राजनीति
इतिहासकै जादुगर प्रधानमन्त्री ओली भएको कांग्रेसको भनाइ
विराटचोकः प्रधानमन्त्री केपी शर्मा ओलीको कदमविरुद्ध विराटचोकमा प्रदर्शन गरिएको छ । नेपाल तरुण दल, नेपाल विद्यार्थी संघ र नेपाल महिला संघ सुन्दरहरैंचाको आयोजनामा सोमबार प्रदर्शन भएको हो ।
आइतबार प्रधानमन्त्रीको सिफारिशमा राष्ट्रपति विद्यादेवी भण्डारीले संघीय संसद विघटन गरी मध्यावधि चुनाव घोषणा गरेपछि देशभर विरोध भइरहेको छ ।
विरोध कार्यक्रममा बोल्दै कांग्रेसका क्षेत्रीय सभापति होमनाथ पोख्रेलले धेरैको बलिदान र संघर्षले ल्याएको लोकतन्त्र र गणतन्त्र प्रधानमन्त्रीले मास्ने खेल गरेकाले सडकमा आउनुपरेको बताए । यस्तै, संसद विघटन गरेर नेपालीलाई विश्वसामु नाङ्गो नाच देखाएको र अब कम्युनिष्ट पार्टी नेपालबाट लोप हुने उनले बताए ।
महिला संघकी क्षेत्रीय सभापति कमला अधिकारीले दुई तिहाइको सरकार तोरी र कोदो मिसिएर बनेको र यो सरकारले जनताले बनाएको संविधान नै मास्न लागेको बताइन् ।
कांग्रेसका जिल्ला सदस्य मित्रसेन योञ्जनले प्रधानमन्त्री को दादागिरीले देशलाई यो अवस्थामा ल्याएको बताउँदै संविधानमा उल्लेख नै नभएका अधिकार हातमा लिएर ओली अघि बढेको बताए । महासमिति सदस्य जयराज संयोगले चुच्चे रेल, पानीजहाज, ग्यास पाइपको सपना देखाएर आज नेपाली जनतालाई दुखद घडीमा ल्याएर देशमा सङ्कट निम्त्याउने काम प्रधानमन्त्रीले गरेको बताए । विभिन्न राजनीतिक नियुक्ति, तत्काल बन्द गर्नुपर्ने उनले बताए ।
महासमिति सदस्य नगेन्द्र जमरकट्टेलले कसैसँग परामर्श नगरी हतारिएर काम गर्नुपर्नेमा प्रधानमन्त्रीले त्यसो नगरी संविधान मिचेर देशलाई बर्बादीतिर लागेको बताए । उनले इतिहासकै जादुगर प्रधानमन्त्रीले नेपाली जनताको जनमतको कदर गर्न नसकेको बताए ।
संविधानविरोधी गतिविधि तत्काल बन्द गर्नुपर्ने अधिकांश वक्ताहरुले बताएका थिए । नेपाली कांग्रेसका भातृ संगठनले गरेको सो विरोध कार्यक्रममा केशव निरौला, क्षेत्रीय सभापति गणेश खड्का, जिल्ला सदस्य राजेन्द्र ढकाल, नेपाल विद्यार्थी संघ सुुन्दरहरैंचा सभापति गोपाल कार्कीलगायत सहभागी भएका थिए ।
विरोध कार्यक्रमका सभापति नेपाल तरुण दलका क्षेत्रीय सभापति प्रकाश श्रेष्ठले प्रधानमन्त्रीको असंवैधानिक कदमको विरोध गरिएको बताए । कार्यक्रमको सञ्चालन नेवि संघ नेता सुमन ढकालले गरेका थिए ।
प्रधानमन्त्रीको कदमविरुद्ध विराटचोकमा कांग्रेसको प्रदर्शन (फोटो फिचर)
Facebook Comment
Banner
सर्पले टोकेमा के गर्ने ?
अब गर्मी महिना शुरु भएसँगै सर्पको बिगबिगी बढ्न थालेको छ । अझ तराईका जिल्लाहरूमा त यो समस्या व्यापक नै हुन्छ । सर्प दुई प्रकारका हुन्छन्, विषालु र विषरहित । विषरहित सर्पले टोकेमा शरीरमा कुनै किसिमको हानि हुँदैन । विषालुले टोकेमा ज्यान समेत जान सक्छ । नेपालमा गोमन, करेत र भाइपर प्रजातिका सर्पले धेरैलाई टोक्ने गरेको पाइन्छ ।
गोमन र करेत सर्पले टोक्दा न्युरो टक्सिभेनममा असर गर्ने भएकाले मस्तिष्क र स्नायुमा प्रभाव पार्छ । जसकारण मानिसको मृत्यु हुने जोखिम धेरै हुन्छ । सर्पले टोकेपछि आँखा खोल्न गाह्रो हुने, आँखा लट्टिने, खाना खान वा थुक निल्न गाह्रो हुन्छ ।
भाइपर सर्पमा हेमोटक्सिन हुन्छ, जसले शरीरमा रगतलाई खराब गर्छ । टोकेको ठाउँ सुन्निने, समयमा उपचार भएन भने घाउ बढ्दै बढ्दै जाने हुन्छ र समयमा उपचार गरिएन भने हातखुट्टा काट्नुपर्ने वा अङ्गभङ्ग हुने जोखिम बढी हुन्छ । नेपालमा सर्पदंशबाट हुने मृत्युमध्ये ९० प्रतिशत भन्दा धेरै मृत्यु करेत र गोमन सर्पको टोकाइबाट हुने गरेको पाइन्छ ।
सर्पले टोक्नासाथ के गर्ने ?
