर्देशिकाले तोकेको बाहेक अन्य शुल्क फिर्ता गराउन सबै पालिकाहरुलाई निर्देशन दिएको हो ।
नयाँ शैक्षिक सत्र अगावै विद्यार्थी भर्ना नगर्न सर्वाेच्च अदालतले दिएको आदेशको कार्यान्वयन गराउन पनि मन्त्रालयले भनेको छ । मन्त्रालयका प्रवक्ता शिवकुमार सापकोटाले विज्ञप्ति निकालेर शैक्षिकसत्र शुरु भएपछि मात्रै विद्यार्थी भर्ना गराउन तथा शुल्क मापदण्ड विपरीत शुल्क नलिने व्यवस्था मिलाउन र गैह्रकानुनीरुपमा लिइएको पाइए शुल्क फिर्ता नगर्ने विद्यालयलाई कारवाही हुन सक्नेतर्फ समेत सचेत गराएको छ ।
सर्वाेच्च अदालतको गएको शुक्रबारको आदेशको उल्लङ्घन गरी शैक्षिकसत्र अगावै विद्यार्थी भर्ना गर्ने कार्य पनि दण्डनीय हुनेतर्फ मन्त्रालयले सचेत गराएको छ ।
आउँदो वैशाख १५ गतेदेखि नयाँ शैक्षिकसत्र शुरु हुँदैछ ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने














You must be logged in to post a comment Login