कोशी प्रदेश
सुन्दरहरैंचाका ८ ओटा सहकारी मर्ज हुँदै, असोजदेखि एकीकृत कारोबार हुने
विराटचोकः सुन्दरहरैंचाका ८ ओटा सहकारी मर्ज हुने भएका छन् । ती सहकारीका सञ्चालक समितिका अध्यक्षहरुले आज औपचारिक कार्यक्रम गरी संस्थाबीच मर्ज गर्न सहमतिपत्रमा हस्ताक्षर गरेका छन् । कार्यक्रममा विभिन्न २४ ओटा बुँदामा हस्ताक्षर भएको हो । एकीकृत भएपछि सो सहकारीको नाम कनकलक्ष्मी बचत तथा ऋण सहकारी संस्था रहने भएको छ । एकीकृत कारोबार भने असोज १ गतेदेखि हुने भएको छ ।
हस्ताक्षर समारोहलाई सम्बोधन गर्दै पिण्डेश्वरी बचत तथा ऋण सहकारी संस्थाका सल्लाहकार नारायणप्रसाद श्रेष्ठले सहकारी मर्ज हुनु सकारात्मक पक्ष भएको बताउँदै व्यवस्थापन पक्षमा अब ध्यान पुर्याउनुपर्ने बताए । अब धेरै शेयर सदस्य भएको संस्था हुनाले सबै शेयर सदस्यको भावना बुझी काम गर्नुपर्ने अवस्था आएको र सो काम चुनौतीपूर्ण हुन सक्ने उनको भनाइ थियो ।
शुभलक्ष्मी बचत तथा ऋण सहकारी संस्थाका सल्लाहकार प्रेमप्रसाद भट्टराईले आदिकवि भानुभक्त आचार्यले भाषिक एकीकरण गरेको स्मरण गर्दै भानुभक्त आचार्यको जन्मदिनमा मर्ज भएर बन्ने नयाँ संस्थाले सबै शेयर सदस्यबीच मजबुत एकीकरणको काम गर्न सकोस् भन्ने कामना गरे ।
साना किसान कृषि सहकारी संस्था दुलारीका अध्यक्ष अजम्बर राईले मर्जपछि बनेको सहकारी नमूना बन्न सकोस् भन्ने कामना गरे । न्यु नमूना बचत तथा ऋण सहकारी संस्थाका अध्यक्ष भोला भट्टराईले पनि आफ्नो धारणा राखेका थिए ।
८ ओटा सहकारी संस्थामध्ये सबैभन्दा धेरै शेयर सदस्य भएको सुन्दरपुर बचत तथा ऋण सहकारी संस्थाका अध्यक्ष कृष्णप्रसाद दाहाल एकीकृत संस्थाको अध्यक्ष हुने भएका छन् । १७ सदस्यीय सञ्चालक समितिमा ५ सय भन्दा कम शेयर सदस्य हुने संस्थाबाट १ जना सदस्य छानिने भएका छन् । १ हजारसम्म शेयर सदस्य हुने संस्थाबाट २ जना, २ हजारसम्म शेयर सदस्य हुने संस्थाबाट ३ जना र २ हजारभन्दा बढी शेयर सदस्य हुने संस्थाबाट ४ जना शेयर सदस्यले सञ्चालक समितिमा प्रतिनिधित्व गर्ने भएका छन् ।
सहमतिपत्रमा सुन्दरपुर बचत तथा ऋण सहकारी संस्थाका अध्यक्ष कृष्णप्रसाद दाहाल, गछिया बचत तथा ऋण सहकारी संस्थाका अध्ययक्ष अर्जुंनराज अधिकारी, गुराँस बचत तथा ऋण सहकारी संस्थाका अध्यक्ष भक्ति ढकाल, शुभलक्ष्मी बचत तथा ऋण सहकारी संस्थाका अध्यक्ष बलराम पोखरेल, न्यू नमुना बचत तथा ऋण सहकारी संस्थाका अध्यक्ष फणिन्द्र पौडेल, पिण्डेश्वरी बचत तथा ऋण सहकारी संस्थाका अध्यक्ष रवीन्द्रकृष्ण श्रेष्ठ, घरआँगन बचत तथा ऋण सहकारी संस्थाका अध्यक्ष उमेश उप्रेती र प्रारम्भ बचत तथा ऋण सहकारी संस्थाका अध्यक्ष झमक कार्कीले हस्ताक्षर गरेका छन् ।
Facebook Comment
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
मोरङको सुन्दरहरैंचास्थित गछिया बजार खेल मैदानमा बिहीबार भएको अन्तिम क्वार्टरफाइनल खेलमा राष्ट्रिय जागृति क्लबले झापाको दमक फुटबल एकेडेमीलाई २–० ले पराजित गर्दै प्रथम गछिया गोल्डकप अन्तर्राष्ट्रिय आमन्त्रण फुटबल प्रतियोगिताको सेमिफाइनलमा प्रवेश गरेको छ।
जागृतिका लागि प्रवेश बस्नेतले खेलको ११औँ मिनेटमा गोल गर्दै अग्रता दिलाए। त्यसपछि ३९औँ मिनेटमा योगेन्द्र कार्कीले दोस्रो गोल जोडेर टिमको जित सुनिश्चित गरे।
विजयी टिमका योगेन्द्र कार्की ‘प्लेयर अफ द म्याच’ घोषित भए र उनले नगद ५ हजार १ सय रुपियाँ प्राप्त गरे।
बिहीबारको खेलसँगै प्रतियोगिताको सेमिफाइनल समीकरण पूरा भएको छ। पहिलो सेमिफाइनल शुक्रबार सिराहाको सहलेस फुटबल क्लब र गाईघाट युनाइटेडबीच हुने छ।
दोस्रो संस्करणको नेपाल प्रिमियर लिग (एनपीएल) अन्तर्गत बिहीबार दुई खेल हुँदैछन्। पहिलो खेल ११:४५ बजे पोखरा एभेन्जर्स र काठमाण्डु गोर्खाज र अपराह्न ४ बजे सुदूरपश्चिम रोयल्स र चितवन राइनोजबीच हुँदैछ। दुवै खेल त्रिभुवन विश्वविद्यालय अन्तर्राष्ट्रिय क्रिकेट रङ्गशालामा हुनेछन्। पोखराका कप्तान कुशल भुर्तेल हुन् भने काठमाण्डुका कप्तान करण केसी हुन्। पोखराको नेतृत्व कुशल मल्लले गरेका छन् भने सुदूरपश्चिमको कप्तानीमा दीपेन्द्रसिंह ऐरी छन्। आजको खेलमा दुई कुशलसँग करण र दीपेन्द्रले प्रतिस्पर्धा गर्ने देखिन्छ। पाँच खेलबाट चार अङ्क मात्र जोडेको पोखरालाई प्लेअफको सम्भावना जीवित राख्न जित्नै पर्ने दबाब छ। काठमाडौँले भने छ खेलबाट आठ अङ्क जोडेको छ। प्लेअफमा पुगिसकेको सुदूरपश्चिम र प्लेअफको बाटोमा रहेको चितवन आमनेसामने हुनेछन्।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login