स्थानीय तह
तोरीको बीउ वितरण कार्यक्रममा मेयरले भने, ‘अर्गानिक खेती गर्नेलाई १ लाख अनुदान दिइने छ’
विराटचोकः सुन्दरहरैंचा नगरपालिकाका नगरप्रमुख शिवप्रसाद ढकालले अर्गानिक खेतीतर्फ नगरले जोड दिएकाले १ बिघा अर्गानिक खेती गर्दा १ लाख अनुदान दिने व्यवस्था भएको बताए । अनुदानको व्यवस्था गरिए पनि त्यसरी खेती गर्न किसान तयार नभएको उनको भनाइ थियो । नगरपालिकाले किसानलाई तोरीको बीउ वितरण गर्न आयोजना गरेको कार्यक्रममा उनले यस्तो बताएका हुन् ।
कृषि उपजको बजारीकरण गर्नका लागि कृषि बजार निर्माण गर्ने, नगरका किसानको सम्मेलन गर्ने तयारी नगरपालिकाले गरिरहेको बताए । सम्मेलनमा नगरका वडालाई कृषिको विभिन्न वस्तुको पकेट क्षेत्र घोषणा गर्ने उनले बताए ।
नगरपालिकाले कृषि क्षेत्रमा विभिन्न कार्यक्रम ल्याएको उनको भनाइ थियो । ड्रागन फ्रुटको माग बढेकाले वैज्ञानिक खेतीतर्फ किसानलाई आकर्षित गर्ने कार्यक्रम ल्याएको पनि जनाए । यस्तै, गछियामा कोल्ड स्टोरेज निर्माण गर्ने प्रक्रिया शुरु भएको पनि उनले बताए । १ बिघा भन्दा धेरै खेती गर्नेलाई किसानलाई ५० प्रतिशत राजस्व छुटको व्यवस्था रहेको उनको भनाइ थियो ।
नगरपालिकाको आ.व. ०७७÷०७८ को स्वीकृत कार्यक्रमबाट ५० प्रतिशत अनुदानमा तोरीको बीउ वितरण गरेको हो । बुधबार नगरप्रमुख शिवप्रसाद ढकाल र उपप्रमुख धनमाया तामाङले किसानलाई तोरीको बीउ प्रदान गरेका हुन् । सूूचना प्रकाशित गरेर आएका सबै १ सय १८ जना किसानलाई १ हजार २ सय केजी बीउ वितरण गरिएको थियो । वितरण गरिएको तोरीको बीउले १ सय २० हेक्टर जमिनमा उन्नत जातको तोरी लगाउन सकिने छ ।
वितरण कार्यक्रममा सहभागी किसानले खेती गर्दा आउने समस्याका बारेमा कृषि शाखाका प्राविधिकलाई बताएका थिए । लाही लाग्ने समस्या, सिँचाइ गर्ने उपयुक्त समय, बालीमा ‘भिटामिन’ कसरी लगाउनेलगायतका विषयमा किसानले चासो देखाएका थिए । किसानले उठाएका जिज्ञासाका विषयमा कृषि शाखाका प्राविधिक सुदीप भण्डारीले खेती गर्ने तरिका, विषदीको प्रयोग गर्ने तरिका, माटोको परीक्षण गर्ने लगायतका विषयमा किसानलाई बताएका थिए ।
यस्तै, कृषि शाखा प्रमुख फरिन्द्र भट्टराईले सबै निवेदन दिने जति सबै किसानलाई बीउ दिइएको र आगामी १५ दिनपछि गहँुको बिउ वितरण गर्ने कार्यक्रम रहेको बताए ।
कार्यक्रममा नगर उपप्रमुख धनमाया तामाङले परम्परागत कृषि पेशालाई आधुनिकतातर्फ लैजानुपर्ने बताइन् । थोरै जग्गामा धेरै कमाई गर्ने जुक्ति अपनाउनुपर्ने उनको भनाइ थियो । लकडाउनले गर्दा कृषि पेसामा लाग्ने संख्या बढ्दो क्रममा रहेको बताइन् ।
Facebook Comment
Banner
रवि लामिछाने आफ्लै भनेका थिए-म अमेरिकाबाट रित्तो हात फर्किएको हुँ।मैले बच्चालाई मासिक रुपमा नेपाल बाटै अमेरिका पैसा पठाउँन पर्छ।पैसा त रविलाई पनि चाहिएकै हुन्छ।उनी पनि कुनै अर्बपती त होइनन्।
Banner
ट्राफिक प्रहरी हत्या प्रकरण : यी हुन् पक्राउ परेका १३ वर्षीय बालक सहित ७ जना
काठमाडौँको दरबारमार्गस्थित ट्राफिक प्रहरी प्रभागमा कार्यरत प्रहरी जवान युवराज घिमिरेको हत्या आरोपमा प्रहरीले १३ वर्षीय बालकसहित ७ जनालाई पक्राउ गरेको छ। घिमिरेको शव काठमाडौँको तारकेश्वर-९ स्थित मनमैजुमा गत शुक्रबार फेला परेको थियो।
उनको हत्यामा संलग्न आरोपमा पक्राउ परेकाहरूलाई जिल्ला प्रहरी परिसर काठमाडौँले आइतबार पत्रकार सम्मेलन गरी सार्वजनिक गरेको हो। उनीहरूलाई काठमाडौँ महानगरपालिका-१६ स्थित अष्टनारायण हलपछाडि र बाइसधाराको जंगलबाट भाग्न लागेको अवस्थामा हवाई फायर गरी पक्राउ गरिएको प्रहरीले जनाएको छ।
पक्राउ परेका ७ जनामध्ये एक जना १३ वर्षीय बालक रहेको जिल्ला प्रहरी परिसर काठमाडौँ प्रहरी प्रमुख एसएसपी वसन्त रजौरेले जानकारी दिए।
