शिक्षा / स्वास्थ्य
नेपालमा ९१ दिनमा १०० जना कोरोना संक्रमितको मृत्यु
विराटचोकः नेपालमा पहिलो कोरोना संक्रमित व्यक्ति २०७६ साल माघ ९ गते काठमाडौंमा फेला परेका थिए । त्यसको २ महिनापछि थप संक्रमित भेटिएपछि संक्रमण नफैलियोस् भनेर चैत ११ गतेदेखि सरकारले देशभर लकडाउन घोषणा गरेको थियो । ३ महिना सरकारले पूर्ण लकडाउन लगाए पनि त्यसपछि आंशिक लकडाउन लगाएको थियो । पछिल्लो समय संक्रमण फैलिँदै जाँदा लकडाउनको अधिकार स्थानीय तहलाई दिइएपछि धेरै स्थानीय तहले पुनः लकडाउन घोषणा गरेका छन् । देशभर २५ हजार ५ सय भन्दा बढी संक्रमित हुँदा सक्रिय संक्रमितको संख्या ७ हजार ९ सय १३ जना छ ।
कोरोना संक्रमणका कारण नेपालमा पहिलो मृत्यु २०७७ जेठ ३ गते भएको थियो । सो दिनसम्ममा नेपालमा २ सय ८१ जना संक्रमित पुगेका थिए भने ३६ जना निको भएका थिए । सो दिनसम्ममा २६ हजार ६ सय ९४ स्वाबको नमूना पीसीआर विधिबाट परीक्षण गरिएको स्वास्थ्य मन्त्रालयको तथ्यांकले देखाउँछ ।
त्यसपछिका ९१ दिन अर्थात् साउन ३० गतेसम्ममा १०० जनाको मृत्यु कोरोना संक्रमणका कारण भएको छ । यद्यपि मन्त्रालयले भने ९९ जनाको मृत्यु मात्रै पुष्टि गरेको छ । साउन ३० गते नै मृत्यु भएका पर्साका ६५ वर्षीय पुरुषको मृत्युको बारेमा भने मन्त्रालयले पुष्टि गर्न बाँकी रहेको हो ।
जेठ महिनामा १९ जनाको मृत्यु
जेठ महिनामा १९ जनाको मृत्यु भएको थियो । जसमा ३ जना महिला थिए । मृत्यु हुनेमध्ये आधाभन्दा बढीको मृत्युपछि मात्रै कोरोना पुष्टि भएको थियो । २ वर्षीया बालिकादेखि ७६ वर्षीय पुरुषको मृत्यु भएको थियो । जेठ ३२ सम्ममा नेपालमा कोरोना संक्रमितको संख्या ५ हजार ७ सय ६० जना पुगेको थियो । जसमा ४ सय ३६ जना महिला थिए । जम्मा ९ सय ७४ जना उपचारपछि घर फर्किएका थिए । जेठ मसान्तसम्ममा नेपालका ७३ जिल्लामा कोरोना संक्रमण फैलिएको थियो ।
गुल्मीमा २ जना, अर्घाखाँचीमा २ जना, र बारामा २ जनाको मृत्यु भएको थियो । सिन्धुपाल्चोक, दोलखा, बाजुरा, पाल्पा, चितवन, स्याङ्जा, कैलाली, पर्सा, सुर्खेत, बाँके, दैलेख, ललितपुर र डोल्पामा १\१ जनाको मृत्यु भएको थियो । प्रदेश नम्बर १ बाहेक सबै प्रदेशमा संक्रमृतको मृत्यु भएको थियो । प्रदेश नम्बर ५ मा सबैभन्दा धेरै ५ जनाको ज्यान गएको थियो ।
रौतहटमा ७ सय ९०, कपिलवस्तुमा ६ सय ३३ र दैलेखमा ५ सय ३८ जना संक्रमित फेला परेका थिए । चौथो स्थानमा रहेको सर्लाहीमा ३ सय ९४ जना संक्रमित फेला परेका थिए ।
असारमा ७७ जिल्लामै फैलियो संक्रमण
