कोशी प्रदेश
पुनर्स्थापना गृह भवनको उद्घाटन
विराटचोकः ‘कोभिड १९ पश्चात्को उत्कृष्ट पुनरागमनको सुनिश्चितता, अपाङ्गता भएका व्यक्तिहरुको पहुुँच र दिगो विकासका लागि हामी सबैको प्रतिबद्धता, अपाङ्गता र महिलामैत्री जनगणना आजको आवश्यकता, न्यायमुखी कानुनी ढाँचा र अधिकारिक तथ्याङ्कका लागि प्रतिबद्धता’ भन्ने नाराका साथ २९ औँ अन्तर्राष्ट्रिय अपाङ्गता दिवस आज देशभर मनाइएको छ ।
यसै अवसरमा मोरङको सुन्दरहरैंचा नगरपालिका वडा नम्बर १२ मा पुनस्र्थापना गृह भवनको उद्घाटन तथा अपाङ्गता भएका बालबालिकालाई शैक्षिक सामग्री, न्यानो कपडा साथै ह्वील चियर वितरण गरिएको छ ।
२०७१ सालमा निर्माण शुरु भएको भवनका लागि एकमुष्ट रकम नभएकाले रकम जोहो गर्दै जाँदा धेरै दुःख गरेर शिलान्यास भएको ४ वर्षमा यो भवन बनेको अपाङ्गता महिला संघ पुनस्र्थापनाकी अध्यक्ष मीना आचार्यले बताइन् । भवन निर्माणका लागि स्थानीय सरकार, शान्ति तथा बालबालिका मन्त्रालय, विदेश तथा स्वदेशमा बस्नेबाट चन्दा सहयोग, देउसीभैलो खेलेर सो भवन निर्माण गरेको आचार्य बताउँछिन् ।
नेपाल अपाङ्ग महिला संघ मोरङको आयोजनामा भएको कार्यक्रमको प्रमुुख अतिथि प्रदेश सभा सदस्य राजकुमार ओझाले भवनको उद्घाटन गरेका हुन् । सो अवसरमा शुभकामना व्यक्त गर्दै भवनको तला थप्न प्रदेश सरकारले सहयोग गर्ने ओझाले बताए । भवनमा जान बाटोको समस्या भएकाले यस विषयमा आफूले समन्वय गरेर अपाङ्गता भएका व्यक्तिलाई सहज रुपमा हिँड्न मिल्ने वातावरणलाई काम गर्ने बताए । ५० लाख लागतमा निर्माण भएको अपाङ्गतामैत्री भवनमा किचन, सभाहल, २ वटा कोठा र सुविधा सम्पन्न शौचालय रहेको छ ।
कार्यक्रममा बोल्दै सुन्दरहरैंचा नगरपालिका उपप्रमुख धनमाया तामाङले संघले राम्रो काम गरेको बताउँदै आगामी दिनमा नगरबाट पनि सहयोग गर्ने बताइन् ।
दिवसको अवसर पारेर ३० जना बालबालिकालाई शैक्षिक सामग्री झोला र १ सय ३० जनालाई न्यानो कपडा, ४ जना व्यक्तिलाई ह्वील चियर वितरण गरिएको छ । ह्वील चेयर र झोला करुणा फाउण्डेसनको सहयोगमा वितरण गरिएको हो । अपाङ्गता रोकथाम तथा पुनर्स्थापनाका कार्यक्रम अन्तर्गत प्रदेश सरकार र स्थानीय सरकारको साझेदारीमा सहयोग वितरण गरिएको हो । ह्वील चियर पाउनेमा वडा नम्बर २ बाट गगन चौधरी, वडा नम्बर १० सविना कार्की, वडा नम्बर ४ बाट लोकबहादुर श्रेष्ठ र जीवनकुमार चौधरी रहेको करुणा फाउण्डेसन नेपालका सिबिएस अफिसर श्यामकिशोर शाहाले बताए ।
सुन्दरहरैंचामा अहिले १ हजार ५ सयको संख्यामा अपाङ्गता भएका व्यक्ति रहेको अपाङ्गता अधिकारकर्मी भीमा खतिवडाले बताइन् । शिक्षाको पहँचमा नपुगेका बालबालिकाहरु अझै रहेको उनको भनाइ थियो । घरपरिवारमा अपाङ्गता भएका व्यक्तिलाई पढाउनुपर्छ भन्ने चेतनाको विकास अझै पनि भइनसकेको खतिवडा बताउँछिन् ।
अहिले सुन्दरहरैंचामा नेपाल अपाङ्गता महिला संघ र पुनर्स्थापना केन्द्रले सक्रिय रुपमा काम गरिरहेको उनी बताउँछिन् । यी संस्थाले काम गर्दा स्थानीय सरकारसँगको सहकार्यमा अपाङ्गताको अधिकार सबालमा काम गरिरहेको खतिवडा बताउँछिन् ।
Facebook Comment
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
मोरङको सुन्दरहरैंचास्थित गछिया बजार खेल मैदानमा बिहीबार भएको अन्तिम क्वार्टरफाइनल खेलमा राष्ट्रिय जागृति क्लबले झापाको दमक फुटबल एकेडेमीलाई २–० ले पराजित गर्दै प्रथम गछिया गोल्डकप अन्तर्राष्ट्रिय आमन्त्रण फुटबल प्रतियोगिताको सेमिफाइनलमा प्रवेश गरेको छ।
जागृतिका लागि प्रवेश बस्नेतले खेलको ११औँ मिनेटमा गोल गर्दै अग्रता दिलाए। त्यसपछि ३९औँ मिनेटमा योगेन्द्र कार्कीले दोस्रो गोल जोडेर टिमको जित सुनिश्चित गरे।
विजयी टिमका योगेन्द्र कार्की ‘प्लेयर अफ द म्याच’ घोषित भए र उनले नगद ५ हजार १ सय रुपियाँ प्राप्त गरे।
बिहीबारको खेलसँगै प्रतियोगिताको सेमिफाइनल समीकरण पूरा भएको छ। पहिलो सेमिफाइनल शुक्रबार सिराहाको सहलेस फुटबल क्लब र गाईघाट युनाइटेडबीच हुने छ।
दोस्रो संस्करणको नेपाल प्रिमियर लिग (एनपीएल) अन्तर्गत बिहीबार दुई खेल हुँदैछन्। पहिलो खेल ११:४५ बजे पोखरा एभेन्जर्स र काठमाण्डु गोर्खाज र अपराह्न ४ बजे सुदूरपश्चिम रोयल्स र चितवन राइनोजबीच हुँदैछ। दुवै खेल त्रिभुवन विश्वविद्यालय अन्तर्राष्ट्रिय क्रिकेट रङ्गशालामा हुनेछन्। पोखराका कप्तान कुशल भुर्तेल हुन् भने काठमाण्डुका कप्तान करण केसी हुन्। पोखराको नेतृत्व कुशल मल्लले गरेका छन् भने सुदूरपश्चिमको कप्तानीमा दीपेन्द्रसिंह ऐरी छन्। आजको खेलमा दुई कुशलसँग करण र दीपेन्द्रले प्रतिस्पर्धा गर्ने देखिन्छ। पाँच खेलबाट चार अङ्क मात्र जोडेको पोखरालाई प्लेअफको सम्भावना जीवित राख्न जित्नै पर्ने दबाब छ। काठमाडौँले भने छ खेलबाट आठ अङ्क जोडेको छ। प्लेअफमा पुगिसकेको सुदूरपश्चिम र प्लेअफको बाटोमा रहेको चितवन आमनेसामने हुनेछन्।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login