शेयर
बीमा कम्पनीमा झुम्मिए लगानीकर्ता, उच्च मूल्य बढ्ने र उच्च कारोबार हुनेमा पुनर्बीमा अगाडि
विराटचोकः आज नेपाल पुनर्बीमा कम्पनीको शेयरमा लगानीकर्ता बढी झुम्मिएका छन् । ९ अंकभन्दा बढीले बढेको शेयर बजारमा १ अर्ब ८५ करोड ५१ लाख रुपैयाँको कारोबार भएको छ ।
नेपाल पुनर्बीमा कम्पनीको अध्यक्षमा यमलाल भुसाल नियुक्त भएको सूचना सार्वजनिक भएसँगै कम्पनीको शेयरमा लगानीकर्ता झुम्मिएका छन् । आज सो कम्पनीको सबैभन्दा धेरै २८ करोड ७४ लाख रुपैयाँको शेयर किनबेच भएको छ । त्यस्तै, बढी मूल्य बढ्नेमा पनि सोही कम्पनी परेको छ । कम्पनीको शेयरमूल्य ७ दशमलव ६९ प्रतिशतले बढेर प्रति कित्ता ६ सय ७२ रुपैयाँ पुगेको छ ।
आशा लघुवित्त, सूर्या लाइफ इन्स्योरेन्स, पञ्चकन्या माई हाइड्रोपावर र प्राइम लाइफ इन्स्योरेन्स उच्च मूल्य बढ्ने कम्पनीमा परेका छन् ।
मूल्य बढ्नेमा बीमा कम्पनी, मूल्य घट्नेमा जलविद्युत कम्पनी
शून्य दशमलव ६५ प्रतिशत अर्थात् ९ दशमलव ३४ अंक बढेर बजार परिसूचक १ हजार ४ सय ४० दशमलव ९४ अंकमा अडिएको छ । नेपाल पुनर्बीमा कम्पनीपछि नेको इन्स्योरेन्स, सूर्या लाइफ इन्स्योरेन्स, नेपाल लाइफ इन्स्योरेन्स र एशियन लाइफ इन्स्योरेन्स उच्च मूल्य बढ्ने कम्पनीमा परेका छन् ।
बढी मूल्य घट्ने कम्पनीमा भने जलविद्युत समूहका कम्पनी र फाइनान्स कम्पनी धेरै रहेका छन् । समृद्धि फाइनान्सको शेयरमूल्य सबैभन्दा धेरै साढे ६ प्रतिशतले घटेको छ । त्यस्तै, युनियन हाइड्रोपावर, नेशनल हाइड्रोपावर, पोखरा फाइनान्स, रिडी हाइड्रोपावर उच्च मूल्य घट्ने कम्पनीमा परेका छन् ।
Facebook Comment
Banner
शल्यक्रिया नगरी मुटुको प्वाल टाल्ने प्रविधिले बिरामीलाई सहजता, के हो ए. एस. डी. क्लोजर प्रविधि ?
मोरङ । लेटाङका एक जना २३ वर्षका युवकको मुटुको प्वाल नोबेल मेडिकल कलेज टिचिङ हस्पिटलमा विना शल्यक्रिया टालिएको छ । लेटाङ निवासी अमिस मगरको विना शल्यक्रिया नोबेलका मुटुरोग विशेषज्ञ प्रा. डा. राजेश नेपाल नेतृत्वको चिकित्सा टोलीले ए. एस. डी. क्लोजर प्रविधिबाट मुटुको जन्म जात प्वाल टालेको हो ।
Banner
हाइड्रोजन र पेट्रोल–डिजल दुवै प्रकारका इन्धनबाट चल्ने इन्जिन नेपालमै विकास गरेर गाडी गुडाउने तयारी अन्तिम चरणमा पुगेको छ ।
हाइड्रोजन र पेट्रोल–डिजल दुवै प्रकारका इन्धनबाट चल्ने इन्जिन नेपालमै विकास गरेर गाडी गुडाउने तयारी अन्तिम चरणमा पुगेको छ । यदि यसले व्यवसायिक रुप पाएमा गाडी धनीहरुलाई पेट्रोल/डिजल र हाइड्रोजन दुवै प्रकारको ऊर्जा प्रयोग गर्न मिल्ने विकल्प हुने छ ।
पेट्रोल–डिजल प्रयोग गरेर तपाईंले चलाइरहेको गाडी हाइड्रोजनबाट पनि चल्ने होस् भन्ने चाहनु भएको छ ? यदि छ भने तपाईंका लागि खुसीको खबर छ । नेपालमा डिजल–पेट्रोलबाट चल्ने गाडीमै हाइड्रोजन पनि प्रयोग गर्न मिल्ने गरी इन्जिनको विकास गर्ने काम अन्तिम चरणमा पुगेको छ ।
हाइब्रिड खालको इन्जिन विकासका लागि रिन्यु जेन रिसोर्सेस नेपालले बेलायतको एक विश्वविद्यालय र नेपालको इन्जिनियरिङ अध्ययन संस्थान पुल्चोकसँग समझदारी पत्रमा हस्ताक्षर गरेर काम गरिरहेको छ । सो समझदारी अनुसार पेट्रोल–डिजलबाट चलिरहेको गाडीको इन्जिनलाई सामान्य परिमार्जन गरी हाइड्रोजनबाट पनि चलाउने प्रक्रिया अन्तिम चरणमा पुगेको छ ।
Banner
सार्वजनिक ठाउँमा चल्ने निःशुल्क अर्थात् फ्रि–चल्ने वाईफाईबाट बैंकिङ कारोबार नगर्नुहोला।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login