असारमा मृत्युदर जेठ महिनाकै दरमा रहेको थियो । जेठमा १९ जनाको मृत्यु भएको थियो भने असारमा थप २० जनाको मृत्यु भएपछि असार ३१ गतेसम्ममा मृतकको संख्या ३९ जना थियो । असारसम्ममा सबै जिल्लामा संक्रमण फैलिएको थियो । नेपालमा सबैभन्दा पछि रसुवामा असार १३ गते कोरोना संक्रमण पुष्टि भएको थियो ।
असारमा सरकारले आरडीटीलाई भन्दा पीसीआर विधिको परीक्षणलाई प्राथमिकता मात्रै दिएन आरडीटी विधिबाट परीक्षण नै गर्न छोड्यो । फलस्वरुप असार २३ गतेसम्ममा आरडीटी विधिबाट ३ लाख १२ हजार ४ सय २ जनाको परीक्षण गरेकोमा हालसम्म आरडीटी परीक्षणको संख्या ३ लाख १२ हजार ४ सय २ नै छ ।
असार मसान्तसम्ममा २ लाख ९८ हजार ८ सय २९ नमुनाको पीसीआर विधिबाट स्वाब परीक्षण गरिएको थियो । संक्रमितको संख्या १७ हजार १ सय ७७ जना पुगेको थियो भने ११ हजार २ सय ५ जना निको भइसकेकाले ६ हजार १ सय १३ जनामात्रै आइसोलेसनमा रहेका थिए । जेठ महिनामा पौने २ लाख जति क्वारेन्टाइनमा रहेकामा असार मसान्तमा आइपुग्दा यो संख्या २४ हजार ५ सय २७ मा झरेको थियो ।
Facebook Comment
इलाम क्षेत्र नं. १ को प्रतिनिधिसभा निर्वाचनको मतगणना रोचक मोडमा पुगेको छ।
पछिल्लो प्राप्त तथ्याङ्क अनुसार नेपाली कांग्रेसका उम्मेदवार निस्कल राई र श्रम संस्कृति पार्टीका उम्मेदवार बिनोद नेम्बाङबीच तीव्र प्रतिस्पर्धा देखिएको छ।
मतगणनाको पछिल्लो नतिजा अनुसार श्रम संस्कृति पार्टीका विनोद नेम्वाङ लिम्बु ११,४३६ मतका साथ कडा टक्कर दिइरहेका छन्। नेपाली कांग्रेसका निश्कल राई ११,५६७ मतसहित झिनो अन्तरले अगाडि देखिएका छन्। नेकपा एमालेका काजी मान कागते १०,४४७ मतका साथ उनीहरूलाई पछ्याइरहेका छन्।
राष्ट्रिय स्वतन्त्र पार्टीका विमल गदाल (घण्टी) ले ७,४५१ मत प्राप्त गरेका छन्। मंगोल नेशनल अर्गनाइजेसनका रण बहादुर राई (पाँचकुने तारा) ले ६,१२६ मत पाएका छन्।
अहिले सूर्योदय नगरपालिका ८ को गणना भइरहेको र १०, ११, १२, १३ र १४ नम्बर वडाको गणना हुन बाँकी रहेको बताइएको छ।
न्युजिल्यान्डलाई ९६ रनले हराउँदै भारतले आईसीसी टी–२० विश्वकप क्रिकेटको उपाधि जितेको छ । भारतको अहमदाबादमा रहेको नरेन्द्र मोदी स्टेडियममा गएराति भएको खेलमा घरेलु टोली भारतले न्युजिल्यान्डलाई ९६ रनले हरायो ।
भारतले दिएको २५६ रनको लक्ष्य पछ्याएको न्युजिल्यान्डले १९ ओभरमा १५९ रन बनाउँदा सबै विकेट गुमायो । न्युजिल्यान्डका टिम साइफर्टले ५२, कप्तान मिचेल स्यान्टरले ४३ रन बनाए । भारतका जसप्रित बुमराहले ४, अक्षर पटेलले ३ विकेट लिए ।
