विराटचोकः बेलायतमा कोरोना संक्रमितको संख्या ७ लाख ५ हजार ४ सय २८ जना पुगेको छ । गत २४ घण्टामा त्यहाँ १६ हजार १ सय ७१ जना संक्रमित थपिएका छन् । थप १ सय ५० जनाको संक्रमणका कारण ज्यान गएसँगै संक्रमणका कारण ज्यान गुमाउनेको संख्या ४३ हजार ५ सय ७९ जना पुगेको छ । विश्वमा धेरै कोरोना संक्रमित हुने देशको सूचीमा बेलायत ११ औँ स्थानमा रहेको छ ।
पछिल्लो समय इटलीमा पनि कोरोना संक्रमणको दर बढ्न थालेको छ । एक पटक संक्रमणको दर उच्च रहेको इटलीमा संक्रमणको दर न्यून भएको थियो । हाल फेरि संक्रमणको दर उच्च हुन थालेको छ ।
वर्ल्ड ओ मिटर्स डट इन्फोका अनुसार पछिल्लो २४ घण्टामा इटलीमा १० हजार ९ सय २५ जना संक्रमित थपिएपछि संक्रमितको संख्या ४ लाख २ हजार ५ सय ३६ पुगेको छ । थप ४७ जनाको ज्यान गएसँगै संक्रमणका कारण ज्यान गुमाउनेको संख्या ३६ हजार ४ सय ७४ पुगेको छ । २ लाख ४९ हजार १ सय २७ जना निको भएका छन् भने १ लख १६ हजार ९ सय ३५ जना आइसोलेसनमा रहेका छन् । १६ वटा देशमा ४ लाखभन्दा बढी कोरोना संक्रमित रहेका छन् ।
उता, बेल्जियममा १० हजार १ सय ९२ जना संक्रमित थपिएसँगै संक्रमितको संख्या २ लाख २ हजार १ सय ५१ जना पुगेको छ । थप ३२ जनाको संक्रमणका कारण मृत्यु भएपछि संक्रमणका कारण ज्यान गुमाउनेको संख्या १० हजार ३ सय ५९ जना पुगेको छ ।
संक्रमणमुक्त हुनेको संख्या भने अन्य देशको तुलनामा कम रहेको छ । विगत २४ घण्टामा थप १ सय ४७ जना निको भएसँगै २० हजार ८ सय ६७ जना निको भएका छन् । आइसोलेसनमा रहनेको संख्या १ लाख ७० हजार ९ सय २५ जना रहेको छ । विश्वका २७ देशमा २ लाखभन्दा बढी कोरोना संक्रमित रहेका छन् ।
वर्ल्ड ओ मिटर्स डट इन्फोको आज बिहान ६ बजेसम्मको तथ्यांकको आधारमा यो समाचार तयार पारिएको हो ।
सम्बन्धित थप समाचारः
बेलायतमा ६ लाख र इरानमा ५ लाख कोरोना संक्रमित
बेलायतमा कोरोना संक्रमितको सख्या ४ लाख ३ हजार
इटलीमा कोरोना संक्रमितको संख्या ३ लाख
इटलीमा कोरोना संक्रमितको संख्या २ लाख नाघ्यो
बेल्जियममा कोरोना संक्रमितको संख्या १ लाख
Pingback: बेल्जियममा कोरोना संक्रमितको संख्या ३ लाख ५ हजार, निको हुने २२ हजार ८ सय मात्रै - निष्पक्षखबर