शेयर
दशैंको पूर्वसन्ध्यामा दिनहुँ शेयर बजारमा दोहोरो अंकको वृद्धि
विराटचोकः आज पनि शेयर बजारमा हरियाली छाएको छ । बजारमा दोहोरो अंकको वृद्धि देखिएको हो । आज लगातार तेस्रो कारोबार दिन पनि दोहोरो अंकको वृद्धि देखिएको हो ।
१३ दशमलव ९४ अंक बढेर १ हजार ५ सय ९७ दशमलव ७१ बिन्दुमा अडिएको शेयर बजारमा बुधबार १ सय ९२ कम्पनीको २२ हजार ४ सय ८२ पटकको कारोबारमा १ अर्ब ६३ करोड ३२ लाख ४६ हजार १ सय ४८ रुपैयाँको ५५ लाख ९ हजार ४ सय ४८ कित्ता शेयर किनबेच भएको छ ।
आज छैटौँ दिन पनि जनरल इन्स्योरेन्सको शेयरमूल्य १० प्रतिशतले बढेको छ । नेपाल हाइड्रो, सांग्रिला डेभलपमेन्ट बैंक र एनआईसी एशिया बैंक लिमिटेडको शेयरमूल्य ४ प्रतिशतभन्दा बढी बढेको छ ।
बजार बढे पनि नेपाल फाइनान्सको शेयरमूल्य ५ दशमलव ५ प्रतिशतले घटेको छ । खानीखोला हाइड्रोपावर, आँखुखोला जलविद्युत कम्पनी, पञ्चकन्या माई हाइड्रोपावर र नेशनल हाइड्रोपावरको शेयरमूल्य ५ प्रतिशतभन्दा बढीले घटेको छ ।
गत आर्थिक वर्षको नाफाबाट २० प्रतिशत लाभांश दिने भनी हिजो घोषणा गरेको एनआईसी एशिया बैंकको आज सबैभन्दा धेरै कारोबार भएको छ । कम्पनीको शेयरमूल्य पनि ४ दशमलव १३ प्रतिशतले बढेको छ । सो बैंकको २४ करोड २९ लाख ५७ हजार ८ सय ७ रुपैयाँको शेयर किनबेच भएको छ । कुमारी बैंक र नेपाल बैंक कारोबार रकमका आधारमा दोस्रो र तेस्रो स्थानमा परेका छन् ।
८ उपसमूहको परिसूचक बढेको छ । व्यापार उपसमूहको परिसूचक सर्वाधिक २ दशमलव १९ प्रतिशत बढेको हो । जलविद्युत् उपसमूहको परिसूचक भने यस दिन १ दशमलव ०१ प्रतिशत घटेको छ । होटल, वित्त र उत्पादनमूलक समूहको परिसूचक घटेको छ ।
बजार बढेसँगै समग्र बजार पूँजीकरण २१ खर्ब ३४ अर्ब कायम भएको छ । समग्र बजार पूँजीकरण यस आर्थिक वर्षकै सबैभन्दा धेरै हो ।
Facebook Comment
नेपाल ‘ए’ टोलीले दोस्रो अभ्यास खेलमा ओमानलाई ११५ रनको फराकिलो जित हात पारेको छ ।
ब्याटिङ र बलिङ दुवै क्षेत्रमा उत्कृष्ट प्रदर्शन गरेको नेपालले शुक्रबार मूलपानीस्थित माथिल्लो क्रिकेट मैदानमा भएको खेलमा जित निकाल्दै दुई खेलको शृङ्खला १0१ को बराबरीमा गरेको हो ।
यसअघि बिहीबार भएको पहिलो खेलमा ओमानले नेपाल ‘ए’ लाई ७० रनले पराजित गरेको थियो । विश्वकप लिग–२ को तयारीमा रहेको ओमानले नेपाल ‘ए’ सँग अभ्यास खेल खेलेको हो ।
टस हारेर पहिले ब्याटिङको निम्तो पाएको नेपाल ‘ए’ ले निर्धारित ५० ओभरमा ७ विकेट गुमाउँदै २८४ रनको बलियो योगफल तयार पारेको थियो । नेपालका लागि ‘प्लेयर अफ द म्याच’ इशान पाण्डेले ७८ बलमा ६ चौकाको मद्दतले सर्वाधिक ६९ रनको योगदान दिए । यस्तै, देव खनालले ९५ बलमा ६४ रन र कुशल मल्लले ३२ बलमा ५७ रनको आक्रामक पारी खेल्नुभयो । ओमानका जितेनकुमार रमानन्दीले २ विकेट लिए ।
२८५ रनको लक्ष्य पछ्याएको ओमान ३६.३ ओभरमा १६९ रनमै अलआउट भयो । ओमानका लागि मुजिबुर अलीले सर्वाधिक ४३ रन जोड्नुभयो भने रमानन्दीले २४ र विनायक शुक्लले २१ रन बनाए । ओमानलाई सस्तैमा समेट्न नेपालका युवराज खत्रीले घातक बलिङ गर्दै ३ विकेट लिनुभयो । उहाँले ६ ओभरमा १ मेडन राख्दै २४ रन खर्चिए।
त्यस्तै, हेमन्त धामी, आकाश चन्द र शेर मल्लले समान २-२ विकेट लिए भने सन्तोष यादवले १ विकेट लिए । ओमानले लिग-२ अन्तर्गत सोमबार युएई र बुधबार नेपालको राष्ट्रिय टोलीसँग प्रतिस्पर्धा गर्नेछ ।
सुनचाँदीको भाउ लगातार तेस्रो दिन आज पनि घटेको छ । बुधबारदेखि सुन चाँदीको भाउ लगातार घट्दै आएको हो ।
सुनको भाउ आज तोलामा २ हजार २०० रुपैयाँ घटेर २ लाख ९६ हजार ५०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, आज चाँदीको भाउ ७५ रुपैयाँले घटेर तोलाको चार हजार ९४५ रुपैयाँमा कारोबार भइरहेको छ ।
नेपाली कांग्रेसले संसदीय दलको नेता चयनका लागि शुक्रबार निर्वाचन प्रक्रिया अघि बढाउँदै छ। पार्टीले सार्वजनिक गरेको निर्वाचन कार्यतालिका अनुसार उम्मेदवारी दर्ता बिहान ११ देखि १२ बजेसम्म हुनेछ भने मतदान साँझ ५ बजेसम्म सम्पन्न गरिने छ ।
दलको नेतृत्वका लागि अर्जुननरसिंह केसी र भीष्मराज आङ्देम्बे मुख्य प्रतिस्पर्धीका रूपमा देखिएका छन्। यस्तै मोहन आचार्यदेखि निष्कल राईसम्मका नाम पनि सम्भावित उम्मेदवारका रूपमा चर्चामा छन्।
प्रतिनिधि सभामा नेपाली कांग्रेसका ३८ सांसद छन्, जसले दलको नेता चयनका लागि मतदान गर्नेछन्।
पार्टीभित्रको आन्तरिक मतभेदका कारण ढिलाइ हुँदै आएको नेतृत्व चयन प्रक्रिया हाल औपचारिक रूपमा अघि बढाइएको हो। सर्वोच्च अदालतले सभापति गगन थापा नेतृत्वको कार्यसमितिलाई मान्यता दिएपछि संसदीय दलको निर्वाचन प्रक्रिया अघि बढेको हो।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login