विराटचोकः आज प्रदेश नम्बर १ म २ सय २३ महिलासहित ५ सय ६९ जना संक्रमित थपिएका छन् । तीमध्ये मोरङमा २ सय ५३ जना संक्रमित थपिएका छन् । मोरङमा आज लेटाङबाहेक सबै स्थानीय तहमा कोरोना संक्रमण पुष्टि भएको छ ।

सामाजिक विकास मन्त्रालयका अनुसार प्रदेश नम्बर १ मा सबैभन्दा धेरै मोरङमा २ सय ५३ जनामा संक्रमण पुष्टि भएको छ । झापामा १ सय ४३, सुनसरीमा १ सय १२, उदयपुरमा १२, इलाममा ११, धनकुटामा ४, भोजपुरमा ३, सोलुखुम्बुमा २, पाँचथरमा १, खोटाङमा १ र तेह्रथुममा १ जनामा संक्रमण पुष्टि भएको हो । प्रदेश १ बाहिरका २६ जनामा संक्रमण पुष्टि भएको छ ।

आज मोरङका लेटाङबाहेक सबै पालिकामा कोरोना संक्रमण पुष्टि भएको छ । विराटनगरमा १ सय ४७ जनामा संक्रमण पुष्टि भएको छ । सुन्दरहरैचामा २०, पथरीशनिश्चरेमा १८, कटहरीमा ९, सुनवर्षीमा ८, ग्रामथानमा ७, बुढीगंगामा ६, उर्लाबारीमा ६, धनपालथानमा ५, बेलबारीमा ५, कानेपोखरीमा ४, जहदामा ४, मिक्लाजुङमा ४, रंगेलीमा ४, केराबारीमा ४ र रतुवामाईमा २ जनामा संक्रमण पुष्टि भएको हो ।

झापाको दमकमा ७५, बिर्तामोडमा १५, गौरादहमा १०, कमल गाउँपालिकामा ९, कनकाईमा ६, भद्रपुरमा ५, बुद्धशान्ति, मेचीनगर र अर्जुनधारामा ४–४, शिवसताक्षी र हल्दीबारीमा ३–३, बाह्रदशीमा २, गौरीगञ्ज र झापा गाउँपालिकामा १–१ र स्थानीय तह नखुलेका १ जनामा संक्रमण पुष्टि भएको मन्त्रालयले जनएको छ ।

सुनसरीको इटहरीमा ३९, धरानमा ३६, इनरुवामा ११, वराहक्षेत्रमा ८, रामधुनीमा ४, भोक्राहानरसिंहमा ३, दुहबीमा २, गढीमा २, बर्जुमा २, देवानगञ्जमा २, कोशी गाउँपालिकामा १ र स्थानीय तह नखुलेका २ जनामा संक्रमण पुष्टि भएको छ ।

उदयपुरको त्रियुगामा ९, बेलकामा २ र स्थानीय तह नखुलेका १ ज्नामा संक्रमण देखिएको छ । इलामको इलाम नगरपालिकामा ६, फाकफोकथुममा ५, धनकुटाको धनकुटा नगरपालिकामा ३ र शहीदभूमीमा १, भोजपुरको भोजपुरमा ३, सोलुखुम्बुको सोलुदुधकुण्डमा २ जना संक्रमित थपिएका छन् ।

त्यस्तै, पाँचथरको फिदिममा १, खोटाङको दिप्रुङ चुइचुम्मामा १ र तेह्रथुमको म्याङ्लुङमा १ जनामा संक्रमण पुष्टि भएको छ । प्रदेश नम्बर १ बाहिरका २६ जनामा संक्रमण देखिएको छ । प्रदेश १ मा कोरोना संक्रमितको संख्या १८ हजार ९ सय ५३ पुगेको छ । आज ६ सय १९ जना डिस्चार्ज भएसँगै प्रदेशमा डिस्चार्ज हुनेको संख्या १० हजार ७ सय ९८ जना पुगेको छ ।