स्थानीय तह
‘म भ्रष्टाचार गर्न निर्वाचित भएकी होइनः उपमेयर धनमाया तामाङ
विराटचोकः सुन्दरहरैंचा नगरपालिकाकी उपमेयर धनमाया तामाङले आफू भ्रष्टाचार गर्नको लागि निर्वाचित नभएको बताएकी छिन् । आफ्नो कार्यकक्षमा आज पत्रकार सम्मेलन गर्दै उनले भ्रष्टाचारमा संलग्न रहेको भनी आफ्नो नाम जोडिएकोमा आपत्ति जनाइन् ।
‘म हिजो पनि भ्रष्टाचारमा संलग्न थिइनँ, आज पनि छैन र भोलि पनि हुने छैन,’ पत्रकार सम्मेलनमा उपमेयर तामाङले भनिन्, ‘अनुगमनमा जाँदा भत्ता लिन पाउने नियम नै छ । तर पनि म अनुगमनमा जाँदा कहिल्यै भत्ता लिन्नँ । कानुनी रुपमा लिन पाउने पैसा पनि नलिने मान्छेलाई भ्रष्टाचारको विषयमा नाम जोड्नु आपत्तिजनक छ ।’ निःस्वार्थ भावले काम गरिरहँदा पनि भ्रष्टाचारजस्तो विषयमा नाम जोडेर चरित्रहत्या गर्न खोजिएकोमा आफ्नो आपत्ति रहेको उनले बताइन् ।
उपमेयरको काम अनुगमन गर्ने हो भन्ने बुझ्दाबुझ्दै अनियमितताको आक्षेप लगाउनुअघि सत्यतथ्य खोजी नगरिएको उनको भनाइ थियो । पार्टीले आफूलाई जनताको काम गर्न पठाएको हुनाले त्योभन्दा दायाँबायाँ आफूले काम नगरेको उनले बताइन् । आफूले काम गर्ने क्रममा गल्तीले काम भएको भए त्यसको नैतिक जिम्मेवारी आफूले लिने तर नियत नै खराब राखेर आफूले कहिल्यै कुनै काम नगर्ने उनले बताइन् ।
सबै योजनाको काम उपभोक्ता समितिमार्फत् नै गर्ने प्रयास भए कतिपय योजनाको काम खरीद ऐनअनुसार गर्नुपर्ने भएको र कतिपय योजनामा उपभोक्ताले साझेदारी गर्न नसक्दा ठेक्का प्रक्रियामा गएको उनको भनाइ थियो ।
पछिल्लो समय तराई मधेस समृद्धि कार्यक्रमअन्तर्गत सम्पन्न योजनामा प्रश्न उठेपछि प्राविधिकहरुको संलग्नतामा छानबिन समिति बनेको र सो समितिले सत्यतथ्य बाहिर ल्याउने उनले बताइन् ।
पत्रकार सम्मेलनमा लेखा अधिकृत शेखरप्रसाद ढकाल, वडाध्यक्षहरु जीवन राई, बिसनलाल चौधरी र रोशनप्रसाद ढकाल तथा कार्यपालिका सदस्य तारा घिमिरेको पनि उपस्थिति थियो ।
यसअघि भ्रष्टाचारको विषयमा बुधबार मेयर शिवप्रसाद ढकालले पत्रकार सम्मेलन गरी भ्रष्टाचारमा संलग्नलाई छुट नदिइने बताएका थिए । छानबिन समितिले दोषी देखाएका व्यक्तिलाई हदैसम्मको कार्वाही हुने उनको भनाइ थियो ।
Facebook Comment
Banner
लिभरपुलसँग हारेपछि टोटनहम अझ कमजोर
इंग्लिस प्रिमियर लिगमा टोटनहमको खराव लय आइतबार पनि कायम रह्यो र एनफिल्डमा भएको खेलमा लिभरपुलको हातबाट ४–२ ले पराजित रह्यो । यो हारले टोटनहमको शीर्ष चारको सम्भावना अझ कमजोर बनेको छ ।
टोटनहम ६० अंकसहित पाँचौं स्थामा छ र यो चौथोमा रहेको एस्टन भिल्लासँग सात अंकको दूरी हो । भिल्ला यसअघि ब्राइटनसँग १–० ले पराजित रहेको थियो । तर टोटनहमले त्यसको फाइदा लिन सकेन ।
लिभरपुल भने ७८ अंकसहित तेस्रो स्थानमा रह्यो । आइतबारकै अर्को खेलमा चेल्सीले वेस्ट ह्यामलाई ५–० ले हरायो र ५४ अंकमा सातौं स्थानमा उक्लिन सफल रह्यो ।
Banner
भोजपुरमा ७ वर्षीया बालिकालाई जबरजस्ती करणी
भोजपुरमा ७ वर्षीया बालिकालाई जबरजस्ती करणी गरेको आरोपमा प्रहरीले एक जनालाई पक्राउ गरेको छ ।
