अर्थ
कादम्बिनीको साधारण सभामा नयाँ नेतृत्वको प्रशंसा
विराटचोकः कादम्बिनी कृषि सहकारी संस्था सुन्दरहरैंचा–७ को ८ औँ वार्षिक साधारण सभाको अवसरमा बोल्ने वक्ताहरुले संस्थाको नयाँ नेतृत्वले संस्थालाई सबैतिर चिनाउने काम गर्नुको साथै शेयर सदस्यको हितको लागि गरेको काम प्रशंसनीय भएको बताएका छन् ।
कार्यक्रमका प्रमुख अतिथि सुन्दरहरैंचाको वडा नम्बर ७ का अध्यक्ष चैतन्यप्रसाद सिटौलाले पछिल्लो समय कादम्बिनीले प्रशंसनीय काम गर्दै आएको बताए । एकै वडामा एकै प्रकृतिको एउटामात्रै सहकारी हुने भएकाले कृषि सहकारीको रुपमा कादम्बिनीले आफ्नो दह्रो उपस्थिति जनाएको उनको भनाइ थियो । कतिपय अस्पष्ट कुरा शेयर सदस्यलाई बुझाएर अघि बढ्न सकेमा संस्था प्रगतिपथमा लम्कने उनको भनाइ थियो ।
विशिष्ट अतिथि सुन्दरहरैंचा नगरपालिकाको कृषि शाखा प्रमुख फरिन्द्र भट्टराईले यस वर्ष सुन्दरहरैंचामा मल बिक्रीको सम्झौता शुरुमै गरेर किसानलाई समयमै मल दिन सकेकोमा संस्थाको प्रशंसा गरेका थिए । नगरपालिकाले अनुदानमा दिने कृषि सामग्री तथा मल, बीउ संस्थामा ल्याएर शेयर सदस्यलाई बिक्री गर्न सके संस्थाप्रति शेयर सदस्यको विश्वास थप बढ्ने उनले बताए ।
विशिष्ट अतिथि जिल्ला कृषि सहकारी संघका सचिव रवीन्द्र आचार्यले कृषि क्षेत्रमा सहकारीले राम्रो काम गरेको बताए । छोटो समयमै उल्लेख्य रुपमा शेयर सदस्य वृद्धि गरी संस्थाले वडाको उत्कृष्ट सहकारीको रुपमा आफूलाई परिचित गराएको बताए ।
साधारण सभामा संस्थाका अध्यक्ष मनोज दाहालले संस्थाको वार्षिक प्रतिवेदन, लेखा सुपरीवेक्षण समितिको प्रतिवेदन लेखा समिति संयोजक निराजन धमलाले र आर्थिक प्रतिवेदन संस्थाकी कोषाध्यक्ष लक्ष्मी केसीले प्रस्तुत गरेका थिए ।
कार्यक्रममा शेयर सदस्यका ज्येष्ठ अभिभावक भीमबहादुर राया र हरिप्रिया न्यौपानेलाई सम्मान गरिएको थियो । त्यस्तै असल ऋणीतर्फ राधिका कटुवाल, केरा खेतीतर्फ सावित्रा दुलाल र पशुपालनतर्फ खेम अधिकारीलाई सम्मान गरिएको थियो ।
संस्थाका सचिव मिलन लुइँटेलले सञ्चालन गरेको कार्यक्रममा उपाध्यक्ष सरस्वती दाहालले स्वागत मन्तव्य व्यक्त गरेकी थिइन् ।
Facebook Comment
नेपाली कांग्रेसको आसन्न नगर अधिवेशनलाई लक्षित गर्दै सुन्दरहरैँचा नगर उपसभापति पदमा कमल ढुङ्गाना ‘कुन्दन’ले उम्मेदवारी घोषणा गरेका छन्।
ढुङ्गाना हाल नेपाल तरुण दलको कार्यवाहक सभापतिको जिम्मेवारीमा छन् भने गछिया जेसीजका अध्यक्षसमेत हुन्। लामो समयदेखि सामाजिक तथा युवा क्षेत्रमा सक्रिय ढुङ्गाना युवामाझ लोकप्रिय मानिन्छन्।
सरल स्वभाव, लगनशीलता र नेतृत्व क्षमताका कारण युवापंक्तिमा आफ्नो छुट्टै पहिचान बनाएका ढुङ्गानाले पार्टी संगठनलाई थप सुदृढ बनाउँदै युवाको सहभागिता र नेतृत्व विकासलाई प्राथमिकता दिने बताएका छन्।
