शिक्षा / स्वास्थ्य
प्रधानाध्यापकलाई नै थाहा छैन निर्माणाधीन भवनको बजेट
विराटचोकः मोरङको सुन्दरहरैंचा नगरपालिकाको एउटा विद्यालयको भवन निर्माण हुँदासम्म विद्यालयलाई सो भवन बनाउन कति रकममा ठेक्का लाग्यो भन्ने बारेमा थाहा छैन ।
वडा नम्बर ६ मा रहेको बुद्ध आधारभूत विद्यालयको हातामा निर्माण भइरहेको भवनका बारेमा जानकारी माग्दा सो विद्यालयका प्रधानाध्यापक पवन राईले आफूलाई तराई मधेश समृद्धि कार्यक्रम मार्फत् ४० लाख रुपैयाँ मात्र आएको थाहा भएको तर भवन बनाउन कतिमा ठेक्का लाग्यो भन्ने थाहा नभएको बताए । यसै विषयमा वडा नम्बर ६ का अध्यक्ष जीवनकुमार राईले ४४ लाखमा सम्झौता भएर काम भइरहेको बताए ।
भवन निर्माणको जिम्मा पाएको माँ ॐ विराट निर्माण सेवाका प्रमुख अमरदीप खड्कासँग सम्पर्क गर्दा उनले त चकित नै पारिदिए । उनले भने, ‘यो निर्माण कतिमा हुँदैछ भन्ने मलाई जानकारी छैन । निर्माण चाहिँ हुँदै थियो असार २५ गतेबाट निर्माण गर्दागर्दै साइटबाट हटेको अवस्था छ । हामीले काम गरेसम्मको रकम लिने हो । कति लियौँ त्यो पनि थाहा छैन ।’
नगरपालिकाले ६९ लाखको लागत अनुमान गरेर ठेक्का आह्वान गरेको जनाएको छ । प्रक्रियामा जाँदा ४१ लाख १४ हजार ३ सय ३३ रुपैयाँमा ठेक्का लागेको कुरा विद्यालय, वडाध्यक्ष र निर्माण सेवाका सञ्चालकलाई समेत पत्तो छैन । नगरपालिकाले असार २५ गतेसम्मको मूल्याङ्कनका आधारमा १६ लाख ९७ हजार ७ सय ३२ रुपैयाँ भुक्तानी गरिसकेको नगरपालिकाका लेखा अधिकृत शेखर ढकालले बताए ।
तराई मधेस समृद्धि कार्यक्रमका लागि भदौमा बजेट आए पनि नगरपालिकाले भने चैत २० गते मात्र सम्झौता गरेर निर्माण सेवा कम्पनीले जेठ १६ गतेदेखि काम शुरु गरेको थियो ।
तीन कोठाको सो भवनमा हाल टाइबिमको काम सकेर इँटा जोड्न शुरु भएको छ । यो भवन निर्माणमा विद्यालयका शिक्षकले असन्तुष्टि जनाएका छन् । विद्यालयका शिक्षक युवराज आचार्यले विद्यालयले ४० लाखमा २ तले ६ कोठे भवन निर्माण गर्न नक्सा पेश गर्दासमेत नगपालिकाबाट ३ कोठाको मात्र निर्माणका लागि ठेक्का लगाएकोप्रति उनले गुनासो गरे ।
विद्यालयले भवन निर्माणमा लाग्ने लागतका बारेमा ठेकेदार र इञ्जिनियरलाई पटकपटक सोध्दासमेत किन रकम चाहियो, भवन चाहिएको होइन भन्ने जवाफ दिने गरेको शिक्षक आचार्यले बताए ।
गत आर्थिक वर्षमा तराई मधेस समृद्धि कार्यक्रममार्फत् सुन्दरहरैंचामा ५ करोड रकम विनियोजन भएको थियो । सो कार्यक्रममार्फत् आएको बजेटमा पछिल्लो समय निर्माण भएका संरचनाका बारेमा जनगुनासो आइरहेको छ ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login