यसअघि टस हारेर ब्याटिङ गरेको भारतले २० ओभरमा ५ विकेट गुमाएर २५५ रन बनायो । भारतका सन्जु सामसनले ५९, ईशान किशनले ५४, अभिषेक शर्माले ५२ रन बनाए । न्युजिल्यान्डका जेम्स नीशमले ३ विकेट लिए ।
योसँगै भारत लगातार दोस्रो तथा समग्रमा तेस्रो पटक उपाधि जित्ने पहिलो टोली बनेको छ । भारतले यसअघि सन् २००७ र २०२४ मा उपाधि जितेको थियो ।
न्युजिल्यान्ड भने दाेस्राे पटक उपविजेता बनेकाे छ । न्युजिल्यान्ड यसअघि सन् २०२१ काे फाइनलमा अस्ट्रेलियासँग पराजित भएकाे थियाे ।
भारतले पछिल्लो २० महिनामा तेस्रो आईसीसी उपाधि जितेको छ । भारतले सन् २०२४ को जुनमा टी–२० विश्वकप जितेको थियो । यस्तै २०२५ को मार्चमा आईसीसी च्याम्पियन्स ट्रफी जितेको भारतले गएराति टी–२० विश्वकप उपाधि जित्यो ।
१०औँ संस्करणको टी–२० विश्वकपमा लगातार तेस्रो अर्धशतक बनाउने भारतका सन्जु सामसन प्रतियोगिताकै उत्कृष्ट खेलाडी बनेका छन् । यस्तै भारतकै जसप्रित बुमराह फाइनल खेलकाे उत्कृष्ट खेलाडी बनेका छन् ।
अन्तर्राष्ट्रिय महिला दिवसको अवसरमा इन्द्रपुर जेसिजले “नारी सम्मान” कार्यक्रम आयोजना गरी समाजका विभिन्न क्षेत्रमा उल्लेखनीय योगदान पुर्याउँदै आत्मनिर्भरता, साहस र सेवाभावको उदाहरण प्रस्तुत गर्ने महिलाहरूलाई सम्मान गरेको छ।
कार्यक्रममा सफारी रिक्सा चालकका रूपमा ६ वर्षदेखि निरन्तर परिश्रम गर्दै आत्मनिर्भरताको प्रेरणादायी उदाहरण प्रस्तुत गरेकी आशा विश्वकर्मा, अटो चालकका रूपमा सक्रिय रहँदै महिलाहरू पनि कुनै क्षेत्रमा पछि पर्दैनन् भन्ने सन्देश दिएकी ज्योति मण्डल, सामुदायिक स्वास्थ्य स्वयंसेविकाका रूपमा लामो समयदेखि स्वास्थ्य सचेतना फैलाउँदै आएकी विष्णुमाया कार्की तथा महिला सशक्तिकरण र महिला स्वास्थ्य क्षेत्रमा सक्रिय पूजा कोइरालालाई सम्मान गरिएको थियो।
कार्यक्रम संयोजक जेसी अल्का सुबेदीको संयोजनमा सम्पन्न कार्यक्रम इन्द्रपुर जेसिजका अध्यक्ष जेसी समीर बस्नेतको अध्यक्षतामा सम्पन्न भएको थियो। कार्यक्रममा प्रमुख अतिथि इन्द्रपुर जेसिजकी प्रथम महिला अध्यक्ष जेसी बिनु सुबेदी आचार्य रहेकी थिइन्।
वक्ताहरूले समाजमा महिलाको भूमिका अत्यन्त महत्वपूर्ण रहेको उल्लेख गर्दै महिला सशक्तिकरण, समान अवसर र सम्मानजनक सहभागितालाई अझ सुदृढ बनाउन यस्ता कार्यक्रमले सकारात्मक सन्देश दिने बताएका थिए। कार्यक्रममा जेसिज पदाधिकारी, सदस्य तथा विभिन्न क्षेत्रका व्यक्तित्वहरूको उल्लेख्य उपस्थिति रहेको थियो।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login