नगर उपसभापतिको उम्मेदवारीसँगै ढुङ्गानाले पार्टीभित्र युवाको सक्रिय सहभागिता बढाउने, संगठनलाई जनमुखी बनाउने तथा कार्यकर्ताबीचको सम्बन्धलाई थप मजबुत बनाउने आफ्नो उद्देश्य रहेको बताएका छन्।
सरकारले १० भदौमा आएको विनाशकारी रसुवा बाढीलाई ‘हिमालयन सुनामी’ नामकरण गरेको छ । सरकारले त्यही नामबाट संयुक्त राष्ट्रसंघको महासभामा सम्बोधन गर्ने अन्तर्राष्ट्रिय सम्बन्ध तथा पर्यटन समितिको बैठकमा उक्त नाम सुनाएका हुन् ।
संयुक्त राष्ट्रसंघीय महासभामा जानुअघि समितिलाई भ्रमणबारे जानकारी गराउँदै मन्त्री खनालले भने, ‘अहिलेको जुन बाढी छ, मैले सुनामी भन्ने गरेको छु– हिमालयन सुनामी । जुन डिजास्टर अनुभव गरियो, जसले पछिल्लो समय कम्तीमा पनि २०/२५ वर्षदेखि बनाइराखेको समृद्धिको न्यारेटिभमा नै धक्का पुर्याएको छ,’ उनले भने ।
१० भदौमा भोटेकोसीमा आएको बाढीले रसुवा, धादिङ, नुवाकोटमा सबैभन्दा बढी प्रभावित बनाएको छ । रसुवा र नुवाकोटमा भएको क्षति भने निकै बढी छ । बस्ती नै बगाएका कारण कम्तीमा पनि १० हजार नागरिक बेपत्ता भएको अनुमान छ । विभिन्न जलविद्युत् आयोजनादेखि अन्य संरचनाहरूमा पनि क्षति पुर्याएको छ ।
लाङटाङ लिरुङ हिमालमा भएको विस्फोटपछि तिब्बतको ल्हेन्दे खोला हुँदै भोटेकोसीमा बाढी आएको थियो ।
सरकार अहिले पनि उद्धारमा सक्रिय छ । उक्त विपत्पछि सरकारले संयुक्त राष्ट्रसंघमा जलवायु परिवर्तनका कारण नेपालले क्षति व्यहोर्नुपरेको आवाज उठाउँदै छ । त्यस क्रममा सरकारले क्षतिपूर्तिको माग दाबी गर्ने तयारीसमेत गरेको छ ।
उक्त तयारीका लागि परराष्ट्रमन्त्री खनाल महसभामा जाने तयारीमा छन् । साथै, प्रधानमन्त्री वालेन्द्र शाह ‘बालेन’ ६ असोजमा महासभामा भाग लिन अमेरिका जाने तयारी छ । उनले ८ असोजमा सम्बोधन गर्ने तयारी छ ।
नेपालले पहिलोपटक घरेलु मैदानमा टेस्ट मान्यता प्राप्त राष्ट्र बंगलादेशविरुद्ध ऐतिहासिक अन्तर्राष्ट्रिय टि-२० शृंखला खेल्ने भएको छ। नेपाल क्रिकेट संघ (क्यान) र बंगलादेश क्रिकेट बोर्ड (बिसीबी) को संयुक्त आयोजनामा मार्च २०२७ मा तीन खेलको टि-२० अन्तर्राष्ट्रिय शृंखला सञ्चालन हुन लागेको हो।
त्रिभुवन विश्वविद्यालय (टियु) क्रिकेट मैदान, कीर्तिपुरमा आयोजना हुने उक्त शृंखलाका खेल वि.सं. २०८३ चैत १२, १४ र १६ गते ( सन् २०२७ मार्च २६, २८ र ३०) मा खेलिनेछन्। नेपाली टोलीले घरेलु मैदानमा कुनै टेस्ट राष्ट्रसँग द्विपक्षीय शृंखला खेल्न लागेको यो पहिलो अवसर हो।
यो शृंखला नेपालमा हालै गएको विनाशकारी बाढी तथा पहिरोमा ज्यान गुमाएका पीडितको स्मृतिमा समर्पित गरिनेछ। यसका साथै बंगलादेश क्रिकेट बोर्डले नेपालको महिला क्रिकेट, उमेर समूहका टोली, उच्च प्रदर्शन कार्यक्रम (हाई पर्फर्मेन्स) तथा प्राविधिक क्षमता अभिवृद्धिमा समेत सहयोग गर्ने प्रतिबद्धता जनाएको छ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner7 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login