कोशी प्रदेश
झापा, मोरङ र सुनसरी सडक मानवमुक्त बनाइँदै
विराटनगरः प्रदेश १ का झापा, मोरङ र सुनसरीका सडक मानव उद्दार अभियान सञ्चालन गरिने भएको छ । सडक मानवको राष्ट्रिय उद्दार कार्यक्रमअन्र्तगत पुस ९, १० र ११ गते मोरङ, झापा र सुनसरीमा उद्दार अभियान सञ्चालन गरिने भएको प्रदेश १ को सामाजिक विकास मन्त्रालयले जनाएको छ ।
मानव सेवा आश्रमसँगको सहकार्यमा उद्दार अभियान सञ्चालन गर्न लागिएको सामाजिक विकास मन्त्री जीवन घिमिरेले बताए । उनका अनुसार पुस ७ र ८ गते तीन जिल्लाका सडक बालबालिका र पुस ९ देखि ११ गतेसम्म मानसिक रोगी, असहायहरुको उद्दार गरिने भएको छ ।
यसरी उद्दार गरिएका बालबालिकालाई इटहरीमा रहेको भ्वाइस अफ चिल्ड्रेन आश्रममा राखिने भएको छ । अशक्तलाई झापा भद्रपुरमा रहेको खगेन्द्र नवजीवन केन्द्रमा राखिने भएको छ । अन्यलाई भने मानव सेवा आश्रम विराटनगरमा राखिने बताइएको छ ।
पूर्वपश्चिम राजमार्ग केन्द्रित कार्यक्रमअन्र्तगत पहिलो चरणमा झापा, मोरङ र सुनसरीका सहयोगापेक्षी मानवहरुको उद्दार गरिने र अन्य जिल्लामा पनि चाँडै अभियान सञ्चालन गरिने मन्त्री घिमिरेको भनाइ छ । अभियानअन्र्तगत उद्दार गरिसकेपछि तीन जिल्लाका स्थानीय तहहरुले सडक मानवमुक्त घोषणा गर्ने घिमिरेले बताए ।
प्रदेशका सबै स्थानीय तहले सहयोगापेक्षी सडकआश्रित मानवमुक्त सडक घोषणा गरेपछि प्रदेशलाई आगामी वैशाख मसान्तभित्रमा सहयोगापेक्षी सडकआश्रित मानवमुक्त सडक घोषणा गरिने मन्त्री घिमिरेले बताए ।
Facebook Comment
Banner
नोवेल मेडिकल कलेज टिचिङ्ग हस्पिटलका चिकित्सक, कर्मचारी, विद्यार्थीहरुले रक्तदान गरे
Banner
नोवेल मेडिकल कलेज टिचिङ्ग हस्पिल बिरटनगरको प्राबिधिक सहयोग र सुनसरी जिल्लाको बराहाक्षेत्र नगरपालिकाको आयोजनामा महेन्द्र मा. बि., भरौल, वार्ड –३ मा एक दिवसिय निःशुल्क स्वास्थ्य सिविरको आयोजना गरियो ।
Banner
नोबेलको निःशुल्क आँखा शिविरमा आँखा पाकेका बिरामीको भीड
आँखा पाक्ने समस्या बढिरहेका बेला विराटनगरस्थित नोबेल शिक्षण अस्पतालले बुधबार मोरङको पथरीशनिश्चरे–४ सिरिसेडाँडामा निःशुल्क आँखा शिविर सञ्चालन गरेको छ ।
पथरीशनिश्चरे ४ नं. वडा कार्यालयसँग सहकार्य गरेर एक दिने शिविर आयोजना गरिएको हो । शिविरमा २ सय ६० जना बिरामीको निःशुल्क आँखा जाँच गरी औषधि प्रदान गरिएको नोबेल शिक्षण अस्पतालका मार्केटिङ अफिसर नविन दाहालले जानकारी दिए ।
शिविरमा आएका बिरामीहरूलाई नोबेल अस्पतालको आँखा विभागका डाक्टरहरूको टोलीले परीक्षण गरेको थियो ।
सिरिसेडाँडास्थित आधारभूत स्वास्थ्य केन्द्रमा आयोजना गरिएको शिविरमा आँखा पाकेका बिरामीहरू गाउँ–गाउँबाट आएका थिए ।
गाउँमा आँखा पाक्ने रोग फैलिँदै गएकाले रोकथामका लागि शिविर सञ्चालन गरिएको नोबेल शिक्षण अस्पतालले जनाएको छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login