अर्थ
‘भूत बङ्गला’ मा परिणत भएको कृषि विकास बैंकको इन्द्रपुर शाखा
विराटचोकः कृषि विकास बैंक लिमिटेड इन्द्रपुर शाखाको भवन अलपत्र परेको छ । २०४५ सालतिर निर्माण भएको सो भवनमा तत्कालीन विद्रोही नेकपा माओवादीले २०५९ सालमा बम आक्रमण तथा आगजनी गरी कागजपत्र जलाएको थियो । त्यसपछि अहिलेसम्म सो भवन सञ्चालनमा आएको छैन ।
सो भवन सञ्चालन नहुँदा अहिले ‘भूत बङ्गला’ बनेको छ । यसका कारण नजिकै रहेको बस्तीमा समेत असर पुगेको स्थानीयले बताए । भवन वरिपरि झाडी र फोहोरमात्रै छ । यसले बजार विस्तारलाई असर पुर्याउनुका साथै यो ठाउँको वातावरणलाई नै दूषित बनाउन थालेको स्थानीय रामप्रसाद गजुुरेल बताउँछन् । सो भवन मर्मत गरी सञ्चालनमा ल्याउनुपर्ने उनको भनाइ छ । पूूर्वपश्चिम राजमार्गमै जोडिएको सो भवनको मर्मत नहुँदा तथा त्यहाँको घाँसपात नकाटिँदा भवन वरपरको बस्ती नै कुरुप देखिने गरेको उनले बताए ।
अहिले कृषि विकास इन्द्रपुर शाखाले विराटचोकमा रहेको भाडाको घरबाट सेवा दिइरहेको छ । भाडामा बस्दै आएको घरसमेत चुहिन थालेको छ । घरको मर्मत गर्ने दायित्व घरधनीको भए पनि घरधनी विदेशमा बस्ने हुनाले समस्या भएको शाखा प्रबन्धक विष्णु पाल बोहोराले बताए । अघिल्लो आर्थिक वर्षमा पनि भवन निर्माणका लागि रकम छुट्याइए पनि भवन बन्न भने नसकेको उनले बताए । भवन निर्माणको काम केन्द्रीय कार्यालयमार्फत् हुने उनले जानकारी दिए ।
बैंकका पूर्व उपमहाप्रबन्धक चुडामणि तिम्सिना प्राविधिक जनशक्तिको अभावका कारण भवन निर्माणमा ढिलाइ भएको बताउँछन् । आफू उपमहाप्रबन्धक हुँदा विभिन्न स्थानका भवन निर्माणका लागि बजेट विनियोजन गरे पनि इन्द्रपुर शाखाको भवन बन्न नसक्नुमा प्राविधिक जनशक्तिको अभाव नै मुख्य समस्या रहेको उनको भनाइ छ । इन्द्रपुर शाखाको लागि भवन आवश्यक रहेको हुनाले चाँडै भवन बन्ने आश गर्न सकिने उनले बताए । २ वर्ष अघि लिइएको परीक्षाको नतिजा आएपछि बैंकमा आवश्यक जनशक्ति थपिने र त्यसपछि केही वर्षदेखि थाँती रहँदै आएका भवन बन्ने तिम्सिनाले बताए ।
बैंकको इन्द्रपुर शाखामा २०६७ सालदेखि २०७० सालसम्म प्रबन्धक रहेका गोपालप्रसाद पौड्यालले बैंकको नाममा रहेको जग्गाको चारैतिरको साँध सिमाना २०७० सालमा छुट्याएका थिए । जग्गाको साँधको विषयमा विवाद हुन थालेपछि सिमाना छुट्याइएपछि भवन निर्माणको आवाज उठ्न थालेको थियो । त्यसको ५ वर्षपछि आर्थिक वर्ष २०७५\०७६ देखि भवन निर्माणको लागि बजेट छुट्याउन थालिएको थियो ।
नेपाली कांग्रेसको आसन्न नगर अधिवेशनलाई लक्षित गर्दै सुन्दरहरैँचा नगर उपसभापति पदमा कमल ढुङ्गाना ‘कुन्दन’ले उम्मेदवारी घोषणा गरेका छन्।
ढुङ्गाना हाल नेपाल तरुण दलको कार्यवाहक सभापतिको जिम्मेवारीमा छन् भने गछिया जेसीजका अध्यक्षसमेत हुन्। लामो समयदेखि सामाजिक तथा युवा क्षेत्रमा सक्रिय ढुङ्गाना युवामाझ लोकप्रिय मानिन्छन्।
सरल स्वभाव, लगनशीलता र नेतृत्व क्षमताका कारण युवापंक्तिमा आफ्नो छुट्टै पहिचान बनाएका ढुङ्गानाले पार्टी संगठनलाई थप सुदृढ बनाउँदै युवाको सहभागिता र नेतृत्व विकासलाई प्राथमिकता दिने बताएका छन्।
