विराटचोकः सुन्दरहरैंचामा १२ जनासहित प्रदेश १ मा आज ४ सय ९ जनामा कोरोना संक्रमण पुष्टि भएको छ । हिजो सुन्दरहरैंचामा वडा नम्बर, ४, ७, ९ र १२ मा गरी ११ जनामा कोरोना संक्रमण पुष्टि भएको थियो ।
प्रदेशमा थप १ ह्जार १ सय ४ स्वाब नमूनाको पीसीआर परीक्षण गर्दा १ सय ३२ महिला र २ सय ७७ जना पुरुषमा संक्रमण पुष्टि भएको हो । आज मोरङमा २ सय ३६, सुनसरीमा ९७, झापामा ४०, उदयपुरमा ८, इलाम, पाँचथर र सोलुखुम्वुमा २–२, धनकुटा र खोटाङमा १–१ र प्रदेश १ बाहिरका २० जनामा संक्रमण देखिएको सामाजिक विकास मन्त्रालयले जनाएको छ ।
मन्त्रालयका अनुसार विराटनगरमा १ सय ९७ जनामा संक्रमण देखिएको छ । त्यस्तै, मोरङको सुन्दरहरैचामा १२, बुढीगंगामा ७, बेलबारीमा ५, उर्लाबारीमा ३, रंगेली, पथरीशनिश्चरे र धनपालथानमा २–२, कटहरी र सुनवर्षीमा १–१, लेटाङ, ग्रामथान, जहदा र मिक्लाजुङमा १–१ जनामा संक्रमण पुष्टि भएको छ ।
संक्रमण पुष्टि हुनेमा सुनसरीको इटहरीमा ४८, दुहबीमा १२, इनरुवामा ७, धरान, वराहक्षेत्र र रामधुनीमा ६–६, बर्जुमा ५, हरिनगरमा ३, गढीमा २, देवानगञ्ज र स्थानीय तह नखुलेका १–१ जना रहेका छन् ।
झापाको बिर्तामोडमा १७, दमकमा १२, मेचीनगर र भद्रपुरमा ३–३, कमल गाउँपालिकामा २, गौरादह, बाह्रदशी र झापा गाउँपालिकामा १–१ जनामा संक्रमण पुष्टि भएको छ ।
मन्त्रालयका अनुसार उदयपुरको त्रियुगामा ८, इलामको देउमाई र सूर्योदयमा १–१, पाँचथरको फिदिममा २, सोलुखुम्बुको थुलुङ दूधकोशी र स्थानीय तह नखुलेका १–१, धनकुटाको महालक्ष्मीमा १, खोटाङको खोटेहाङमा १ र प्रदेश १ बाहिरका २० जनामा संक्रमण पुष्टि भएको हो ।
प्रदेश १ मा कोरोना संक्रमितको संख्या १० हजार ३ सय जना पुगेको छ । डिस्चार्ज हुनेको संख्या ४ हजार ८ सय १२ जना पुगेको छ । प्रदेश १ मा आज २५ जना डिस्चार्ज भएका छन् । नोबेल मेडिकल कलेज विराटनगरबाट १८, कोशी अस्पताल कोभिड १९ उपचार केन्द्रबाट ६ र होम आइसोलेसनबाट १ जना डिस्चार्ज भएका हुन् ।
You must be logged in to post a comment Login