कोशी प्रदेश
मदन भण्डारी स्मृति प्रतिष्ठानले मृतकका परिवारलाई झुटो विवरण दिएको आफन्तको भनाइ
उर्लाबारीः मोरङको उर्लावारी–३ मा रहेको मदन भण्डारी स्मृति प्रतिष्ठानले सो प्रतिष्ठानका लेखा तथा प्रशासकीय अधिकृत मुक्तिनाथ दाहालको परिवारलाई झुटो विवरण दिएको आफन्तको भनाइ छ । दाहालले आत्महत्या गरेपछि उत्पन्न भएको विवाद मिलाउने क्रममा झुटो विवरण दिएको पाइएको हो ।
सो प्रतिष्ठान अन्तर्गतको बहुप्राविधिक शिक्षालय दमक–४ ताराबारीमा कार्यरत दाहालले कक्षाकोठामा आत्महत्या गरेपछि उनको परिवारले आत्महत्या रहस्यमय भएको भन्दै शव बुझ्न मानेका थिएनन् । प्रतिष्ठानका प्रबन्धक निर्देशक विनोद अर्यालले दिएको मानसिक तनावका कारण दाहालले आत्महत्या गरेको आरोप परिवारको थियो । अर्याललाई आत्महत्या दुरुत्साहन अभियोगमा कार्वाही गर्नुपर्ने दाहाल परिवारको माग थियो ।
विवाद बढ्दै गएपछि र घटनाको सम्बन्धमा धेरैतिर चासो हुन थालेपछि प्रतिष्ठानले आर्याल पक्राउ परिसकेको र कानुनी कार्वाहीको प्रक्रिया अघि बढाएको भनेर झुटो विवरण दिएर परिवारलाई विवाद नगर्न अनुरोध गरेको थियो । प्रतिष्ठानका सदस्य गंगा बास्तोलाले मंगलबार अर्याललाई मोरङ प्रहरीले विराटनरमा पक्राउ गरेको र दमक ल्याउने तयारी भइरहेको बताएका थिए । नेकपाका मोरङ जिल्ला सचिवालय सदस्य मानबहादुुर श्रेष्ठले पनि अर्याल जिल्ला प्रहरी कार्यालय मोरङको नियन्त्रणमा रहेको बताएका थिए ।
मृतक दाहालको परिवारसँग प्रतिष्ठानले गरेको ९ बुँदे सहमतिमा प्रतिष्ठानका निर्देशक अर्याललाई पक्राउ गरी आवश्य कानुनी कार्वाही गर्ने, मृतकका छोराको शिक्षाको जिम्मा प्रतिष्ठानले लिने, हाल प्रतिष्ठानमै जागिरेको रुपमा रहेकी मृतककी श्रीमतीलाई बढुवा गर्नेलगायतका बुँदा समेटिएका छन् । सो सहमति अक्षरशः पालना गर्ने लिखित सम्झौता भएपछि परिवारले शव बुझेको थियो ।
मृतकको परिवारसँंग गरिएको पहिलो बुँदा नै झुटो प्रमाणित भएको छ । प्रतिष्ठानले परिवारका सदस्यलाई आर्याल मोरङको विराटनरमा पक्राउ परिसकेको जानकारी दिए पनि हालसम्म अर्याल पक्राउ परेका छैनन् । अर्यालले केही दिन अघि मृतक लेखा अधिकृत दाहाललाई खालि चेकमा हस्ताक्षर गर्न लगाएर सो चेक अर्याल आफैँले बोकेपछि दाहाल थप चिन्तित बनेको परिवारको भनाइ छ ।
दाहालप्रति श्रद्धाञ्जली दिन दाहालकै घरमा पुगेका प्रतिष्ठानका अध्यक्ष गुरु बराललाई स्थानीयको आक्रोशित समुहले हातपात प्रयास गरेको थियो । परिवारले शव नउठाउने अडान लिएपछि प्रदेश १ का सामाजिक विकास मन्त्री जीवन घिमिरे, नेकपाका केन्द्र, प्रदेश, जिल्ला स्तरका नेताहरुको उपस्थितिमा समस्याको समाधान गर्ने गरी सहमति भएको थियो ।
Facebook Comment
Banner
अफताब आलमसहित चारजनालाई जन्मकैद सजाय
अफताब आलमसहित चारजनालाई जन्मकैद सजाय
कांग्रेसका पूर्वसांसद मोहम्मद अफताब आलमसमेत चारजनालाई जन्मकैदको सजाय सुनाइएको छ। जिल्ला अदालत रौतहटले लापरबाहीपूर्वक काम गरी ज्यान मारेको तथा विस्फोटक पदार्थ बमसमेतको प्रयोग गरी ज्यान लिएको अभियोगमा सजाय तोकिएको हो।
रौतहट जिल्ला अदालतका न्यायाधीश मातृकाप्रसाद आचार्यले यस्तो फैसला गरेका हुन्। अदालतका स्रेस्तेदार उद्धव ढोडारीले आलमका साथै महताव आलम, शेष सेराज र बद्री सहनीलाई जन्मकैदको सजाय सुनाइएको जानकारी दिए।
Banner
आज – १४ बैशाख २०८१ शुक्रवार को राशिफल
मेष
