शेयर
फेरि पार गर्याे नेप्सेले २००० को मनोवैज्ञानिक रेखा
विराटचोकः शेयर लगानीकर्ताले निर्धारण गरेको २००० को मनोवैज्ञानिक रेखा नेप्सेले फेरि पार गरेको छ । यसअघि पनि सो रेखा पार गरे पनि गत आइतबार नेप्सेमा तेहेरो अंकको गिरावट आएपछि लगानीकर्तामा चिन्ता छाएको थियो । आज बजार २ दशमलव ३६ प्रतिशत अर्थात् ४६ दशमलव ४३ अंक बढेसँगै फेरि मनोवैज्ञानिक रेखाभन्दा माथि नेप्से पुगेको हो ।
नेप्से आज २०१०.४५ बिन्दुमा अडिएको छ । सेन्सेटिभ इन्डेक्स पनि २ दशमलव १६ प्रतिशतले बढेर ३८२.१२ अंकमा अडिएको छ । बजार उच्च अंकले बढे पनि व्यापार, जलविद्युत र होटल समूहको सूचक भने तल झरेको छ । सबैभन्दा धेरै उत्पादनमूलक समूह ६ प्रतिशतले बढेको छ । सबैभन्दा धेरै जलविद्युत समूह १ दशमलव ६३ प्रतिशतले ओरालो लागेको छ ।
बजार बढे पनि कारोबार रकम भने खासै बढ्न सकेको छैन । आज ४ अर्ब ८९ करोड ९४ लाख ८४ हजार १ सय ३१ रुपैयाँको शेयर किनबेच भएको छ । २ सय ३ वटा कम्पनीको ४३ हजार ५ सय ८४ पटक भएको कारोबारबाट ९० लाख ५० हजार १६ कित्ता शेयर किनबेच भएको हो ।
सबैभन्दा धेरै महुली सामुदायिक लघुवित्त, साधना लघुवित्त र नारायणी विकास बैंकको शेयरमूल्य १० प्रतिशतका दरले बढेको छ । हिमालयन डिस्टिलरी, शिवम् सिमेन्ट, नेपाल लाइफ इन्स्योरेन्स, नेपाल बंगलादेश बैंक, प्रभु बैंक र एनआईसी एशिया बैंक उच्च मूल्य बढ्ने कम्पनीमा परेका छन् ।
बजार बढे पनि माथिल्लो तामाकोशीको शेयरमूल्य झण्डै ५ प्रतिशतले ओरालो लागेको छ । केही दिन लगातार १० प्रतिशतले बढेको यो कम्पनीको शेयरमूल्य गत बिहीबार १० प्रतिशतले घटेको थियो । आँखु खोला जलविद्युत कम्पनी, अरुण काबेली हाइड्रोपावर, दिव्यश्वरी हाइड्रोपावर, रसुवागढी हाइड्रोपावर, बोटलर्स नेपाल तराई, सान्जेन जलविद्युत कम्पनी, श्री इन्भेस्टमेन्ट फाइनान्स, युनाइटेड मोदी हाइड्रोपावर आदि उच्च मूल्य घट्ने कम्पनीमा परेका छन् ।
उच्च कारोबार गर्ने कम्पनीमा भने नेपाल लाइफ इन्स्योरेन्स कम्पनी परेको छ । सो कम्पनीको ६७ करोड १ लाख ७२ हजार रुपैयाँको शेयर किनबेच भएको छ । नेपाल पुनर्बीमा कम्पनीको ३५ करोड ९४ लाख ५६ हजार रुपैयाँ र हिमालयन डिस्टिलरीको ३० करोड ६५ लाख ८२ हजार रुपैयाँको शेयर किनबेच भएको छ ।
बजार बढेसँगै समग्र बजार पूँजीकरण २६ खर्ब ९५ अर्ब कायम भएको छ ।
Facebook Comment
नेपाली कांग्रेसको आसन्न नगर अधिवेशनलाई लक्षित गर्दै सुन्दरहरैँचा नगर उपसभापति पदमा कमल ढुङ्गाना ‘कुन्दन’ले उम्मेदवारी घोषणा गरेका छन्।
ढुङ्गाना हाल नेपाल तरुण दलको कार्यवाहक सभापतिको जिम्मेवारीमा छन् भने गछिया जेसीजका अध्यक्षसमेत हुन्। लामो समयदेखि सामाजिक तथा युवा क्षेत्रमा सक्रिय ढुङ्गाना युवामाझ लोकप्रिय मानिन्छन्।
सरल स्वभाव, लगनशीलता र नेतृत्व क्षमताका कारण युवापंक्तिमा आफ्नो छुट्टै पहिचान बनाएका ढुङ्गानाले पार्टी संगठनलाई थप सुदृढ बनाउँदै युवाको सहभागिता र नेतृत्व विकासलाई प्राथमिकता दिने बताएका छन्।
