विचार
क्वारेन्टाइनमा बस्दाको अनुभव
म दुबईबाट फर्किएको २२ दिन भयो । त्यहाँबाट नेपाल फर्कनको लागि धेरै समस्याहरु झेल्नुपरेको थियोे । विदेशबाट फर्केकाहरुले क्वारेन्टाइनमा बस्नुपर्ने नियमअनुसार म पनि क्वारेन्टाइनमा बसँे । १० दिन क्वारेन्टाइनमा बस्दा छुट्टै अनुभव लिन पाएँ ।
मलाई बिर्तामोडको हेभन वाटर पार्कमा राखिएको थियो । कहाँको क्वारेन्टाइनमा राख्छ, त्यहाँ कस्तो व्यवस्था होला, खानबस्नको कत्तिको सुविधा हुन्छ भन्ने लागेको थियो । बसेको पैसा लिन्छ लिँदैन भन्ने कौतुहलता लागिरहेको थियोे । विभिन्न देशबाट नेपाल फर्किएका त्यहाँ बस्न आएका रहेछन् । भारत, दुबई, जापान, अस्ट्रेलिया, मलेसियालगायतका देशबाट नेपाल फर्किएकाहरु क्वारेन्टाइनमा थिए ।
जे होस् राम्रो क्वारेन्टाइनमा परेँछु भनेर खुशी पनि लागेको थियो । नुहाउन, लुगा धुन तथा अन्य सबै दैनिक नित्यकर्मका लागि गर्नुपर्ने काममा कुनै अप्ठ्यारो थिएन । पहिलो दिनमा चाहिँ दिक्क लाग्यो भने त्यो रात निद्रा नै लागेन । म गर्मी मुलुकबाट आएको थिएँ । नेपालमा भने पानी परिरहेको थियो । धेरै समयपछि झरी देख्दा मनमा आनन्द आइरहेको थियो । क्वारेन्टाइनमा बसेकाहरु कतिले होहल्ला गर्थे । तास खेल्थे । कति चाहिँ क्वारेन्टाइनबाट उम्कन पाइन्छ कि भनेर सोच्थे ।
धन्य आफ्नै स्थानीय तहकै क्वारेन्टाइनमा बस्न पाइयो । घर पनि सबैको नजिकै थियो । क्वारेन्टाइनमै भेट्न परिवारका सदस्यहरु आउँथे । मलाई भेट्न बुबा, आमा बहिनी आउनुभएको थियो । फलफूल, दूध, मासु बोकेर परिवारका सदस्य भेट्न आउँथे । कम्पाउण्डभित्र नै बस्नुपथ्र्याे, बाहिर जान पाइँदैनथ्यो । क्वारेन्टाइनमा धेरै मानिसहरुसँग भेट्न पाइयो । विदेशमा गरेको दुःखसुख साटासाट गर्न पाइयो । हामी स्वस्थ भए पनि क्वारेन्टाइन बस्दा थिचोमिचो गरिएको र दबाबमा बसेजस्तो महसुस भयो ।
दुबईमा १५\१६ वर्ष दुःख गरेका बिर्तामोड निवासी भेषराज लम्सालले पनि आफ्नो अनुभव सुनाएका थिए । मैले पनि क्वारेन्टाइन बस्दाको फाइदा उठाएँ । प्राणायाम गरेँ । योग र ध्यानको अभ्यास गरेँ । त्यहाँ खान बस्न सबै निःशुल्क थियो । समयसमयमा खाना, चिया, नस्ता आउँथ्यो । कहिलेकाहीँ चाहिँ जेलमा बसे जस्तो लाग्थ्यो । लामो समयपछि घर आएको हुनाले मलाई घर जान नै हतार परेको थियो । घर नजिकै छ भनेर मलाई त्यति धेरै छटपटी भएन ।
मलाई भेट्न डेडी आइरहनुहुन्थ्यो । क्वारेन्टाइनमा बस्दा मास्क अनिवार्य लगाउनुपथ्र्याे । धेरै सुतेकाले ढाड नै दुख्थ्यो । कञ्चनजङ्घा नर्सिङ कलेजको बरन्डाबाट हेवन वाटर पार्कको दृश्य अति सुन्दर देखिन्थ्यो । क्वारेन्टाइनमा बसेको ५ दिनमा पीसीआर विधिबाट कोरोना जाँच भयो । त्यसको रिपोर्ट ५ दिनमा आयो । कोरोना रिपोर्ट नेगेटिभ आएपछि मात्र यस्तो लाग्यो कि म कोरोनाबाट मुक्त भएँ । अहिले म घर फर्किसकेको छु ।
Facebook Comment
प्रधानमन्त्री बालेन शाहले बुधबार अपराह्नका लागि बैठक बोलाएको उनको सचिवालयले जनाएको छ ।
बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा अपराह्न ४ बजे बस्नेछ ।
राष्ट्रिय स्वतन्त्र पार्टी (रास्वपा) का सभापति रवि लामिछानेको आह्वानमा आज सर्वदलीय बैठक बस्दैछ ।
बैठक बिहान ११ बजे रास्वपा संसदीय दलको कार्यालय सिंहदरबारमा बस्ने रास्वपाका प्रवक्ता जगदीश खरेलले जानकारी दिए ।
बैठकमा विपद् जोखिम न्यूनीकरण तथा व्यवस्थापनका लागि उच्चस्तरीय राजनीतिक संयन्त्र गठन गर्ने विषयमा छलफल हुने बताइएको छ ।