मेष (चु, चे, चो, ला, लि, लु, ले, लो, अ) आज तपाईंको सामान हराउन सक्छ । सहयोग गर्नेहरूले झुक्याउन सक्छन्, सावधान रहनुहोला । आफूलाई कमजोर भएको अनुभूति हुनेछ ।
मिथुन
मिथुन (का, कि, कु, घ, ङ, छ, के, को, हा) मठमन्दिरको भ्रमणले काम सम्पन्न गर्न थप ऊर्जा प्रदान गर्नेछ । परिश्रमअनुसार उपलब्धि पनि राम्रै पाइनेछ । चिताएको कामले तीव्रता लिनेछ ।
सिंह
सिंह (मा, मि, मु, मे, मो, टा, टि, टु, टे) आज शुभकार्य तथा सामाजिक क्षेत्रमा धन खर्च हुनसक्छ । दबाब र तनाव बढेको महसुस हुनेछ । यात्रामा सावधानी अपनाउनु पनि पर्नेछ ।
तुला
तुला (रा, रि, रु, रे, रो, ता, ति, तु, ते) आज कुनै कुराले मनमा शान्ति छाउनेछ । शुभकार्यको चर्चा चल्नेछ । बन्दव्यापार र पेसाव्यवसायका क्षेत्रमा उन्नति प्रगतिको वातावरण बन्नेछ ।
धनु
धनु (ये, यो, भा, भि, भु, धा, फा, ढा, भे) आज अनावश्यक वादविवाद बढ्न सक्छ । पारिवारिक जीवन सामान्य रहनेछ । विद्यार्थीले पढाईमा अलिक बढी ध्यान दिनुपर्ने समय छ ।
कुम्भ
कुम्भ (गु, गे, गो, सा, सि, सु, से, सो, दा) एकपछि अर्को अवसर आउनाले मन प्रसन्न रहनेछ । नोकरी गर्नेले मानसम्मान पाउने छन् । लाभदायक यात्राको सम्भावनालाई नकार्न सकिँदैन ।
बृष
वृष (इ, उ, ए, ओ, वा, वि, वु, वे, वो) रमाइलो यात्रा गर्ने अवसर प्राप्त हुनेछ । परिवारजनको साथले नयाँ आशा पलाउनेछ । मित्रताको बन्धन कसिनुका साथै दाम्पत्य सुख मिल्नेछ ।
कर्कट
कर्कट (हि, हु, हे, हो, डा, डि, डु, डे, डो) आज अधिकार प्राप्तिका लागि गरिएको प्रतिस्पर्धामा विजयी भइने छ । बुद्धिको उपयोग गर्नाले जटिल ठानिएको कामसमेत सम्पादन हुन सक्छ ।
कन्या
कन्या (टो, पा, पि, पु, ष, ण, ठ, पे, पो) आज रमाइलो यात्राको सम्भावना छ र त्यसबाट दीर्घकालिक फाइदा पुग्नेछ । लामो समयदेखि रोकिएका अधुरा कामहरू पनि पुरा हुनेछन् ।
बृश्चिक
वृश्चिक (तो, ना, नि, नु, ने, नो, या, यि, यु) तर्क र विवादमा राम्रो सफलता मिल्नेछ । धार्मिक र सांस्कृतिक सभासमारोहमा सरिक हुने सम्भावना छ । जटिल ठानिएको काम सम्पादन होला ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) आज लामो समयदेखि रोकिएको कामको गाँठो फुक्नेछ । जग्गाजमिनको कारोबारबाट राम्रो फाइदा हुनेछ । न्यायिक कार्यमा सफलता मिल्नेछ ।
मीन
मीन (दि, दु, थ, झ, ञ, दे, दो, चा, चि) आजको दिन मनोरञ्जनपूर्ण समय रहला । सामाजिक क्षेत्र र नोकरीबाट मानसम्मान मिल्नेछ । अध्यापनको क्षेत्रमा प्रगतिको खबर सुन्न पाउनु हुनेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
Banner
आईपीएल क्रिकेटमा बैंगलुरुको दोस्रो जित, हैदरावादलाई ३५ रनले हरायो
इन्डियन प्रिमियर लिग (आईपीएल) क्रिकेटमा रोयल च्यालेन्जर्स बैंगलुरुले दोस्रो जित हासिल गरेको छ । बैंगलुरुले गएराति भएको खेलमा सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।
हैदरावादका लागि सहवाज अमेदले सर्वाधिक ४० रन बनाए । त्यसअघि टस जितेर ब्याटिङ गरेको बैंगलुरुले ७ विकेट गुमाउँदै २ सय ६ रन बनाएको थियो । उसका विराट कोहलीले ५१ रन बनाए । रजत पाटिदारले ५० रन जोडे । हैदरावाद ८ खेलमा १० अङ्कसहित अङ्क तालिकको तेस्रो स्थानमा छ । बैंगलुरु ९ खेलमा ४ अङ्कका साथ पुछारमा छ ।
आईपीएलमा आज कोलकाता नाइट राइडर्स र पञ्जाव किंग्स खेल्दैछन् । कोलकोत्ताको घरेलु मैदान इडेन गार्डेनमा हुने खेल नेपाली समयअनुसार बेलुका पौने ८ बजे शुरु हुने छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login