कोशी प्रदेश
प्रेस युनियन मोरङमा नयाँ नेतृत्व
विराटचोकः नेपाल प्रेस युनियन मोरङले नयाँ नेतृत्व पाएको छ । बेलबारीमा रहेर पत्रकारिता गर्दै आएका भोजराज बस्नेतले शनिबारदेखि कार्यभार सम्हालेका छन् ।
युनियनको मोरङ शाखाको गत अधिवेशनमा २ जनाले उम्मेद्वारी दिएपछि सर्वसम्मत बनाउने क्रममा १ कार्यकाललाई २ जनाले आधाआधा अवधि चलाउने सहमति भएको थियो । सोही सहमतिअनुसार पूर्ण कार्यकालको पहिलो आधा अवधि सम्हालेका कुमार लुइँटेलले बस्नेतलाई पद तथा कार्यभार हस्तान्तरण गरेका हुन् ।
अध्यक्ष बस्नेतले पहिलो पटक विराटनगरबाहिर युनियनको नेतृत्व आएको बताउँदै पत्रकारको हक हितमा डटेर लाग्ने बताए । संगठनमा देखिएका बेथिति अन्त्य गर्न कडा कदम चाल्न पनि पछि नपर्ने उनले बताए । उनी बेलबारीमा रहेको रेडियो बेतना र निरन्तर मिडिया गु्रपका अध्यक्ष हुन् ।
कार्यक्रमका प्रमुख अतिथि सुन्दरहरैँचा नगरपालिकाका नगरप्रमुख शिवप्रसाद ढकालले नयाँ सबैसँग समन्वय गरेर अघि बढ्न अनुरोध गरे । नयाँ ऊर्जाका साथ युनियनले काम गर्नुपर्ने उनको भनाइ थियो ।
कार्यक्रममा नेपाल प्रेस युनियन मोरङका प्रदेश संयोजक लीलाबल्लभ घिमिरे, पूर्व केन्द्रयी सदस्य शंकर खरेल, कांग्रेस महासमिति सदस्य महेन्द्र सुवेदी, उद्योगी भोलेश्वर दुलाल, कांग्रेस बेलबारीका सभापति शम्भु भट्टराई, युनियन मोरङका पूर्व अध्यक्ष मीनकुमार नवोदित, सुनसरी अध्यक्ष पवन अधिकारी, नेपाल पत्रकार महासंघ मोरङकी उपाध्यक्ष सुशीला पाठक लगायतले बस्नेतलाई सफल कार्यकालको शुभकामना दिएका थिए ।
Facebook Comment
सरकारले ६ महिनादेखि ५ वर्ष मुनिका बालबालिकालाई आज र भोलि देशैभर भिटामिन ‘ए’ क्याप्सुल खुवाउँदै छ ।
स्वास्थ्य तथा जनसंख्या मन्त्रालयले सो उमेर समूहका बालबालिकालाई रोगहरूबाट जोगाउन भिटामिन ‘ए’ क्याप्सुल खुवाउनुका साथै नियमित खोप लगाउन छुटेकाहरूलाई नजिकैको स्वास्थ्य केन्द्रमा गएर खोप लगाउन आग्रह गरेको छ । मन्त्रालयका अनुसार भिटामिन ‘ए’ क्याप्सुल ६ महिनादेखि ५९ महिनासम्मका बालबालिका तथा जुकाको औषधि एक देखि पाँच वर्षसम्मका बालबालिकालाई खुवाइने छ ।
भिटामिन ‘ए’ करिब ३२ लाख बालबालिका र जुकाको औषधि करिब २९ लाख बालबालिकालाई खुवाइने मन्त्रालयले जनाएको छ । सरकारले बालबालिकामा हुनसक्ने स्वास्थ्य जटिलता तथा कुपोषणको जोखिम न्यूनीकरणका लागि २०५० सालदेखि भिटामिन ‘ए’ क्याप्सुल र २०५६ सालदेखि जुकाको औषधि नियमित रुपमा खुवाउन थालेको हो ।
राष्ट्रिय भिटामिन ‘ए’ कार्यक्रमका लागि ५२ हजार महिला स्वास्थ्य स्वयंसेविका र १० हजार स्वास्थ्यकर्मी खटिने मन्त्रालयले जनाएको छ । सरकारले प्रत्येक वर्ष बालबालिकालाई वैशाख र कात्तिक महिनामा भिटामिन ‘ए’ र जुकाको औषधि निःशुल्क रुपमा खुवाउँदै आएको छ ।
नेपाल राष्ट्र बैंकले बिहीबारका लागि विदेशी मुद्राको विनिमय दर निर्धारण गरेको छ ।
साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो ।
-
अर्थ4 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years agoसाउनदेखि कुन तहका कर्मचारीको कति तलब ?
-
खेलकुद4 years agoरंगशालाको अवलोकन
-
मुख्य4 years agoशेयर बजारमा झिनो अंकको गिरावट
-
अर्थ4 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login