नगर उपसभापतिको उम्मेदवारीसँगै ढुङ्गानाले पार्टीभित्र युवाको सक्रिय सहभागिता बढाउने, संगठनलाई जनमुखी बनाउने तथा कार्यकर्ताबीचको सम्बन्धलाई थप मजबुत बनाउने आफ्नो उद्देश्य रहेको बताएका छन्।
सरकारले १० भदौमा आएको विनाशकारी रसुवा बाढीलाई ‘हिमालयन सुनामी’ नामकरण गरेको छ । सरकारले त्यही नामबाट संयुक्त राष्ट्रसंघको महासभामा सम्बोधन गर्ने अन्तर्राष्ट्रिय सम्बन्ध तथा पर्यटन समितिको बैठकमा उक्त नाम सुनाएका हुन् ।
संयुक्त राष्ट्रसंघीय महासभामा जानुअघि समितिलाई भ्रमणबारे जानकारी गराउँदै मन्त्री खनालले भने, ‘अहिलेको जुन बाढी छ, मैले सुनामी भन्ने गरेको छु– हिमालयन सुनामी । जुन डिजास्टर अनुभव गरियो, जसले पछिल्लो समय कम्तीमा पनि २०/२५ वर्षदेखि बनाइराखेको समृद्धिको न्यारेटिभमा नै धक्का पुर्याएको छ,’ उनले भने ।
१० भदौमा भोटेकोसीमा आएको बाढीले रसुवा, धादिङ, नुवाकोटमा सबैभन्दा बढी प्रभावित बनाएको छ । रसुवा र नुवाकोटमा भएको क्षति भने निकै बढी छ । बस्ती नै बगाएका कारण कम्तीमा पनि १० हजार नागरिक बेपत्ता भएको अनुमान छ । विभिन्न जलविद्युत् आयोजनादेखि अन्य संरचनाहरूमा पनि क्षति पुर्याएको छ ।
लाङटाङ लिरुङ हिमालमा भएको विस्फोटपछि तिब्बतको ल्हेन्दे खोला हुँदै भोटेकोसीमा बाढी आएको थियो ।
सरकार अहिले पनि उद्धारमा सक्रिय छ । उक्त विपत्पछि सरकारले संयुक्त राष्ट्रसंघमा जलवायु परिवर्तनका कारण नेपालले क्षति व्यहोर्नुपरेको आवाज उठाउँदै छ । त्यस क्रममा सरकारले क्षतिपूर्तिको माग दाबी गर्ने तयारीसमेत गरेको छ ।
उक्त तयारीका लागि परराष्ट्रमन्त्री खनाल महसभामा जाने तयारीमा छन् । साथै, प्रधानमन्त्री वालेन्द्र शाह ‘बालेन’ ६ असोजमा महासभामा भाग लिन अमेरिका जाने तयारी छ । उनले ८ असोजमा सम्बोधन गर्ने तयारी छ ।
नेपालले पहिलोपटक घरेलु मैदानमा टेस्ट मान्यता प्राप्त राष्ट्र बंगलादेशविरुद्ध ऐतिहासिक अन्तर्राष्ट्रिय टि-२० शृंखला खेल्ने भएको छ। नेपाल क्रिकेट संघ (क्यान) र बंगलादेश क्रिकेट बोर्ड (बिसीबी) को संयुक्त आयोजनामा मार्च २०२७ मा तीन खेलको टि-२० अन्तर्राष्ट्रिय शृंखला सञ्चालन हुन लागेको हो।
त्रिभुवन विश्वविद्यालय (टियु) क्रिकेट मैदान, कीर्तिपुरमा आयोजना हुने उक्त शृंखलाका खेल वि.सं. २०८३ चैत १२, १४ र १६ गते ( सन् २०२७ मार्च २६, २८ र ३०) मा खेलिनेछन्। नेपाली टोलीले घरेलु मैदानमा कुनै टेस्ट राष्ट्रसँग द्विपक्षीय शृंखला खेल्न लागेको यो पहिलो अवसर हो।
यो शृंखला नेपालमा हालै गएको विनाशकारी बाढी तथा पहिरोमा ज्यान गुमाएका पीडितको स्मृतिमा समर्पित गरिनेछ। यसका साथै बंगलादेश क्रिकेट बोर्डले नेपालको महिला क्रिकेट, उमेर समूहका टोली, उच्च प्रदर्शन कार्यक्रम (हाई पर्फर्मेन्स) तथा प्राविधिक क्षमता अभिवृद्धिमा समेत सहयोग गर्ने प्रतिबद्धता जनाएको छ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner7 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
Pingback: बजेट छुट्याए पनि भवन निर्माण हुन नसकेको कृषि विकास बैंकको इन्द्रपुर शाखा - निष्पक्षखबर