विराटचोकः सुन्दरहरैंचा नगरपालिकाले एउटा स्वागतयोग्य काम गरेको छ । नगरपालिकाका कर्मचारीको आन्तरिक सरुवामा यस पटक भने प्राविधिकलाई समेत वडामा पठाउने निर्णय भएको छ । ‘एक प्राविधिक, एक वडा’को अवधारणाअनुसार सबै वडामा प्राविधिक खटाउने निर्णय भएको हो ।

यस विषयमा सुन्दरहरैंचा वडा नम्बर ३ का वडाध्यक्ष जीवनप्रसाद ढुंगानाले नगरले स्वागतयोग्य काम गरेको बताए । धेरै अघिबाट प्राविधिकसहितको सेवा दिन नगरवासीले गरेको आग्रह यसपटक पूरा भएको उनको भनाइ छ । निर्णय स्वागतयोग्य भएको र कार्यान्वयन भएपछि नगरवासीले निर्णयको स्वागत गर्ने उनले बताए ।

यस्तै वडा नम्बर ३ मा सबै महिला कर्मचारी मात्र पठाएकोमा भने उनले असन्तुष्टि व्यक्त गरे । सचिवदेखि कार्यालय सहायकसम्म महिला हँुदा दैनिक काम गर्न असहज हुने भएकाले यो विषयमा नगरले सोच्नुपर्ने ढुंगानाको भनाइ छ ।

नगरपालिकाले साउन ५ गते तोकेको जिम्मेवारीअनुसार वडा नम्बर १ मा सब इञ्जिनियर प्रदीप राईलाई खटाएको छ । वडा नम्बर २ मा खड्ग बस्नेत, वडा नम्बर ३ मा सूचित मगर, वडा नम्बर ४ मा श्रीनारायण तबदार, वडा नम्बर ५ मा इश्वरजंग कार्की र वडा नम्बर ६ मा कुमार बस्नेतलाई खटाइएको छ ।

त्यस्तै, वडा नम्बर ७ मा कुशलराज निरौला, वडा नम्बर ८ मा भरोसा खतिवडा, वडा नम्बर १० मा सुनिल तिम्सिना, वडा नम्बर ११ मा अम्बिका गुरागाई, वडा नम्बर १२ मा अ.सब इन्जिनियर रोशनी कार्कीलाई जिम्मेवारी दिइएको हो । वडा नम्बर९ मा भने कसैलाई पनि जिम्मेवारी तोकिएको छैन । मन्त्रालयबाट समायोजन भइसकेकाले केही दिनमै वडा नम्बर ९ मा भने प्राविधिक पठाइने भएको छ ।

नगरपालिकाका प्रमुख प्रशासकीय अधिकृत दामोदर चापागाईले जनताको सहजताका लागि वडामा प्राविधिक पठाइएको र योजनाका काम गर्न सहज हुने बताए । यसभन्दा अघि एक जना प्राविधिकलाई २÷३ वडाको जिम्मा दिइँदै आइएकोमा अहिले सबै वडामा पुग्ने प्राविधिक भएकाले ‘एक वडा एक प्राविधिक’को व्यवस्था गरिएको चापागाईंले बताए । यसले विकास निर्माण प्रक्रियामा धेरै सहज हुने उनको भनाइ छ ।

कर्मचारीको जिम्मेवारी पनि हेरफेर
योसँगै नगरपालिकाले अन्य कर्मचारीको समेत जिम्मेवारी हेरफेर गरेको छ । अब न्यायिक समिति, विपद व्यवस्थापन शाखा, फाहोरमैला व्यवस्थापन तथा नगर प्रहरी व्यवस्थापनको जिम्मा सिजन श्रेष्ठलाई दिइएको छ ।

यसैगरी सामाजिक शाखामा सानुबाबु राई, राजस्व उपशाखामा वासुदेव अधिकारी र तुलसा भट्टराई, प्रशासन शाखामा वासुदेव सुवेदी र अनिल पोख्रेल, बस्ती विकास तथा घरनक्सा उपशाखामा विजयराज श्रेष्ठ, जिन्सी सहायकमा नवराज पोख्रेल तथा योजना प्रशासन शाखामा तीर्थराज घिमिरेलाई जिम्मा दिइएको छ ।

सबै वडा सचिव परिवर्तन
यसैगरी सबै वडा सचिवसमेत परिर्वतन गरिएको छ । वडा नम्बर १ मा सन्तोष अधिकारी, वडा नम्बर २ मा तिलकप्रसाद ढकाल, वडा नम्बर ३ मा लक्ष्मी भट्टराई, वडा नम्बर ४ मा रुद्रबहादुर श्रेष्ठ, वडा नम्बर ५ मा इन्द्रकुमार राई, वडा नम्बर ६ मा सावित्री खड्का, वडा नम्बर ७ मा रामप्रसाद आचार्य, वडा नम्बर ८ मा गुणनिधि दाहाल, वडा नम्बर ९ मा फडिन्द्र भट्टराई, वडा नम्बर १० मा कृष्णबहादुर दाहाल, वडा नम्बर ११ मा रामप्रसाद रेग्मी र वडा नम्बर १२ मा निर्मला गौतमलाई वडा सचिवको जिम्मेवारी दिइएको छ ।