गाउँघरमा अहिले पनि सर्पले टोकेमा घरेलु उपचार नै गर्ने चलन देखिन्छ । सर्पले टोक्ने बित्तिकै टोकेको ठाउँभन्दा अलि माथि कपडाले वा अरू कुनै वस्तुले कसिलो गरी बाँध्ने, सर्पले टोकेको ठाउँमा मुखले चुसेर विष निकाल्ने, धारिलो चीजले काटेर विष मिसिएको रगत फाल्नेजस्ता घरेलु उपचार गरिन्छ, जुन एकदमै गलत हो ।
यसले फाइदाभन्दा पनि हानि पुर्याउँछ । सर्पले टोकेमा यसको खास प्राथमिक उपचार नै छैन । टोकेको ठाउँमा लगाउने पीआईबी (प्रेसर इमुलाइजेसन व्यान्डेजिङ) नामको ब्यान्डेज पाइन्छ, जसले घाउलाई छोप्न र नहल्लाउन सहयोग गर्छ । त्यसपछि तुरुन्तै नजिकैको अस्पताल वा स्वास्थ्य चौकीमा पुर्याइदिनुपर्छ ।
सर्पले कुन भागमा बढी टोक्छ ?
सर्पले प्रायः शरीरको तल्लो भागमा टोकेको देखिन्छ । हात, खुट्टा, कम्मर, ढाड, छाती, घाँटी, टाउको जुनसुकै ठाउँमा सर्पले टोक्न सक्छ । टाउको र घाँटीमा टोकेमा विषले चाँडै असर गर्छ, जसकारण मृत्यु हुने जोखिम पनि धेरै हुन्छ ।
Banner
इलामको उपचुनाबमा रास्वपाको जमानत जफत
इलाम क्षेत्र नम्बर २ को उपचुनाबमा राष्ट्रिय स्वतन्त्र पार्टी (रास्वपा)को जमानत जफत भएको छ । माओवादी केन्द्र त्यागेर रास्वपाबाट उम्मेदवार बनेका मिलन लिम्बुले ५ हजार ५० मत मात्रै पाएका छन् ।
प्रतिनिधि सभा सदस्य निर्वाचन ऐन २०७४को व्यवस्था अनुसार कुल सदर मतको १० प्रतिशत पनि पाउन नसकेपछि लिम्बुको जमानत जफत भएको हो । उपचुनाबमा गणना भएको ६९ हजार ३७४ मतमध्ये ६८ हजार ४७२ मत सदर भएको थियो । ९०२ मत बदर भएको थियो । मिलनले पाएको मत कूल सदर मतको १० प्रतिशत नपुग्ने भएकाले उनको जमानत (धरौटी) जफत भएको हो ।
प्रतिनिधि सभा सदस्यका लागि इलाम २ मा भएको उपनिर्वाचनमा नेकपा एमालेका सुहाङ नेम्वाङ विजयी भएका छन् । निकटतम प्रतिस्पर्धी नेपाली कांग्रेसका उम्मेदवार डम्बर खड्कालाई ५ हजार ८३० मत अन्तरले पछि पार्दै सुहाङ विजयी भएका हुन् ।
सुहाङ २७ हजार ७७२ मतसहित विजयी हुँदा उनका निकटतम प्रतिस्पर्धी नेपाली कांग्रेसका उम्मेदवार डम्बर खड्काले २१ हजार ९४२ मत पाए । निर्वाचनमा पहिचान पक्षधरका स्वतन्त्र उम्मेदवार डकेन्द्रसिंह थेगिमले ११ हजार ४५७ मत पाएका छन् ।
निर्वाचन ऐनमा प्रत्यक्षतर्फको चुनावमा उम्मेदवारहरुले १० हजार रुपैयाँ सम्बन्धित निर्वाचन अधिकृतको कार्यालयमा र समानुपातिकतर्फको चुनावमा ५० हजार रुपैयाँ निर्वाचन आयोगमा बुझाउनुपर्छ । तर प्रत्यक्षतर्फको चुनावमा महिला र दलित वा अल्पसंख्यक समुदाय वा आर्थिक रुपले विपन्न उम्मेदवारको हकमा भने धरौटी रकममा ५० प्रतिशत छुट पाइन्छ ।
Banner
सगरमाथा हिमाल आरोहणका लागि चौथो शिविरसम्म बाटो खुल्यो
सन् २०२४ को वसन्त याममा सगरमाथा हिमाल आरोहणका लागि चौथो शिविरसम्म बाटो खुलेको छ । पर्यटन विभागकाअनुसार सगरमाथा आरोहणका लागि डोरी टाँग्ने काम चौथो शिविरसम्म सम्पन्न भएको छ । मौसमले साथ दिए वैशाख २८ गतेदेखि सगरमाथा आरोहण हुने विभागको अनुमान छ ।
यसअघि आधार शिविरदेखि दोस्रो शिविरसम्म आइसफल डाक्टरको टोलीले बाटो बनाईसकेको थियो । विभागका अनुसार सगरमाथा आरोहणका लागि अहिलेसम्म ३७ आरोही समूहका तीन सय ९० आरोहीले आरोहण अनुमति लिएका छन् । सगरमाथा आरोहणबाट मात्रै ५५ करोड ८५ लाख ४४ हजार चार सय ४९ रोयल्टी जम्मा भएको छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login