विराटचोकः मोरङको सुन्दरहरैंचा नगरपालिका क्षेत्रका सामुदायिक र संस्थागत विद्यालय मङ्सिर १४ गते आइतबारदेखि खुल्ने भएका छन् । सरकारले कोभिड–१९ संक्रमणको जोखिम नभएका अथवा कम भएका स्थानीय तहमा विद्यालय सञ्चालन गर्न पाउने गरी कात्तिक २० गते ‘विद्यालय सञ्चालन सम्बन्धी कार्यढाँचा–२०७७’ जारी गरेपछि सुन्दरहरैंचाका विद्यालय आइतबारदेखि सञ्चालन हुने भएका हुन् ।

नगरपालिकाको शिक्षा शाखाले गत सोमबार सार्वजनिक र संस्थागत विद्यालयहरुका प्रधानाध्यापकहरुको भेला गराई विद्यालय सञ्चालनसम्बन्धमा छलफल गरको थियो । विद्यालय सञ्चालन सम्बन्धी कार्यढाँचा–२०७७ अन्तर्गत रहेका विकल्पहरुमध्ये विद्यार्थीको संख्या र उपलब्ध भौतिक पूर्वाधार व्यवस्थापनमा सहज हुने गरी विकल्प रोजेर सञ्चालन गर्न शिक्षा शाखाले निर्देशन गरेको हो ।

एउटा बेन्चमा बढीमा २ जना विद्यार्थी राखेर पहिलो चरणमा कक्षा ६ देखि माथि र दोस्रो चरणमा सबै कक्षा सञ्चालन हुन लागेका हुन् ।

विराटचोकः गत २४ घण्टामा नेपालमा १ हजार ९ सय ४८ जना कोरोना संक्रमित थपिएका छन् । योसँगै संक्रमितको संख्या २ लाख २६ हजार २६ जना पुगेको छ ।

थप ३ हजार १ सय ४० जना निको भएसँगै निको हुनेको संख्या २ लाख ७ हजार ९ सय ९८ जना पुगेको छ । थप २८ जनाको मृत्युसँगै संक्रमणका कारण ज्यान गुमाउनेको संख्या १ हजार ३ सय ८९ जना पुगेको छ ।

स्वास्थ्य तथा जनसंख्या मन्त्रालयका अनुसार हालसम्ममा १६ लाख ९० हजार ५ सय ९ स्वाबको पीसीआर परीक्षण गरिएको छ । ६ सय ६९ जना क्वारेन्टिनमा र १६ हजार ६ सय ३९ जना आइसोलेसनमा रहेका छन् ।

विराटचोकः युरोपियन देश पोल्याण्डमा ९ लाख ९ हजार तथा चेक रिपब्लिकमा ५ लाख २ हजार कोरोना संक्रमित पुगेका छन् । युरोपियन देशमा कोरोना संक्रमितको संख्याको आधारमा पोल्याण्ड सातौँ तथा चेक रिपब्लिक दशौँ स्थानमा रहेका छन् ।

वर्ल्ड ओ मिटर्स डट इन्फोका अनुसार गत २४ घण्टामा पोल्याण्डमा १० हजार १ सय ३९ जना र चेक रिपब्लिकमा ५ हजार ८ सय ९६ जना संक्रमित थपिएका छन् ।

सम्बन्धित समाचारहरुः

जर्मनीमा ९ लाख, पोल्याण्डमा ८ लाख र रोमानियामा ४ लाख पुगे कोरोना संक्रमित

मेक्सिकोमा १० लाख, जर्मनीमा ८ लाख र पोल्याण्डमा ७ लाख पुगे कोरोना संक्रमित

इटलीमा ६ लाख तथा पोल्याण्ड र चेकमा ३ लाखभन्दा बढी कोरोना संक्रमित

चेक गणतन्त्रमा १ लाख कोरोना संक्रमित, ४२ देशमा लाखभन्दा बढी कोरोना संक्रमित