स्थानीय तह
सुन्दरहरैंचा–३ मा उद्घोषण तालीम सम्पन्न
विराटचोकः मोरङको सुन्दरहरैंचा वडा नम्बर ३ गछियामा उद्घोषण कला तालीम सम्पन्न भएको छ । शुक्रबार शुरु भएको तालीम सोमबार सम्पन्न भएको हो ।
प्रगति महिला समाजको आयोजना तथा वडा नम्बर ३ को कार्यालयको आर्थिक सहयोगमा भएको कार्यक्रमको प्रमुख अतिथि वडाध्यक्ष जीवनप्रसाद ढुंगाना रहेका थिए । लक्ष्मीनारायण मन्दिरको सभाहलमा भएको कार्यक्रममा बोल्दै प्रमुख अतिथि ढुंगानाले तालीम लिनु र दिनु मात्र उपलब्धी नभई सिकेका कुरालाई व्यवहारमा ल्याउनु महत्वपूर्ण हुने बताए ।
यस क्षेत्रमा सयौँ तालीम आउने भएकाले यस्ता तालीम उपलब्धिमूलक हुनुपर्ने बताउँदै तालीमपछि रोजगारी दिलाउन वडाले अन्य शीर्षकमा पनि तालीम सञ्चालन गरिरहेको बताए । विकास निर्माणसँगै मानिसको सामाजिक, बौद्धिक विकासलाई अघि बढाउन यस्ता कार्यक्रमलाई निरन्तरता दिइरहने उनको भनाइ थियो ।
३० जना वडावासीको सहभागिता रहेको कार्यक्रममा एलएन गच्छदारले प्रशिक्षण दिएका थिए । समापन कार्यक्रममा बोल्दै उनले मानिसको मिहिनेत र प्रयासले धेरै ठूला कामहरु सम्पन्न भएको उदाहरण दिँदै नेतृत्व विकासका लागि सिकेका कुराहरुलाई गाउँघरमा दैनिक रुपमा व्यवहारमा ल्याउनुपर्नेमा जोड दिए ।
प्रशिक्षार्थीको तर्फबाट बोल्दै पूर्णकुमारी भट्टराईले छोरी, आमा, बुहारी भनेर मात्र सीमित नभएर समाजमा एउटा नाम राख्न अगाडि बढ्ने खुड्किलोको रुपमा यो तालीम उपलब्धिमूलक भएको बताइन् । यस्तै विमला बिकले शुरुका दिनमा आफ्नो परिचय दिन हिच्किचाउनुपर्ने अवस्थाबाट अहिले निर्धक्कका साथ आफ्ना कुरा राख्न बोल्न सक्ने क्षमताको विकास भएको बताइन् ।
कार्यक्रममा ३ जना उत्कृष्ट प्रशिक्षार्थी रीता दाहाल, विमला बिक र पूर्णकुमारी भट्टराईलाई सम्मान गरिएको थियो । कार्यक्रमको सभापति प्रगति महिला समाजकी अध्यक्ष पार्वती गच्छदार रहेकी थिइन् भने कार्यक्रमको संयोजन एरिना ढकालले गरेकी थिइन् ।
समापन कार्यक्रममा राष्ट्रिय महिला अधिकार मञ्च मोरङकी अध्यक्ष कल्पना घिमिरे, वडा सचिव, ज्येष्ठ नागरिक समाज वडा नं. ३ का अध्यक्ष लगायतको उपस्थिति रहेको थियो ।
Facebook Comment
Banner
शल्यक्रिया नगरी मुटुको प्वाल टाल्ने प्रविधिले बिरामीलाई सहजता, के हो ए. एस. डी. क्लोजर प्रविधि ?
मोरङ । लेटाङका एक जना २३ वर्षका युवकको मुटुको प्वाल नोबेल मेडिकल कलेज टिचिङ हस्पिटलमा विना शल्यक्रिया टालिएको छ । लेटाङ निवासी अमिस मगरको विना शल्यक्रिया नोबेलका मुटुरोग विशेषज्ञ प्रा. डा. राजेश नेपाल नेतृत्वको चिकित्सा टोलीले ए. एस. डी. क्लोजर प्रविधिबाट मुटुको जन्म जात प्वाल टालेको हो ।
Banner
हाइड्रोजन र पेट्रोल–डिजल दुवै प्रकारका इन्धनबाट चल्ने इन्जिन नेपालमै विकास गरेर गाडी गुडाउने तयारी अन्तिम चरणमा पुगेको छ ।
हाइड्रोजन र पेट्रोल–डिजल दुवै प्रकारका इन्धनबाट चल्ने इन्जिन नेपालमै विकास गरेर गाडी गुडाउने तयारी अन्तिम चरणमा पुगेको छ । यदि यसले व्यवसायिक रुप पाएमा गाडी धनीहरुलाई पेट्रोल/डिजल र हाइड्रोजन दुवै प्रकारको ऊर्जा प्रयोग गर्न मिल्ने विकल्प हुने छ ।
पेट्रोल–डिजल प्रयोग गरेर तपाईंले चलाइरहेको गाडी हाइड्रोजनबाट पनि चल्ने होस् भन्ने चाहनु भएको छ ? यदि छ भने तपाईंका लागि खुसीको खबर छ । नेपालमा डिजल–पेट्रोलबाट चल्ने गाडीमै हाइड्रोजन पनि प्रयोग गर्न मिल्ने गरी इन्जिनको विकास गर्ने काम अन्तिम चरणमा पुगेको छ ।
हाइब्रिड खालको इन्जिन विकासका लागि रिन्यु जेन रिसोर्सेस नेपालले बेलायतको एक विश्वविद्यालय र नेपालको इन्जिनियरिङ अध्ययन संस्थान पुल्चोकसँग समझदारी पत्रमा हस्ताक्षर गरेर काम गरिरहेको छ । सो समझदारी अनुसार पेट्रोल–डिजलबाट चलिरहेको गाडीको इन्जिनलाई सामान्य परिमार्जन गरी हाइड्रोजनबाट पनि चलाउने प्रक्रिया अन्तिम चरणमा पुगेको छ ।
Banner
सार्वजनिक ठाउँमा चल्ने निःशुल्क अर्थात् फ्रि–चल्ने वाईफाईबाट बैंकिङ कारोबार नगर्नुहोला।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login