नगर उपसभापतिको उम्मेदवारीसँगै ढुङ्गानाले पार्टीभित्र युवाको सक्रिय सहभागिता बढाउने, संगठनलाई जनमुखी बनाउने तथा कार्यकर्ताबीचको सम्बन्धलाई थप मजबुत बनाउने आफ्नो उद्देश्य रहेको बताएका छन्।
सरकारले १० भदौमा आएको विनाशकारी रसुवा बाढीलाई ‘हिमालयन सुनामी’ नामकरण गरेको छ । सरकारले त्यही नामबाट संयुक्त राष्ट्रसंघको महासभामा सम्बोधन गर्ने अन्तर्राष्ट्रिय सम्बन्ध तथा पर्यटन समितिको बैठकमा उक्त नाम सुनाएका हुन् ।
संयुक्त राष्ट्रसंघीय महासभामा जानुअघि समितिलाई भ्रमणबारे जानकारी गराउँदै मन्त्री खनालले भने, ‘अहिलेको जुन बाढी छ, मैले सुनामी भन्ने गरेको छु– हिमालयन सुनामी । जुन डिजास्टर अनुभव गरियो, जसले पछिल्लो समय कम्तीमा पनि २०/२५ वर्षदेखि बनाइराखेको समृद्धिको न्यारेटिभमा नै धक्का पुर्याएको छ,’ उनले भने ।
१० भदौमा भोटेकोसीमा आएको बाढीले रसुवा, धादिङ, नुवाकोटमा सबैभन्दा बढी प्रभावित बनाएको छ । रसुवा र नुवाकोटमा भएको क्षति भने निकै बढी छ । बस्ती नै बगाएका कारण कम्तीमा पनि १० हजार नागरिक बेपत्ता भएको अनुमान छ । विभिन्न जलविद्युत् आयोजनादेखि अन्य संरचनाहरूमा पनि क्षति पुर्याएको छ ।
लाङटाङ लिरुङ हिमालमा भएको विस्फोटपछि तिब्बतको ल्हेन्दे खोला हुँदै भोटेकोसीमा बाढी आएको थियो ।
सरकार अहिले पनि उद्धारमा सक्रिय छ । उक्त विपत्पछि सरकारले संयुक्त राष्ट्रसंघमा जलवायु परिवर्तनका कारण नेपालले क्षति व्यहोर्नुपरेको आवाज उठाउँदै छ । त्यस क्रममा सरकारले क्षतिपूर्तिको माग दाबी गर्ने तयारीसमेत गरेको छ ।
उक्त तयारीका लागि परराष्ट्रमन्त्री खनाल महसभामा जाने तयारीमा छन् । साथै, प्रधानमन्त्री वालेन्द्र शाह ‘बालेन’ ६ असोजमा महासभामा भाग लिन अमेरिका जाने तयारी छ । उनले ८ असोजमा सम्बोधन गर्ने तयारी छ ।
नेपालले पहिलोपटक घरेलु मैदानमा टेस्ट मान्यता प्राप्त राष्ट्र बंगलादेशविरुद्ध ऐतिहासिक अन्तर्राष्ट्रिय टि-२० शृंखला खेल्ने भएको छ। नेपाल क्रिकेट संघ (क्यान) र बंगलादेश क्रिकेट बोर्ड (बिसीबी) को संयुक्त आयोजनामा मार्च २०२७ मा तीन खेलको टि-२० अन्तर्राष्ट्रिय शृंखला सञ्चालन हुन लागेको हो।
त्रिभुवन विश्वविद्यालय (टियु) क्रिकेट मैदान, कीर्तिपुरमा आयोजना हुने उक्त शृंखलाका खेल वि.सं. २०८३ चैत १२, १४ र १६ गते ( सन् २०२७ मार्च २६, २८ र ३०) मा खेलिनेछन्। नेपाली टोलीले घरेलु मैदानमा कुनै टेस्ट राष्ट्रसँग द्विपक्षीय शृंखला खेल्न लागेको यो पहिलो अवसर हो।
यो शृंखला नेपालमा हालै गएको विनाशकारी बाढी तथा पहिरोमा ज्यान गुमाएका पीडितको स्मृतिमा समर्पित गरिनेछ। यसका साथै बंगलादेश क्रिकेट बोर्डले नेपालको महिला क्रिकेट, उमेर समूहका टोली, उच्च प्रदर्शन कार्यक्रम (हाई पर्फर्मेन्स) तथा प्राविधिक क्षमता अभिवृद्धिमा समेत सहयोग गर्ने प्रतिबद्धता जनाएको छ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner7 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login