उनका अनुसार भक्तपुर चाँगुनारायण-१ घर भएका २१ वर्षीय आइते भन्ने सचिन परियार, नुवाकोट दुप्चेश्वर गाउँपालिका घर भएका १८ वर्षीय अञ्जली श्रेष्ठ, स्याङ्जा आँधीखोला गाउँपालिका-३ की २१ वर्षीया विपना/वसन्ती भनिने वसुन्धारा कार्की, , स्याङ्जा आँधीखोला गाउँपालिका-३ कै ५६ वर्षीय नुनमाया कार्की, नुवाकोट तादी गाउँपालिका, ओखरे घर भएका २१ वर्षीय बुद्ध लामा तामाङ, सिन्धुपाल्चोक इन्द्रावती गाउँपालिका-१ का ३० वर्षीय अमृत तामाङ र उदयपुर घर भएका १३ वर्षीय बालकलाई पक्राउ गरिएको हो।
बालकको पहिचान भने प्रहरीले गोप्य राखेको छ। प्रारम्भिक अनुसन्धानमा लुटपाट, महिलासँग विवादलगायत कारण प्रहरी घिमिरेको हत्या भएको पाइएको प्रहरीले जनाएको छ।गत बिहीबार ड्युटी सकेर कार्यालयबाट निस्किएका प्रहरी जवान घिमिरेको शव गत शुक्रबार मनमैजुमा भेटिएको थियो। शुक्रबार अपराह्न स्थानीयले शव देखेपछि प्रहरीलाई खबर गरेका थिए। प्रहरीका अनुसार खोटाङको दिक्तेल रुपाकोट मझुवागढी नगरपालिका-१ घर भएका घिमिरे सामाखुसीमा डेरामा बस्थे।
Banner
विश्व उच्च रक्तचाप दिवसको अवसरमा नोवेलको प्रभातफेरी
विराटनगर । विश्वभर आजको दिन अर्थात मे १७ मा विश्व उच्च रक्तचाप दिवस मनाइने गरिएको छ । उच्च रक्तचापको जोखिम, यसलाई रोक्न अपनाउनु पर्ने विधी सम्बन्धी जनचेतना फैल्याउने उद्देश्यले यो दिवस मनाइने गरिएको हो ।
उच्च रक्तचाप सम्बन्धी जनचेतना फैल्याउने उद्देश्यले विराटनगरमा रहेको नोवेल मेडिकल कलेज टिचिङ्ग हस्पिटलले आज महेन्द्रचोकबाट तिनपैनीसम्म प्रभातफेरी गरेको छ ।
नोवेल मेडिकल कलेज टिचिङ्ग हस्पिटलका अस्पताल निर्देशक तथा बरिष्ठ मुटुरोग विशेषज्ञ प्रा. डा. राजेश नेपालले विराटनगर महानगरपालिका मेयर नागेश कोइरालालाई खादा र फुलको गच्छाले स्वागत गरे पछि सुरु भएको प्रभातफेरी कार्यक्रममा नोवेलका चिकित्सक, कर्मचारी, रेजिडेण्ट चिकित्सक, इन्टर्न चिकित्सक र विद्यार्थी,समाजसेवी लगायतको सहभागिता रहेको थियो ।
महेन्द्र चोकबाट सुरु भएको प्रभातफेरी तिनपैनी चोकमा पुगेर समापन भएको थियो । समापन कार्यक्रममा प्रा. डा. राजेश नेपालले विश्व उच्च रक्तचाप दिवसको बारेमा प्रकाश पारेका थिए । विराटनगर महानगरपालिकाका मेयर नागेश कोइरालाले उच्च रक्तचाप सम्बन्धी जनचेतना फैल्याउने उद्देश्यले नोवेलले गरेको प्रभातफेरी प्रति डा. राजेश नेपालसहित नोवेल टिमलाई धन्यवाद व्यक्त गरेका थिए । मन्तव्य व्यक्त गर्दै उनले विराटनगर महानगरपालिकाले पनि जनचेतना मुलक कार्यक्रमहरुमा सहकार्य गर्ने बताए ।
विश्व भरिनै मानिसको मृत्युको प्रमुख कारणहरु मध्ये उच्च रक्तचाप एक नम्बरमा रहेको छ । मानिसको बदलिदो दैनिकी, खानपान, पर्याप्त मात्रामा नसुत्ने र तनावयुक्त जीवनले उच्च रक्तचापको जोखिमलाई बढाउने गरेको छ । नेपालको सन्दर्भमा हरेक चार जना मध्ये एक जनालाई उच्च रक्तचाप रहेको पाइएको छ । उच्च रक्तचापको कारण हृदयघात, मस्तिष्कघात हुने, शरीरको विभिन्न अङ्गमा समस्या आउने, हातखुट्टाका नशाहरु बन्द भएर अङ्गभङ्ग हुने, आँखाको दृष्टी कम हुने, मृगौलामा समस्या आउने, यौन दुर्वलता हुने जस्ता विभिन्न समस्याहरु आउने गर्दछ । नियमित रुपमा रक्तचाप नाप्ने गरिएमा उच्च रक्तचाप भए नभएको वा औषधी सेवन गरी रहेका व्यक्तिहरुको रक्तचापको अवस्था थाहा पाउन सहज हुन्छ र समयमा नियन्त्रण गर्न सकिन्छ । त्यसैले यस बर्षको विश्व उच्च रक्तचाप दिवसको नारा पनि “तपाईको रक्तचाप सही ढंगबाट नाप्नु होस् । यसलाई नियन्त्रण गर्नुहोस् र दीर्घायु बन्नुहोस् ।” भन्ने रहेको छ ।
-
अर्थ5 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login