अपराध
ब्राउन सुगरसहित ९ जना पक्राउ
विराटनगरः उदयपुर र मोरङका विभिन्न स्थानबाट सोमबार ब्राउन सुगरसहित ९ जना पक्राउ परेका छन् ।
उदयपुरको त्रियुगा नगरपालिका–११ मा ब्राउन सुगरको कारोबार भइरहेको भन्ने विशेष सूचनाका आधारमा सोमबार दिउँसो जिल्ला प्रहरी कार्यालय उदयपुरबाट प्रहरी टोली खटिएको थियो ।
सो टोलीले स्थानीय २५ वर्षीय जोनसेना भनिने सुमन बस्नेतलाई ० दशमलव २० ग्राम ब्राउन सुगर र नगद ९ हजार ६ सय २० रुपैयाँसहित पक्राउ गरेको थियो । उनलाई सोधपुछ गर्ने क्रममा त्रियुगा नगरपालिका–१४ साउने घर भई त्रियुगा नगरपालिका–१२ बस्ने २५ वर्षीया पार्वती मगरको समेत संग्लग्नता रहेको खुल्न आएसँगै तत्काल मगरको कोठामा पुगेको प्रहरी टोलीले मगरलाई नियन्त्रणमा लिएको थियो ।
मगर पक्राउ परेसँगै निजको कोठा खानतलासी गर्दा २० दशमव ३४ ग्राम ब्राउनसुगर, नगद ५७ हजार ८ सय, ब्राउन सुगर सेवन गर्न प्रयोग हुने प्लेट, ब्लेड, चुरोट र केही सिक्का बरामद भएको थियो ।
यसैगरी, सोही कार्यालयबाट खटिएको प्रहरी टोलीले त्रियुगा नगरपालिका–१३ बरुवा खोला किनाराबाट त्रियुगा–११ का ३२ वर्षीय नसिव राईलाई १६ दशमलव ३७ ग्राम लागूऔषध ब्राउन सुगरसहित पक्राउ गरेको छ । विशेष सूचनाका आधारमा सोमबार राती साढे ९ बजे खटिएको प्रहरी टोलीले राईलाई सो परिमाणको ब्राउन सुगर र नगद ११ हजार २ सयसहित पक्राउ गरेको हो ।
पक्राउ परेका तीनै जनाको सम्बन्धमा थप अनुसन्धान भइरहेको जिल्ला प्रहरी कार्यालय उदयपुरले जनाएको छ ।
त्यस्तै, मोरङको कानेपोखरी गाउँपालिका–५ भौंसाबारीबाट सोमबार राती पौने ७ बजे ब्राउन सुगरसहित ५ जना पक्राउ परेका छन् । सो स्थानमा ब्राउन सुगरको कारोबार भइरहेको भन्ने विशेष सूचनाका आधारमा जिल्ला प्रहरी कार्यालय मोरङबाट खटिएको प्रहरी टोलीले ४० ग्राम ब्राउन सुगरसहित ५ जनालाई पक्राउ गरेको हो ।
पक्राउ पर्नेहरुमा कानेपोखरी गाउँपालिका–५ का १९ वर्षीय मुस्कान धिमाल र विक्रम मगर, २२ वर्षीय पंचन साह, कानेपोखरी–२ का २४ वर्षीय राजेश धिमाल र लेटाङ–३ का २३ वर्षीय शान्तिराम काफ्ले रहेका छन् ।
यस्तै, मोरङको विराटनगर महानगरपालिका–१६ दरैया बस्तीबाट नाइट्राभेट ट्याब्लेटसहित १ जना पक्राउ परेका छन् । इलाका प्रहरी कार्यालय रानीबाट खटिएको प्रहरी टोलीले धनकुटा घर भई पथरीशनिश्चरे नगरपालिका–९ बस्ने २५ वर्षीय धनबहादुर रानालाई लागूऔषध नाइट्राभेट ३ सय ट्याब्लेट सहित सोमबार साँझ सवा ६ बजे पक्राउ गरेको हो । पक्राउ परेकाहरुको सम्बन्धमा थप अनुसन्धान भइरहेको जिल्ला प्रहरी कार्यालय मोरङले जनाएको छ ।
Facebook Comment
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
मोरङको सुन्दरहरैंचास्थित गछिया बजार खेल मैदानमा बिहीबार भएको अन्तिम क्वार्टरफाइनल खेलमा राष्ट्रिय जागृति क्लबले झापाको दमक फुटबल एकेडेमीलाई २–० ले पराजित गर्दै प्रथम गछिया गोल्डकप अन्तर्राष्ट्रिय आमन्त्रण फुटबल प्रतियोगिताको सेमिफाइनलमा प्रवेश गरेको छ।
जागृतिका लागि प्रवेश बस्नेतले खेलको ११औँ मिनेटमा गोल गर्दै अग्रता दिलाए। त्यसपछि ३९औँ मिनेटमा योगेन्द्र कार्कीले दोस्रो गोल जोडेर टिमको जित सुनिश्चित गरे।
विजयी टिमका योगेन्द्र कार्की ‘प्लेयर अफ द म्याच’ घोषित भए र उनले नगद ५ हजार १ सय रुपियाँ प्राप्त गरे।
बिहीबारको खेलसँगै प्रतियोगिताको सेमिफाइनल समीकरण पूरा भएको छ। पहिलो सेमिफाइनल शुक्रबार सिराहाको सहलेस फुटबल क्लब र गाईघाट युनाइटेडबीच हुने छ।
दोस्रो संस्करणको नेपाल प्रिमियर लिग (एनपीएल) अन्तर्गत बिहीबार दुई खेल हुँदैछन्। पहिलो खेल ११:४५ बजे पोखरा एभेन्जर्स र काठमाण्डु गोर्खाज र अपराह्न ४ बजे सुदूरपश्चिम रोयल्स र चितवन राइनोजबीच हुँदैछ। दुवै खेल त्रिभुवन विश्वविद्यालय अन्तर्राष्ट्रिय क्रिकेट रङ्गशालामा हुनेछन्। पोखराका कप्तान कुशल भुर्तेल हुन् भने काठमाण्डुका कप्तान करण केसी हुन्। पोखराको नेतृत्व कुशल मल्लले गरेका छन् भने सुदूरपश्चिमको कप्तानीमा दीपेन्द्रसिंह ऐरी छन्। आजको खेलमा दुई कुशलसँग करण र दीपेन्द्रले प्रतिस्पर्धा गर्ने देखिन्छ। पाँच खेलबाट चार अङ्क मात्र जोडेको पोखरालाई प्लेअफको सम्भावना जीवित राख्न जित्नै पर्ने दबाब छ। काठमाडौँले भने छ खेलबाट आठ अङ्क जोडेको छ। प्लेअफमा पुगिसकेको सुदूरपश्चिम र प्लेअफको बाटोमा रहेको चितवन आमनेसामने हुनेछन्।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login