भदौ १० गते रसुवाको भोटेकोशीमा आएको बाढीपछि रास्वपा सभापति रविले भदौ ११ र १६ गते दुई पटक सर्वदलीय बैठक राखिसकेका छन् । प्रधानमन्त्री वालेन्द्र शाहले दलहरूसँगको संवादमा चासो नदिएपछि रवि आफैँले बैठक राखेका थिए ।
भदौ १६ गते बसेको सर्वदलीय बैठकमा दोस्रो तहका नेताहरू सहभागी भए । भोटेकोशी बाढीले निम्त्याएको संकट समाधानका लागि उच्चस्तरीय सर्वदलीय संयन्त्र गठनसम्बन्धी छलफल गर्न रास्वपाले उक्त बैठक राखेको थियो ।
त्यसअघि भदौ ११ गते लामिछानेले पहिलो बैठक बोलाएका थिए । त्यस बैठकले बाढी प्रभावित क्षेत्रका जनतालाई उद्धार, राहत तथा व्यवस्थापनको लागि उच्चस्तरीय संयन्त्र गठन गर्ने निर्णय गरेको थियो ।
जलवायु अन्यायविरुद्ध सामागाउँका युवा आमरण अनशन बस्ने भएका छन्। हिमाली क्षेत्रले भोगिरहेका दुःखकाविरुद्धमा जिल्लाको चुमनुब्री गाउँपालिका–१ सामागाउँका युवाले मनास्लु बेसक्यापमा आमरण अनशन बस्ने घोषणा गरेका हुन्।
जलवायु परिवर्तनबाट उत्पन्न जोखिम न्यूनीकरण गर्नुपर्ने मागसहित आगामी असोज २ गतेदेखि १८ गतेसम्म अनशन बस्न लागेको स्थानीय धावा नोर्बु लामाले बताए।
गोरखाका प्रमुख जिल्ला अधिकारीलाई सम्बोधन गरी लेखिएको आठबुँदे ध्यानाकर्षण पत्र सामागाउँका वडाध्यक्ष कर्मा छेवाङ लामा, मनास्लु संरक्षण क्षेत्र आयोजना (एमक्याप) को स्थानीय इकाइ कार्यालय र सामागाउँ प्रहरीचौकीमा पेस गरेको लामाले बताए।
पत्रमा मनास्लु आधार शिविर तथा सामागाउँ क्षेत्रमा यो वर्ष धेरै नयाँ हिमताल थप भइरहेकाले यसबाट उत्पन्न हुनसक्ने जोखिमको अध्ययन तथा यसबाट बच्न अपनाउनुपर्ने उपायको खोजी गर्न सरकारसमक्ष माग गरिएको छ।
‘मनास्लुको फेद (पुंगेन)मा ताल थपिएका छन्। वीरेन्द्र ताल, कालताल, घुन्सारफुकमा रहेको ताल, न्योचुथानमा रहेका तीन वटा ठूलो जोखिमयुक्त हिमताल एवं मनास्लु क्षेत्र र चुम क्षेत्रमा रहेका अन्य तालको हवाइ अनुगमन, निरीक्षण गरियोस्,’ पत्रमा भनिएको छ, ‘यी सबै तालको गहिराइ मापन गरी भविष्यमा हुनसक्ने हिमताल विस्फोटको जोखिम अध्ययन गरियोस्।’
ताल र नदीमा पानीको जलसतह नाप्ने संयन्त्र र जोखिम बढेमा सर्वसाधारणलाई सतर्क गराउन साइरन बज्ने प्रविधि जडान गर्न माग गरिएको छ।
नेपाल र चीनमा रहेका हिमताल तथा हिमनदीको संयुक्त रुपमा अध्ययन, अनुगमन गर्न माग गरिएको छ। एमक्यापजस्ता हिमाली क्षेत्रसँग सम्बन्धी संस्थाले देशभरका हिमाली क्षेत्रमा जलवायु परिवर्तनका कारण बढिरहेको जलसतहको नियमित अनुगमन र निगरानी राखी त्यसबाट उत्पन्न जोखिमबाट आसपासका नागरिकलाई सुरक्षित राख्न पहल गर्नुपर्ने माग गरिएको छ।
हिमाली क्षेत्रका विद्यालयमा जलवायु परिवर्तनको प्रभावका विषय पाठ्यक्रममा समेट्न पनि माग गरिएको छ। विश्वव्यापी वातावरणीय प्रदूषणमा नेपालको योगदान जम्मा शून्य दशमलव चार प्रतिशत योगदान रहेकामा प्रदूषण फैलाउने विकसित राष्ट्रबाट नेपालले पाउनुपर्ने जलवायू क्षतिपूर्ति र न्यायका लागि जोडदार पहल गर्न माग गरिएको छ।
हिमाली क्षेत्रमा परेको जलवायु परिवर्तनको वास्तविक प्रभाव प्रत्यक्ष अनुभव गर्न सहरमा हुने गरेका जलवायु सम्बन्धी बैठक, सेमिनार हिमाली क्षेत्रमा आयोजना गर्न विभिन्न राष्ट्रिय, अन्तरराष्ट्रिय सरकारी, गैरसरकारी संस्थासँग माग गरिएको छ।
सन् २०२७ मा एलनिनोको प्रभावले हिमाली क्षेत्रमा अझै धेरै असर पर्ने हुनाले हिमाली बस्तीका नागरिकको जीवन रक्षा गर्न पूर्वतयारी गर्न पनि माग गरिएको छ। सुरुमा आफू एक्लै आमरण अनशन बस्ने र आफूलाई साथ दिन धेरै युवा तयार रहेको धावा नोर्बु लामाले बताए।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner7 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login