भोजपुरको षडानन्द नगरपालिका १ खोवाचा बस्ने ३० वर्षीय अमृत मंग्रातीलाई शनिबार बिहान प्रहरीले पक्राउ गरेको हो । मंग्रातीले ती बालिकालाई वैशाख ११ गते दिउँसो सोही ठाउँस्थित झाडीमा लगेर ललाई फकाई जबरजस्ती करणी गरेको भन्ने उजुरीको आधारमा प्रहरी चौकी कुदाकाउलेबाट खटिएको प्रहरीले उनलाई पक्राउ गरेको हो । घटना सम्बन्धमा थप अनुसन्धान भइरहेको प्रहरीले जनाएको छ ।
Banner
आज – २४ बैशाख २०८१ सोमवार को राशिफल
मेष
मेष (चु, चे, चो, ला, लि, लु, ले, लो, अ) समय व्यवस्थापन गर्न गारो होला र कार्य सम्पादनमा समस्या आउला । जिद्दीपनाले गर्दा काम बिग्रने डर छ । दबाब र तनाव बढेको महसुस हुनेछ ।
मिथुन
मिथुन (का, कि, कु, घ, ङ, छ, के, को, हा) लाभदायक यात्राको सम्भावनालाई नकार्न सकिँदैन । मित्रताको बन्धन कसिनुका साथै सुखमा रमाउने समय छ । नोकरी गर्नेले मानसम्मान पाउनेछन् ।
सिंह
सिंह (मा, मि, मु, मे, मो, टा, टि, टु, टे) आज मान्यजनको सुझाव अप्रिय लाग्नेछ । महत्त्वपूर्ण कार्यमा व्यवधान आइपर्ला । नजिक व्यक्तिबाट धोका पाइनसक्छ, सचेत रहनुहोला ।
तुला
तुला (रा, रि, रु, रे, रो, ता, ति, तु, ते) आज चिताएको कामले तीव्रता लिनेछ । सामाजिक क्षेत्र र नोकरीबाट मानसम्मान मिल्न सक्छ । परिश्रम अनुसार उपलब्धि पनि राम्रै पाइनेछ ।
धनु
धनु (ये, यो, भा, भि, भु, धा, फा, ढा, भे) आज मनमा दोधारको अवस्था सिर्जना हुनसक्छ । विचार पुर्याएर निर्णय लिनु राम्रो होला, तर मेहनेत अनुसार आर्थिक लाभ भने मिल्नेछ ।
कुम्भ
कुम्भ (गु, गे, गो, सा, सि, सु, से, सो, दा) आज नयाँ उद्योग वा रचनात्मक काममा जुट्ने समय छ । परिश्रमअनुसार उपलब्धि पनि राम्रै पाइएला । रोकिएका काम पुनः सुरु हुन सक्छन् ।
बृष
वृष (इ, उ, ए, ओ, वा, वि, वु, वे, वो) आज लामो समयदेखि रोकिएका अधुरा कामहरू पुरा हुनेछन् । हर्ष र प्रसन्नताका बीचमा समय व्यतीत हुनेछ । स्वास्थ्य पनि सबल नै रहनेछ ।
कर्कट
कर्कट (हि, हु, हे, हो, डा, डि, डु, डे, डो) आज रमणीय र सुखद् यात्राको योग छ । धर्म र आस्था बढ्नेछ । जीवनसाथीको सल्लाहमा गरिएको कार्यबाट अधिक सफलता मिल्नेछ ।
कन्या
कन्या (टो, पा, पि, पु, ष, ण, ठ, पे, पो) आज शुभकार्यको चर्चा चल्नेछ । परिवारजनको साथले नयाँ आशा पलाउनेछ । बन्दव्यापारका क्षेत्रमा उन्नति प्रगतिको वातावरण बन्नेछ ।
बृश्चिक
वृश्चिक (तो, ना, नि, नु, ने, नो, या, यि, यु) आज धार्मिक र सांस्कृतिक सभासमारोहमा सरिक हुने सम्भावना छ । जग्गा जमिनको कारोबारबाट राम्रो फाइदा हुनेछ । धन हात पनि पर्नेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) आज तर्क, विवाद र प्रतिस्पर्धामा राम्रो सफलता मिल्नेछ । न्यायिक कार्यमा सफलता मिल्नेछ । जटिल ठानिएको कामसमेत सम्पादन हुनसक्छ ।
मीन
मीन (दि, दु, थ, झ, ञ, दे, दो, चा, चि) आज एकपछि अर्को अवसर आउनाले मन प्रसन्न रहनेछ । रमाइलो यात्रा गर्ने अवसर प्राप्त हुनेछ । आफ्नो हातबाट शुभ कार्य गर्न पनि पाइनेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login